സുധാതുല്യജലൈര്യുക്താ യത്ര സരഃ സരിദ്വരാഃ .
തസ്യൈ സരഃസരിദ്വത്യൈ മിഥിലായൈ സുമംഗളം ..

യത്രോദ്യാനാനി ശോഭന്തേ വൃക്ഷൈഃ സഫലപുഷ്പകൈഃ .
തസ്യൈ ചോദ്യാനയുക്തായൈ മിഥിലായൈ സുമംഗളം ..

യത്ര ദാർശനികാ ജാതാ ശ്രീമദ്ബോധായനാദയഃ .
തസ്യൈ വിദ്വദ്വിശിഷ്ടായൈ മിഥിലായൈ സുമംഗളം ..

യസ്യാം പുര്യാമുദൂഢാ ച രാമേണ ജനകാത്മജാ .
തസ്യൈ മഹോത്സവാഢ്യായൈ മിഥിലായൈ സുമംഗളം ..

സീതാരാമപദസ്പർശാത് പുണ്യശീലാ ച യത്ക്ഷിതിഃ .
തസ്യൈ ച പാപാപഹാരിണ്യൈ മിഥിലായൈ സുമംഗളം ..

ജാനകീജന്മഭൂമിര്യാ ഭക്തിദാ മുക്തിദാ തഥാ .
തസ്യൈ മഹാപ്രഭാവായൈ മിഥിലായൈ സുമംഗളം ..

Ramaswamy Sastry and Vighnesh Ghanapaathi