ദേഹേന്ദ്രിയൈർവിനാ ജീവാൻ ജഡതുല്യാൻ വിലോക്യ ഹി.
ജഗതഃ സർജകം വന്ദേ ശ്രീരാമം ഹനുമത്പ്രഭും.
അന്തർബഹിശ്ച സംവ്യാപ്യ സർജനാനന്തരം കില.
ജഗതഃ പാലകം വന്ദേ ശ്രീരാമം ഹനുമത്പ്രഭും.
ജീവാംശ്ച വ്യഥിതാൻ ദൃഷ്ട്വാ തേഷാം ഹി കർമജാലതഃ.
ജഗത്സംഹാരകം വന്ദേ ശ്രീരാമം ഹനുമത്പ്രഭും.
സർജകം പദ്മയോനേശ്ച വേദപ്രദായകം തഥാ.
ശാസ്ത്രയോനിമഹം വന്ദേ ശ്രീരാമം ഹനുമത്പ്രഭും.
വിഭൂതിദ്വയനാഥം ച ദിവ്യദേഹഗുണം തഥാ.
ആനന്ദാംബുനിധിം വന്ദേ ശ്രീരാമം ഹനുമത്പ്രഭും.
സർവവിദം ച സർവേശം സർവകർമഫലപ്രദം.
സർവശ്രുത്യന്വിതം വന്ദേ ശ്രീരാമം ഹനുമത്പ്രഭും.
ചിദചിദ്ദ്വാരകം സർവജഗന്മൂലമഥാവ്യയം.
സർവശക്തിമഹം വന്ദേ ശ്രീരാമം ഹനുമത്പ്രഭും.
പ്രഭാണാം സൂര്യവച്ചാഥ വിശേഷാണാം വിശിഷ്ടവത്.
ജീവാനാമംശിനം വന്ദേ ശ്രീരാമം ഹനുമത്പ്രഭും.
അശേഷചിദചിദ്വസ്തുവപുഷ്ഫം സത്യസംഗരം.
സർവേഷാം ശേഷിണം വന്ദേ ശ്രീരാമം ഹനുമത്പ്രഭും.
സകൃത്പ്രപത്തിമാത്രേണ ദേഹിനാം ദൈന്യശാലിനാം.
സർവേഭ്യോഽഭയദം വന്ദേ ശ്രീരാമം ഹനുമത്പ്രഭും.

Ramaswamy Sastry and Vighnesh Ghanapaathi