அதைகாதஶோ(அ)த்யாய꞉ .
விஶ்வரூபதர்ஶனயோக꞉.

அர்ஜுன உவாச -

மதனுக்ரஹாய பரமம்ʼ குஹ்யமத்யாத்மஸஞ்ஜ்ஞிதம் .
யத்த்வயோக்தம்ʼ வசஸ்தேன மோஹோ(அ)யம்ʼ விகதோ மம ..

பவாப்யயௌ ஹி பூதானாம்ʼ ஶ்ருதௌ விஸ்தரஶோ மயா .
த்வத்த꞉ கமலபத்ராக்ஷ மாஹாத்ம்யமபி சாவ்யயம் ..

ஏவமேதத்யதாத்த த்வமாத்மானம்ʼ பரமேஶ்வர .
த்ரஷ்டுமிச்சாமி தே ரூபமைஶ்வரம்ʼ புருஷோத்தம ..

மன்யஸே யதி தச்சக்யம்ʼ மயா த்ரஷ்டுமிதி ப்ரபோ .
யோகேஶ்வர ததோ மே த்வம்ʼ தர்ஶயாத்மானமவ்யயம் ..

ஶ்ரீபகவானுவாச -

பஶ்ய மே பார்த ரூபாணி ஶதஶோ(அ)த ஸஹஸ்ரஶ꞉ .
நானாவிதானி திவ்யானி நானாவர்ணாக்ருʼதீனி ச ..

பஶ்யாதித்யான்வஸூன்ருத்ரானஶ்வினௌ மருதஸ்ததா .
பஹூன்யத்ருʼஷ்டபூர்வாணி பஶ்யாஶ்சர்யாணி பாரத ..

இஹைகஸ்தம்ʼ ஜகத்க்ருʼத்ஸ்னம்ʼ பஶ்யாத்ய ஸசராசரம் .
மம தேஹே குடாகேஶ யச்சான்யத் த்ரஷ்டுமிச்சஸி ..

ந து மாம்ʼ ஶக்யஸே த்ரஷ்டுமனேனைவ ஸ்வசக்ஷுஷா .
திவ்யம்ʼ ததாமி தே சக்ஷு꞉ பஶ்ய மே யோகமைஶ்வரம் ..

ஸஞ்ஜய உவாச -

ஏவமுக்த்வா ததோ ராஜன்மஹாயோகேஶ்வரோ ஹரி꞉ .
தர்ஶயாமாஸ பார்தாய பரமம்ʼ ரூபமைஶ்வரம் ..

அனேகவக்த்ரநயனமனேகாத்புததர்ஶனம் .
அனேகதிவ்யாபரணம்ʼ திவ்யானேகோத்யதாயுதம் ..

திவ்யமால்யாம்பரதரம்ʼ திவ்யகந்தானுலேபனம் .
ஸர்வாஶ்சர்யமயம்ʼ தேவமனந்தம்ʼ விஶ்வதோமுகம் ..

திவி ஸூர்யஸஹஸ்ரஸ்ய பவேத்யுகபதுத்திதா .
யதி பா꞉ ஸத்ருʼஶீ ஸா ஸ்யாத்பாஸஸ்தஸ்ய மஹாத்மன꞉ ..

தத்ரைகஸ்தம்ʼ ஜகத்க்ருʼத்ஸ்னம்ʼ ப்ரவிபக்தமனேகதா .
அபஶ்யத்தேவதேவஸ்ய ஶரீரே பாண்டவஸ்ததா ..

தத꞉ ஸ விஸ்மயாவிஷ்டோ ஹ்ருʼஷ்டரோமா தனஞ்ஜய꞉ .
ப்ரணம்ய ஶிரஸா தேவம்ʼ க்ருʼதாஞ்ஜலிரபாஷத ..

அர்ஜுன உவாச -

பஶ்யாமி தேவாம்ʼஸ்தவ தேவ தேஹே
ஸர்வாம்ʼஸ்ததா பூதவிஶேஷஸங்கான் .
ப்ரஹ்மாணமீஶம்ʼ கமலாஸனஸ்த-
ம்ருʼஷீம்ʼஶ்ச ஸர்வானுரகாம்ʼஶ்ச திவ்யான் ..

அனேகபாஹூதரவக்த்ரநேத்ரம்ʼ
பஶ்யாமி த்வாம்ʼ ஸர்வதோ(அ)னந்தரூபம் .
நாந்தம்ʼ ந மத்யம்ʼ ந புனஸ்தவாதிம்ʼ
பஶ்யாமி விஶ்வேஶ்வர விஶ்வரூப ..

கிரீடினம்ʼ கதினம்ʼ சக்ரிணம்ʼ ச
தேஜோராஶிம்ʼ ஸர்வதோ தீப்திமந்தம் .
பஶ்யாமி த்வாம்ʼ துர்நிரீக்ஷ்யம்ʼ ஸமந்தாத்
தீப்தானலார்கத்யுதிமப்ரமேயம் ..

