ॐ श्री पञ्चवदनायाञ्जनेयाय नमः .

 

ॐ अस्य श्री पञ्चमुखहनुमन्मन्त्रस्य ब्रह्मा ऋषिः .

गायत्रीछन्दः .

पञ्चमुखविराट् हनुमान्देवता .

ह्रीं बीजं .

श्रीं शक्तिः .

क्रौं कीलकं .

क्रूं कवचं .

क्रैं अस्त्राय फट् .

इति दिग्बन्धः .

 

श्री गरुड उवाच .

अथ ध्यानं प्रवक्ष्यामि शृणुसर्वांगसुन्दरि .

यत्कृतं देवदेवेन ध्यानं हनुमतः प्रियं .. 1..

 

पञ्चवक्त्रं महाभीमं त्रिपञ्चनयनैर्युतं .

बाहुभिर्दशभिर्युक्तं सर्वकामार्थसिद्धिदं .. 2..

 

पूर्वं तु वानरं वक्त्रं कोटिसूर्यसमप्रभं .

दंष्ट्राकरालवदनं भृकुटीकुटिलेक्षणं .. 3..

 

अस्यैव दक्षिणं वक्त्रं नारसिंहं महाद्भुतं .

अत्युग्रतेजोवपुषं भीषणं भयनाशनं .. 4..

 

पश्चिमं गारुडं वक्त्रं वक्रतुण्डं महाबलं ..

 

सर्वनागप्रशमनं विषभूतादिकृन्तनं .. 5..

 

उत्तरं सौकरं वक्त्रं कृष्णं दीप्तं नभोपमं .

पातालसिंहवेताल ज्वररोगादि कृन्तनं .. 6..

 

ऊर्ध्वं हयाननं घोरं दानवान्तकरं परं .

येन वक्त्रेण विप्रेन्द्र तारकाख्यं महासुरं .. 7..

 

जघान शरणं तत्स्यात्सर्वशत्रुहरं परं .

ध्यात्वा पञ्चमुखं रुद्रं हनुमन्तं दयानिधिं .. 8..

 

खड्गं त्रिशूलं खट्वांगं पाशमङ्कुशपर्वतं .

मुष्टिं कौमोदकीं वृक्षं धारयन्तं कमण्डलुं .. 9..

 

भिन्दिपालं ज्ञानमुद्रां दशभिर्मुनिपुंगवं .

एतान्यायुधजालानि धारयन्तं भजाम्यहं .. 10..

 

प्रेतासनोपविष्टं तं सर्वाभरणभूषितं .

दिव्यमाल्यांबरधरं दिव्यगन्धानुलेपनं .. 11..

 

सर्वाश्चर्यमयं देवं हनुमद्विश्वतोमुखं .

पञ्चास्यमच्युतमनेक विचित्रवर्णवक्त्रं

शशाङ्कशिखरं कपिराजवर्यम .

पीतांबरादि मुकुटैरुपशोभितांगं

पिंगाक्षमाद्यमनिशं मनसा स्मरामि .. 12..

 

मर्कटेशं महोत्साहं सर्वशत्रुहरं परं .

शत्रु संहर मां रक्ष श्रीमन्नापदमुद्धर .. 13..

 

ॐ हरिमर्कट मर्कट मन्त्रमिदं

परिलिख्यति लिख्यति वामतले .

यदि नश्यति नश्यति शत्रुकुलं

यदि मुञ्चति मुञ्चति वामलता .. 14..

 

ॐ हरिमर्कटाय स्वाहा .

ॐ नमो भगवते पञ्चवदनाय पूर्वकपिमुखाय

सकलशत्रुसंहारकाय स्वाहा .

ॐ नमो भगवते पञ्चवदनाय दक्षिणमुखाय करालवदनाय

नरसिंहाय सकलभूतप्रमथनाय स्वाहा .

ॐ नमो भगवते पञ्चवदनाय पश्चिममुखाय गरुडाननाय

सकलविषहराय स्वाहा .

ॐ नमो भगवते पञ्चवदनायोत्तर मुखायादिवराहाय

सकलसम्पत्कराय स्वाहा .

ॐ नमो भगवते पञ्चवदनायोर्ध्वमुखाय हयग्रीवाय

सकलजनवशङ्कराय स्वाहा .

ॐ अस्य श्री पञ्चमुखहनुमन्मन्त्रस्य श्रीरामचन्द्र

ऋषिः . अनुष्टुप्छन्दः . पञ्चमुखवीरहनुमान् देवता .

हनुमानिति बीजं . वायुपुत्र इति शक्तिः . अञ्जनासुत इति कीलकं .

श्रीरामदूतहनुमत्प्रसाद सिद्ध्यर्थे जपे विनियोगः .

इति ऋष्यादिकं विन्यसेत् ..

 

ॐ अञ्जनासुताय अंगुष्ठाभ्यां नमः .

ॐ रुद्रमूर्तये तर्जनीभ्यां नमः .

ॐ वायुपुत्राय मध्यमाभ्यां नमः .

ॐ अग्निगर्भाय अनामिकाभ्यां नमः .

ॐ रामदूताय कनिष्ठिकाभ्यां नमः .

ॐ पञ्चमुखहनुमते करतलकरपृष्ठाभ्यां नमः .

इति करन्यासः ..

 

ॐ अञ्जनासुताय हृदयाय नमः .

ॐ रुद्रमूर्तये शिरसे स्वाहा .

ॐ वायुपुत्राय शिखायै वषट् .

ॐ अग्निगर्भाय कवचाय हुं .

ॐ रामदूताय नेत्रत्रयाय वौषट् .

ॐ पञ्चमुखहनुमते अस्त्राय फट् .

