ഓം അസ്യ ശ്രീകേതുകവചസ്തോത്രമഹാമന്ത്രസ്യ. ത്ര്യംബക-ൠഷിഃ.
അനുഷ്ടുപ് ഛന്ദഃ. കേതുർദേവതാ.
കം ബീജം. നമഃ ശക്തിഃ.
കേതുരിതി കീലകം.
കേതുകൃതപീഡാനിവാരണാർഥേ സർവരോഗനിവാരണാർഥേ സർവശത്രുവിനാശനാർഥേ സർവകാര്യസിദ്ധ്യർഥേ കേതുപ്രസാദസിദ്ധ്യർഥേ ച ജപേ വിനിയോഗഃ.
കേതും കരാലവദനം ചിത്രവർണം കിരീടിനം.
പ്രണമാമി സദാ കേതും ധ്വജാകാരം ഗ്രഹേശ്വരം.
ചിത്രവർണഃ ശിരഃ പാതു ഭാലം ധൂമ്രസമദ്യുതിഃ.
പാതു നേത്രേ പിംഗലാക്ഷഃ ശ്രുതീ മേ രക്തലോചനഃ.
ഘ്രാണം പാതു സുവർണാഭശ്ചിബുകം സിംഹികാസുതഃ.
പാതു കണ്ഠം ച മേ കേതുഃ സ്കന്ധൗ പാതു ഗ്രഹാധിപഃ.
ഹസ്തൗ പാതു സുരശ്രേഷ്ഠഃ കുക്ഷിം പാതു മഹാഗ്രഹഃ.
സിംഹാസനഃ കടിം പാതു മധ്യം പാതു മഹാസുരഃ.
ഊരൂ പാതു മഹാശീർഷോ ജാനുനീ മേഽതികോപനഃ.
പാതു പാദൗ ച മേ ക്രൂരഃ സർവാംഗം നരപിംഗലഃ.
യ ഇദം കവചം ദിവ്യം സർവരോഗവിനാശനം.
സർവശത്രുവിനാശം ച ധാരയേദ്വിജയീ ഭവേത്.

Ramaswamy Sastry and Vighnesh Ghanapaathi