த்வமக்ஷரம்ʼ பரமம்ʼ வேதிதவ்யம்ʼ
த்வமஸ்ய விஶ்வஸ்ய பரம்ʼ நிதானம் .
த்வமவ்யய꞉ ஶாஶ்வததர்மகோப்தா
ஸனாதனஸ்த்வம்ʼ புருஷோ மதோ மே ..

அநாதிமத்யாந்தமனந்தவீர்ய-
மனந்தபாஹும்ʼ ஶஶிஸூர்யநேத்ரம் .
பஶ்யாமி த்வாம்ʼ தீப்தஹுதாஶவக்த்ரம்ʼ
ஸ்வதேஜஸா விஶ்வமிதம்ʼ தபந்தம் ..

த்யாவாப்ருʼதிவ்யோரிதமந்தரம்ʼ ஹி
வ்யாப்தம்ʼ த்வயைகேன திஶஶ்ச ஸர்வா꞉ .
த்ருʼஷ்ட்வாத்புதம்ʼ ரூபமுக்ரம்ʼ தவேதம்ʼ
லோகத்ரயம்ʼ ப்ரவ்யதிதம்ʼ மஹாத்மன் ..

அமீ ஹி த்வாம்ʼ ஸுரஸங்கா விஶந்தி
கேசித்பீதா꞉ ப்ராஞ்ஜலயோ க்ருʼணந்தி .
ஸ்வஸ்தீத்யுக்த்வா மஹர்ஷிஸித்தஸங்கா꞉
ஸ்துவந்தி த்வாம்ʼ ஸ்துதிபி꞉ புஷ்கலாபி꞉ ..

ருத்ராதித்யா வஸவோ யே ச ஸாத்யா
விஶ்வே(அ)ஶ்வினௌ மருதஶ்சோஷ்மபாஶ்ச .
கந்தர்வயக்ஷாஸுரஸித்தஸங்கா
வீக்ஷந்தே த்வாம்ʼ விஸ்மிதாஶ்சைவ ஸர்வே ..

ரூபம்ʼ மஹத்தே பஹுவக்த்ரநேத்ரம்ʼ
மஹாபாஹோ பஹுபாஹூருபாதம் .
பஹூதரம்ʼ பஹுதம்ʼஷ்ட்ராகராலம்ʼ
த்ருʼஷ்ட்வா லோகா꞉ ப்ரவ்யதிதாஸ்ததாஹம் ..

நப꞉ஸ்ப்ருʼஶம்ʼ தீப்தமனேகவர்ணம்ʼ
வ்யாத்தானனம்ʼ தீப்தவிஶாலநேத்ரம் .
த்ருʼஷ்ட்வா ஹி த்வாம்ʼ ப்ரவ்யதிதாந்தராத்மா
த்ருʼதிம்ʼ ந விந்தாமி ஶமம்ʼ ச விஷ்ணோ ..

தம்ʼஷ்ட்ராகராலானி ச தே முகானி
த்ருʼஷ்ட்வைவ காலானலஸன்னிபானி .
திஶோ ந ஜானே ந லபே ச ஶர்ம
ப்ரஸீத தேவேஶ ஜகந்நிவாஸ ..

அமீ ச த்வாம்ʼ த்ருʼதராஷ்ட்ரஸ்ய புத்ரா꞉
ஸர்வே ஸஹைவாவனிபாலஸங்கை꞉ .
பீஷ்மோ த்ரோண꞉ ஸூதபுத்ரஸ்ததாஸௌ
ஸஹாஸ்மதீயைரபி யோதமுக்யை꞉ ..

வக்த்ராணி தே த்வரமாணா விஶந்தி
தம்ʼஷ்ட்ராகராலானி பயானகானி .
கேசித்விலக்னா தஶனாந்தரேஷு
ஸந்த்ருʼஶ்யந்தே சூர்ணிதைருத்தமாங்கை꞉ ..

யதா நதீனாம்ʼ பஹவோ(அ)ம்புவேகா꞉
ஸமுத்ரமேவாபிமுகா த்ரவந்தி .
ததா தவாமீ நரலோகவீரா
விஶந்தி வக்த்ராண்யபிவிஜ்வலந்தி ..

யதா ப்ரதீப்தம்ʼ ஜ்வலனம்ʼ பதங்கா
விஶந்தி நாஶாய ஸம்ருʼத்தவேகா꞉ .
ததைவ நாஶாய விஶந்தி லோகா-
ஸ்தவாபி வக்த்ராணி ஸம்ருʼத்தவேகா꞉ ..

லேலிஹ்யஸே க்ரஸமான꞉ ஸமந்தால்-
லோகான்ஸமக்ரான்வதனைர்ஜ்வலத்பி꞉ .
தேஜோபிராபூர்ய ஜகத்ஸமக்ரம்ʼ
பாஸஸ்தவோக்ரா꞉ ப்ரதபந்தி விஷ்ணோ ..

