ദൈവതദൈവത മംഗലമംഗല പാവനപാവന കാരണകാരണ .
വേങ്കടഭൂധരമൗലിവിഭൂഷണ മാധവ ഭൂധവ ദേവ ജയീഭവ ..

വാരിദസന്നിഭ ദയാകര ശാരദനീരജചാരുവിലോചന .
ദേവശിരോമണിഅപാദസരോരുഹ വേങ്കടശൈലപതേ വിജയീഭവ ..

അഞ്ജനശൈലനിവാസ നിരഞ്ജന രഞ്ജിതസർവജനാഞ്ജനമേചക .
മാമഭിഷിഞ്ച കൃപാമൃതശീതലശീകരവർഷിദൃശാ ജഗദീശ്വര ..

വീതസമാധിക സാരഗുണാകര കേവലസത്ത്വതനോ പുരുഷോത്തമ .
ഭീമഭവാർണവതാരണകോവിദ വേങ്കടശൈലപതേ വിജയീഭവ ..

സ്വാമിസരോവരതീരരമാകൃതകേലിമഹാരസലാലസമാനസ .
സാരതപോധനചിത്തനികേതന വേങ്കടശൈലപതേ വിജയീഭവ ..

ആയുധഭൂഷണകോടിനിവേശിതശംഖരഥാംഗജിതാമതസമ്മത .
സ്വേതരദുർഘടസംഘടനക്ഷമ വേങ്കടശൈലപതേ വിജയീഭവ ..

പങ്കജനാകൃതിസൗരഭവാസിതശൈലവനോപവനാന്തര .
മന്ദ്രമഹാസ്വനമംഗലനിർജ്ഝര വേങ്കടശൈലപതേ വിജയീഭവ ..

നന്ദകുമാരക ഗോകുലപാലക ഗോപവധൂവര കൃഷ്ണ .
ശ്രീവസുദേവ ജന്മഭയാപഹ വേങ്കടശൈലപതേ വിജയീഭവ ..

ശൈശവപാതിതപാതകിപൂതന ധേനുകകേശിമുഖാസുരസൂദന .
കാലിയമർദന കംസനിരാസക മോഹതമോപഹ കൃഷ്ണ ജയീഭവ ..

പാലിതസംഗര ഭാഗവതപ്രിയ സാരഥിതാഹിതതോഷപൃഥാസുത .
പാണ്ഡവദൂത പരാകൃതഭൂഭര പാഹി പരാവരനാഥ പരായണ ..

ശാതമഖാസുവിഭഞ്ജനപാടവ സത്രിശിരഃഖരദൂഷണദൂഷണ .
ശ്രീരഘുനായക രാമ രമാസഖ വിശ്വജനീന ഹരേ വിജയീഭവ ..

രാക്ഷസസോദരഭീതിനിവാരക ശാരദശീതമയൂഖമുഖാംബുജ .
രാവണദാരുണവാരണദാരണകേസരിപുംഗവ ദേവ ജയീഭവ ..

കാനനവാനരവീരവനേചരകുഞ്ജരസിംഹമൃഗാദിഷു വത്സല .
ശ്രീവരസൂരിനിരസ്തഭവാദര വേങ്കടശൈലപതേ വിജയീഭവ ..

വാദിസാധ്വസകൃത്സൂരികഥിതം സ്തവനം മഹത് .
വൃഷശൈലപതേഃ ശ്രേയസ്കാമോ നിത്യം പഠേത് സുധീഃ ..

Ramaswamy Sastry and Vighnesh Ghanapaathi