നമസ്തേഽസ്തു മഹാമായേ ശ്രീപീഠേ സുരപൂജിതേ .
ശംഖചക്രഗദാഹസ്തേ മഹാലക്ഷ്മി നമോഽസ്തു തേ .
നമസ്തേ ഗരുഡാരൂഢേ കോലാസുരഭയങ്കരി .
സർവപാപഹരേ ദേവി മഹാലക്ഷ്മി നമോഽസ്തു തേ .
സർവജ്ഞേ സർവവരദേ സർവദുഷ്ടഭയങ്കരി .
സർവദുഃഖഹരേ ദേവി മഹാലക്ഷ്മി നമോഽസ്തു തേ .
സിദ്ധിബുദ്ധിപ്രദേ ദേവി ഭുക്തിമുക്തിപ്രദായിനി .
മന്ത്രമൂർതേ സദാ ദേവി മഹാലക്ഷ്മി നമോഽസ്തു തേ .
ആദ്യന്തരഹിതേ ദേവി ആദിശക്തി മഹേശ്വരി .
യോഗജ്ഞേ യോഗസംഭൂതേ മഹാലക്ഷ്മി നമോഽസ്തു തേ .
സ്ഥൂലസൂക്ഷ്മമഹാരൗദ്രേ മഹാശക്തി മഹോദരേ .
മഹാപാപഹരേ ദേവി മഹാലക്ഷ്മി നമോഽസ്തു തേ .
പദ്മാസനസ്ഥിതേ ദേവി പരബ്രഹ്മസ്വരൂപിണി .
പരമേശി ജഗന്മാതർമഹാലക്ഷ്മി നമോഽസ്തു തേ .
ശ്വേതാംബരധരേ ദേവി നാനാലങ്കാരഭൂഷിതേ .
ജഗത്സ്ഥിതേ ജഗന്മാതർമഹാലക്ഷ്മി നമോഽസ്തു തേ .

Ramaswamy Sastry and Vighnesh Ghanapaathi