ആഞ്ജനേയാർചിതം ജാനകീരഞ്ജനം
ഭഞ്ജനാരാതിവൃന്ദാരകഞ്ജാഖിലം.
കഞ്ജനാനന്തഖദ്യോതകഞ്ജാരകം
ഗഞ്ജനാഖണ്ഡലം ഖഞ്ജനാക്ഷം ഭജേ.
കുഞ്ജരാസ്യാർചിതം കഞ്ജജേന സ്തുതം
പിഞ്ജരധ്വംസകഞ്ജാരജാരാധിതം.
കുഞ്ജഗഞ്ജാതകഞ്ജാംഗജാംഗപ്രദം
മഞ്ജുലസ്മേരസമ്പന്നവക്ത്രം ഭജേ.
ബാലദൂർവാദലശ്യാമലശ്രീതനും
വിക്രമേണാവഭഗ്നത്രിശൂലീധനും.
താരകബ്രഹ്മനാമദ്വിവർണീമനും
ചിന്തയാമ്യേകതാരിന്തനൂഭൂദനും.
കോശലേശാത്മജാനന്ദനം ചന്ദനാ-
നന്ദദിക്സ്യന്ദനം വന്ദനാനന്ദിതം.
ക്രന്ദനാന്ദോലിതാമർത്യസാനന്ദദം
മാരുതിസ്യന്ദനം രാമചന്ദ്രം ഭജേ.
ഭീദരന്താകരം ഹന്തൃദൂഷിൻഖരം
ചിന്തിതാംഘ്ര്യാശനീകാലകൂടീഗരം.
യക്ഷരൂപേ ഹരാമർത്യദംഭജ്വരം
ഹത്രിയാമാചരം നൗമി സീതാവരം.
ശത്രുഹൃത്സോദരം ലഗ്നസീതാധരം
പാണവൈരിൻ സുപർവാണഭേദിൻ ശരം.
രാവണത്രസ്തസംസാരശങ്കാഹരം
വന്ദിതേന്ദ്രാമരം നൗമി സ്വാമിന്നരം.

Ramaswamy Sastry and Vighnesh Ghanapaathi