പരമാനന്ദസർവസ്വം പാശുപാല്യപരിഷ്കൃതം
ചിരമാസ്വാദയന്തീ മേ ജൃമ്യതാം ചേതസി സ്ഥിതിഃ .
ദൂരദൂരമുപാരുഹ്യ പതതാമപി ചാന്തരാ
സകൃദാക്രന്ദനേനൈവ വരദഃ കരദോ ഭവേത് ..

മമ ചേതസി മാദ്യതോ മുരാരേഃ
മധുരസ്മേരമുപാധ്വമാനനേന്ദും .
കമനീയതനോഃ കടാക്ഷലക്ഷ്മീം
കന്യയാപി പ്രണതേഷു കാമധേനോഃ ..

വരദസ്യ വയം കടാക്ഷലക്ഷ്മീം
വരയാമഃ പരമേണ ചാപലേന .
സകൃദപ്യുപഗമ്യ സമ്മുഖം
സഹസാ വർഷതി യോഷിതോഽപി കാമം ..

ജൃംഭതാം വോ ഹൃദയേ ജഗത്ത്ത്രയീസുന്ദരാഃ കടാക്ഷഭരാഃ .
അംഭോദാൻ ഗഗനചരാനാഹ്വയമാനസ്യ ബാലസ്യ ..

ജൃംഭന്താം വഃ കരിഗിരിജുഷഃ കടാക്ഷച്ഛടാ വിഭോർമനസി .
അംഭോധരമധഃകൃത്വാ ഹർഷാത്സ്വൈരം ശയാനസ്യ ..

ബ്രജജനവനിതാമദാന്ധകേലി-
കലഹകടാക്ഷാവലക്ഷവിഭ്രമോ വഃ .
വിഹരതു ഹൃദയേ വിലാസസിന്ധു-
ര്മുഹുരബിലംഗിതമുഗ്ധശൈശവശ്രീഃ ..

വരവിതരണകേലിധന്യധന്യാ
മധുരതരാഃ കരുണാകടാക്ഷലക്ഷ്മ്യാഃ .
കരിഗിരിസുകൃതാങ്കുരസ്യ കസ്യാ-
ഭിനവവാരിവഹസ്യ വിഭ്രതാം വഃ ..

ഇത്യഷ്ടകം പുഷ്ടരസാനുബന്ധം
വിനോദഗോഷ്ഠീസമയേ വിയുങ്ക്താം .
വ്രജാംഗനാനാം കുചയോഃ കരീന്ദ്ര-
ശൈലസ്യ മൗലൗ ച മുഹുർവിഹർതാ ..

ശ്രീകൃഷ്ണലീലാശുകവാങ്മയീഭി-
രേവംവിധാഭിർവിബുധാഹതാഭിഃ .
പുഷ്ണന്തു ധന്യാഃ പുനരുക്തഹർഷ-
മായൂംഷി പീയൂഷതരംഗിണീഭിഃ ..

Ramaswamy Sastry and Vighnesh Ghanapaathi