पञ्चमुखहनुमते स्वाहा .

इति दिग्बन्धः ..

 

अथ ध्यानं .

वन्दे वानरनारसिंह खगराट्क्रोडाश्व वक्त्रान्वितं

दिव्यालङ्करणं त्रिपञ्चनयनं देदीप्यमानं रुचा .

हस्ताब्जैरसि खेटपुस्तकसुधा कुंभाङ्कुशाद्रिं हलं

खट्वांगं फणिभूरुहं दशभुजं सर्वारिवीरापहं .

अथ मन्त्रः .

ॐ श्रीरामदूतायाञ्जनेयाय वायुपुत्राय महाबलपराक्रमाय

सीतादुःखनिवारणाय लङ्कादहनकारणाय महाबलप्रचण्डाय

फाल्गुनसखाय कोलाहल सकलब्रह्माण्ड विश्वरूपाय

सप्तसमुद्रनिर्लंघनाय पिंगलनयनायामितविक्रमाय

सूर्यबिंबफलसेवनाय दुष्टनिवारणाय दृष्टिनिरालङ्कृताय

सञ्जीविनी सञ्जीवितांगद लक्ष्मणमहाकपि सैन्यप्राणदाय

दशकण्ठविध्वंसनाय रामेष्टाय महाफाल्गुनसखाय सीतासहित-

रामवरप्रदाय षट्प्रयोगागमपञ्चमुख वीरहनुमन्मन्त्रजपे विनियोगः .

ॐ हरिमर्कटमर्कटाय बंबंबंबंबं वौषट् स्वाहा .

ॐ हरिमर्कटमर्कटाय फंफंफंफंफं फट् स्वाहा .

ॐ हरिमर्कटमर्कटाय खेंखेंखेंखेंखें मारणाय स्वाहा .

ॐ हरिमर्कटमर्कटाय लुंलुंलुंलुंलुं आकर्षित सकलसम्पत्कराय स्वाहा .

ॐ हरिमर्कटमर्कटाय धन्धन्धन्धन्धं शत्रुस्तंभनाय स्वाहा .

ॐ टण्टण्टण्टण्टं कूर्ममूर्तये पञ्चमुखवीरहनुमते

परयन्त्रपरतन्त्रोच्चाटनाय स्वाहा .

ॐ कंखंगंघंङं चञ्छञ्जंझंञं टण्ठण्डण्ढंणं

तन्थन्दन्धंनं पंफंबंभंमं यंरंलंवं शंषंसंहं

ळङ्क्षं स्वाहा .

इति दिग्बन्धः .

ॐ पूर्वकपिमुखाय पञ्चमुखहनुमते टण्टण्टण्टण्टं

सकलशत्रुसंहरणाय स्वाहा .

ॐ दक्षिणमुखाय पञ्चमुखहनुमते करालवदनाय नरसिंहाय

ॐ ह्रां ह्रीं ह्रूं ह्रैं ह्रौं ह्रः सकलभूतप्रेतदमनाय स्वाहा .

ॐ पश्चिममुखाय गरुडाननाय पञ्चमुखहनुमते मंमंमंमंमं

सकलविषहराय स्वाहा .

ॐ उत्तरमुखायादिवराहाय लंलंलंलंलं नृसिंहाय नीलकण्ठमूर्तये

पञ्चमुखहनुमते स्वाहा .

ॐ उर्ध्वमुखाय हयग्रीवाय रुंरुंरुंरुंरुं रुद्रमूर्तये

सकलप्रयोजननिर्वाहकाय स्वाहा .

ॐ अञ्जनासुताय वायुपुत्राय महाबलाय सीताशोकनिवारणाय

श्रीरामचन्द्रकृपा पादुकाय महावीर्यप्रमथनाय ब्रह्माण्डनाथाय

कामदाय पञ्चमुखवीरहनुमते स्वाहा .

भूतप्रेतपिशाच ब्रह्मराक्षस शाकिनीडाकिन्यन्तरिक्ष ग्रह-

परयन्त्र परतन्त्रोच्चाटनाय स्वाहा .

सकलप्रयोजन निर्वाहकाय पञ्चमुखवीरहनुमते

श्रीरामचन्द्र वरप्रसादाय जञ्जञ्जञ्जञ्जं स्वाहा .

इदं कवचं पठित्वा तु महाकवचं पठेन्नरः .

एकवारं जपेत्स्तोत्रं सर्वशत्रुनिवारणं .. 15..

 

द्विवारं तु पठेन्नित्यं पुत्रपौत्रप्रवर्धनं .

त्रिवारं च पठेन्नित्यं सर्वसम्पत्करं शुभं .. 16..

 

चतुर्वारं पठेन्नित्यं सर्वरोगनिवारणं .

पञ्चवारं पठेन्नित्यं सर्वलोकवशङ्करं .. 17..

 

षड्वारं च पठेन्नित्यं सर्वदेववशङ्करं .

सप्तवारं पठेन्नित्यं सर्वसौभाग्यदायकं .. 18..

 

अष्टवारं पठेन्नित्यमिष्टकामार्थ सिद्धिदं .

नववारं पठेन्नित्यं राजभोगमवाप्नुयात् .. 19..

 

दशवारं पठेन्नित्यं त्रैलोक्यज्ञानदर्शनं .

रुद्रावृत्तिं पठेन्नित्यं सर्वसिद्धिर्भवेद्ध्रुवं .. 20..

 

निर्बलो रोगयुक्तश्च महाव्याध्यादिपीडितः .

कवचस्मरणेनैव महाबलमवाप्नुयात् .. 21..

 

 

Ramaswamy Sastry and Vighnesh Ghanapaathi