സൗന്ദര്യമാധുര്യസുധാ- സമുദ്രവിനിദ്രപദ്മാസന- സന്നിവിഷ്ടാം.
ചഞ്ചദ്വിപഞ്ചീകലനാദമുഗ്ധാം ശുദ്ധാം ദധേഽന്തർവിസരത്സുഗന്ധാം.
ശ്രുതിഃസ്മൃതിസ്തത്പദ- പദ്മഗന്ധിപ്രഭാമയം വാങ്മയമസ്തപാരം.
യത്കോണകോണാഭിനിവിഷ്ടമിഷ്ടം താമംബികാം സർവസിതാം ശ്രിതാഃ സ്മഃ.
ന കാന്ദിശീകം രവിതോഽതിവേലം തം കൗശികം സംസ്പൃഹയേ നിശാതം.
സാവിത്രസാരസ്വതധാമപശ്യം ശസ്യം തപോബ്രാഹ്മണമാദ്രിയേ തം.
ശ്രീശാരദാം പ്രാർഥിതസിദ്ധവിദ്യാം ശ്രീശാരദാംഭോജസഗോത്രനേത്രാം.
ശ്രീശാരദാംഭോജനിവീജ്യമാനാം ശ്രീശാരദാങ്കാനുജനിം ഭജാമി.
ചക്രാംഗരാജാഞ്ചിതപാദപദ്മാ പദ്മാലയാഽഭ്യർഥിതസുസ്മിതശ്രീഃ.
സ്മിതശ്രിയാ വർഷിതസർവകാമാ വാമാ വിധേഃ പൂരയതാം പ്രിയം നഃ.
ബാഹോ രമായാഃ കില കൗശികോഽസൗ ഹംസോ ഭവത്യാഃ പ്രഥിതോ വിവിക്തഃ.
ജഗദ്വിധാതുർമഹിഷി ത്വമസ്മാൻ വിധേഹി സഭ്യാന്നഹി മാതരിഭ്യാൻ.
സ്വച്ഛവ്രതഃ സ്വച്ഛചരിത്രചുഞ്ചുഃ
സ്വച്ഛാന്തരഃ സ്വച്ഛസമസ്തവൃത്തിഃ.
സ്വച്ഛം ഭവത്യാഃ പ്രപദം പ്രപന്നഃ
സ്വച്ഛേ ത്വയി ബ്രഹ്മണി ജാതു യാതു.
രവീന്ദുവഹ്നിദ്യുതികോടിദീപ്രം സിംഹാസനം സന്തതവാദ്യഗാനം.
വിദീപയന്മാതൃകധാമ യാമഃ കാരുണ്യപൂർണാമൃതവാരിവാഹം.
ശുഭ്രാം ശുഭ്രസരോജമുഗ്ധവദനാം ശുഭ്രാംബരാലങ്കൃതാം
ശുഭ്രാംഗീം ശുഭശുഭ്രഹാസ്യവിശദാം ശുഭ്രസ്രഗാശോഭിനീം.
ശുഭ്രോദ്ദാമല- ലാമധാമമഹിമാം ശുഭ്രാന്തരംഗാഗതാം
ശുഭ്രാഭാം ഭയഹാരിഭാവഭരിതാം ശ്രീഭാരതീം ഭാവയേ.
മുക്താലങ്കൃത- കുന്തലാന്തസരണിം രത്നാലിഹാരാവലിം
കാഞ്ജീകാന്ത- വലഗ്നലഗ്നവലയാം വജ്രാംഗുലീയാംഗുലിം.
ലീലാചഞ്ചലലോചനാഞ്ചല- ചലല്ലോകേശലോലാലകാം
കല്യാമാകലയേഽതി- വേലമതുലാം വിത്കല്പവല്ലീകലാം.
പ്രയതോ ധാരയേദ് യസ്തു സാരസ്വതമിമം സ്തവം.
സാരസ്വതം തസ്യ മഹഃ പ്രത്യക്ഷമചിരാദ് ഭവേത്.
വാഗ്ബീജസമ്പുടം സ്തോത്രം ജഗന്മാതുഃ പ്രസാദജം.
പ്രത്യഹം യോ ജപൻ മർത്യഃ പ്രാപ്നുയാദ് ബുദ്ധിവൈഭവം.
സൂര്യഗ്രഹേ പ്രജപിതഃ സ്തവഃ സിദ്ധികരഃ പരഃ.
വാരാണസ്യാം പുണ്യതീർഥേ സദ്യോ വാഞ്ഛിതദായകഃ.

Ramaswamy Sastry and Vighnesh Ghanapaathi