വൈശാഖേ മാസി കൃഷ്ണായാം ദശമ്യാം മന്ദവാസരേ.
പൂർവാഭാദ്രപ്രഭൂതായ മംഗളം ശ്രീഹനൂമതേ.
കരുണാരസപൂർണായ ഫലാപൂപപ്രിയായ ച.
നാനാമാണിക്യഹാരായ മംഗളം ശ്രീഹനൂമതേ.
സുവർചലാകലത്രായ ചതുർഭുജധരായ ച.
ഉഷ്ട്രാരൂഢായ വീരായ മംഗളം ശ്രീഹനൂമതേ.
ദിവ്യമംഗലദേഹായ പീതാംബരധരായ ച.
തപ്തകാഞ്ചനവർണായ മംഗളം ശ്രീഹനൂമതേ.
ഭക്തരക്ഷണശീലായ ജാനകീശോകഹാരിണേ.
ജ്വലത്പാവകനേത്രായ മംഗളം ശ്രീഹനൂമതേ.
പമ്പാതീരവിഹാരായ സൗമിത്രിപ്രാണദായിനേ.
സൃഷ്ടികാരണഭൂതായ മംഗളം ശ്രീഹനൂമതേ.
രംഭാവനവിഹാരായ ഗന്ധമാദനവാസിനേ.
സർവലോകൈകനാഥായ മംഗളം ശ്രീഹനൂമതേ.
പഞ്ചാനനായ ഭീമായ കാലനേമിഹരായ ച.
കൗണ്ഡിന്യഗോത്രജാതായ മംഗളം ശ്രീഹനൂമതേ.
ഇതി സ്തുത്വാ ഹനൂമന്തം നീലമേഘോ ഗതവ്യഥഃ.
പ്രദക്ഷിണനമസ്കാരാൻ പഞ്ചവാരം ചകാര സഃ.