പ്രാതർനമാമി ജഗതാം ജനന്യാശ്ചരണാംബുജം.
ശ്രീമത്ത്രിപുരസുന്ദര്യാഃ പ്രണതായാ ഹരാദിഭിഃ.
പ്രാതസ്ത്രിപുരസുന്ദര്യാ നമാമി പദപങ്കജം.
ഹരിർഹരോ വിരിഞ്ചിശ്ച സൃഷ്ട്യാദീൻ കുരുതേ യയാ.
പ്രാതസ്ത്രിപുരസുന്ദര്യാ നമാമി ചരണാംബുജം.
യത്പാദമംബു ശിരസ്യേവം ഭാതി ഗംഗാ മഹേശിതുഃ.
പ്രാതഃ പാശാങ്കുശ- ശരാഞ്ചാപഹസ്താം നമാമ്യഹം.
ഉദയാദിത്യസങ്കാശാം ശ്രീമത്ത്രിപുരസുന്ദരീം.
പ്രാതർനമാമി പാദാബ്ജം യയേദം ധാര്യതേ ജഗത്.
തസ്യാസ്ത്രിപുരസുന്ദര്യാ യത്പ്രസാദാന്നിവർതതേ.
യഃ ശ്ലോകപഞ്ചകമിദം പ്രാതർനിത്യം പഠേന്നരഃ .
തസ്മൈ ദദാത്യാത്മപദം ശ്രീമത്ത്രിപുരസുന്ദരീ.

Ramaswamy Sastry and Vighnesh Ghanapaathi