വൈഷ്ണവാനാം ഹരിസ്ത്വം ശിവസ്ത്വം സ്വയം
ശക്തിരൂപസ്ത്വമേവാനയസ്ത്വം നതേഃ .
ത്വം ഗണാധികൃതസ്ത്വം സുരേശാധിപ-
സ്ത്വം മരുത്വാന്രവിസ്ത്വം സദാ സ്തോചതാം ..

ത്വം സദാ ലോകകല്യാണകൃന്മണ്ഡലഃ
തപ്യമാനോ ജഗദ്ഭൂതിസിദ്ധ്യൈ നഭേ .
രാതി രാത്ര്യൈ നിവിഷ്ടാഭമഗ്നിം തഥാ
ദ്വാദശാത്മൻ സദാഽഽനന്ദമഗ്നോ ഭവ ..

ജാന്മമാത്രേണ ചാസക്തിഗ്രസ്തോ വയം
ശാംബരീബന്ധനേ വിസ്മൃതാശ്ചാർഥിനഃ .
ഭക്തിഭാവേന ഹീനായ ജോഷാലയോഽ-
ര്കാദിതേയോഷ്ണരശ്മേ പ്രസന്നോ മയി ..

അകൃതാർഥായ ബ്രഹ്മാണ്ഡസാദ്ധസ്തഥാ
തായകോ വിഷ്ണുരൂപേണ കല്പാന്തരേ .
യോ മഹാഽന്തേ ശിവശ്ചണ്ഡനീലോ നടോ
ദക്ഷജാഽങ്ഗപ്രഭസ്ത്വം സദാ രോചതാം ..

ബ്രാഹ്മണോ ബാഹുജോഽന്യാശ്ച വർണാശ്രമാ
ബ്രഹ്മചര്യാദ്യതിത്വോ ഹൃഷീകേ ധ്രുവഃ .
ധർമകാമാദിരൂപേണ ചാവസ്ഥിതഃ
പ്രാണതത്വോ മഹേന്ദ്രഃ പ്രസന്നോഽവതു ..

അസ്മദാചാര്യപ്രോക്തം പ്രമാണം പരം
യാചകാഃ പാദപദ്മാനുകമ്പ്യാസ്തവ .
സ്വസ്യ ജന്മാന്തരാച്ചക്രമുക്താസ്തദാഽ-
നർഹജീവസ്തു ഋച്ഛാമി ധാമം കഥം ..

ശൗചമാചാരമസ്മത് പ്രമുക്താഃ കൃതാഃ
സ്വാത്മധർമാദ്വിമുക്താസ്തു പാപേ രതാഃ .
കേവലം കുക്ഷിപൂർതേർവയം യാജകാ
ഹേഽധമോദ്ധാരണസ്തൃപ്യതാത്താപനഃ ..

പൂജിതോ ദസ്രതാതാന്വവായൈസ്തഥാ
ഋഗ്യജുർവേദസാമം ചതുർഥോം യഥാ .
ആഗമാഃ പഞ്ചകാലൈർക്രമേ വേദക-
സ്ത്വം വിഹംഗഃ സദാഽഽനന്ദിതോഽസ്മാസു ഹി ..

സപ്തലോകാർണവാശ്ചാന്തരീപാഃ സ്വരാ
യോഗിനോ രശ്മയഃ സപ്തധാഽഽരോപിതഃ .
ഔഷധേശ്ഛന്ദഭാവേഽന്നഗോമാരുതൈഃ
പാലകാദിത്യസഞ്ജ്ഞാപതേ രോചതാം ..

Ramaswamy Sastry and Vighnesh Ghanapaathi