ஆக்யாஹி மே கோ பவானுக்ரரூபோ
நமோ(அ)ஸ்து தே தேவவர ப்ரஸீத .
விஜ்ஞாதுமிச்சாமி பவந்தமாத்யம்ʼ
ந ஹி ப்ரஜாநாமி தவ ப்ரவ்ருʼத்திம் ..

ஶ்ரீபகவானுவாச -

காலோ(அ)ஸ்மி லோகக்ஷயக்ருʼத்ப்ரவ்ருʼத்தோ
லோகான்ஸமாஹர்துமிஹ ப்ரவ்ருʼத்த꞉ .
ருʼதே(அ)பி த்வாம்ʼ ந பவிஷ்யந்தி ஸர்வே
யே(அ)வஸ்திதா꞉ ப்ரத்யனீகேஷு யோதா꞉ ..

தஸ்மாத்த்வமுத்திஷ்ட யஶோ லபஸ்வ
ஜித்வா ஶத்ரூன் புங்க்ஷ்வ ராஜ்யம்ʼ ஸம்ருʼத்தம் .
மயைவைதே நிஹதா꞉ பூர்வமேவ
நிமித்தமாத்ரம்ʼ பவ ஸவ்யஸாசின் ..

த்ரோணம்ʼ ச பீஷ்மம்ʼ ச ஜயத்ரதம்ʼ ச
கர்ணம்ʼ ததான்யானபி யோதவீரான் .
மயா ஹதாம்ʼஸ்த்வம்ʼ ஜஹி மா வ்யதிஷ்டா
யுத்யஸ்வ ஜேதாஸி ரணே ஸபத்னான் ..

ஸஞ்ஜய உவாச -

ஏதச்ச்ருத்வா வசனம்ʼ கேஶவஸ்ய
க்ருʼதாஞ்ஜலிர்வேபமான꞉ கிரீடீ .
நமஸ்க்ருʼத்வா பூய ஏவாஹ க்ருʼஷ்ணம்ʼ
ஸகத்கதம்ʼ பீதபீத꞉ ப்ரணம்ய ..

அர்ஜுன உவாச -

ஸ்தானே ஹ்ருʼஷீகேஶ தவ ப்ரகீர்த்யா
ஜகத்ப்ரஹ்ருʼஷ்யத்யனுரஜ்யதே ச .
ரக்ஷாம்ʼஸி பீதானி திஶோ த்ரவந்தி
ஸர்வே நமஸ்யந்தி ச ஸித்தஸங்கா꞉ ..

கஸ்மாச்ச தே ந நமேரன்மஹாத்மன்
கரீயஸே ப்ரஹ்மணோ(அ)ப்யாதிகர்த்ரே .
அனந்த தேவேஶ ஜகந்நிவாஸ
த்வமக்ஷரம்ʼ ஸதஸத்தத்பரம்ʼ யத் ..

த்வமாதிதேவ꞉ புருஷ꞉ புராண-
ஸ்த்வமஸ்ய விஶ்வஸ்ய பரம்ʼ நிதானம் .
வேத்தாஸி வேத்யம்ʼ ச பரம்ʼ ச தாம
த்வயா ததம்ʼ விஶ்வமனந்தரூப ..

வாயுர்யமோ(அ)க்நிர்வருண꞉ ஶஶாங்க꞉
ப்ரஜாபதிஸ்த்வம்ʼ ப்ரபிதாமஹஶ்ச .
நமோ நமஸ்தே(அ)ஸ்து ஸஹஸ்ரக்ருʼத்வ꞉
புனஶ்ச பூயோ(அ)பி நமோ நமஸ்தே ..

நம꞉ புரஸ்தாதத ப்ருʼஷ்டதஸ்தே
நமோ(அ)ஸ்து தே ஸர்வத ஏவ ஸர்வ .
அனந்தவீர்யாமிதவிக்ரமஸ்த்வம்ʼ
ஸர்வம்ʼ ஸமாப்னோஷி ததோ(அ)ஸி ஸர்வ꞉ ..

ஸகேதி மத்வா ப்ரஸபம்ʼ யதுக்தம்ʼ
ஹே க்ருʼஷ்ண ஹே யாதவ ஹே ஸகேதி .
அஜானதா மஹிமானம்ʼ தவேதம்ʼ
மயா ப்ரமாதாத்ப்ரணயேன வாபி ..

யச்சாவஹாஸார்தமஸத்க்ருʼதோ(அ)ஸி
விஹாரஶய்யாஸனபோஜனேஷு .
ஏகோ(அ)தவாப்யச்யுத தத்ஸமக்ஷம்ʼ
தத்க்ஷாமயே த்வாமஹமப்ரமேயம் ..

பிதாஸி லோகஸ்ய சராசரஸ்ய
த்வமஸ்ய பூஜ்யஶ்ச குருர்கரீயான் .
ந த்வத்ஸமோ(அ)ஸ்த்யப்யதிக꞉ குதோ(அ)ன்யோ
லோகத்ரயே(அ)ப்யப்ரதிமப்ரபாவ ..

தஸ்மாத்ப்ரணம்ய ப்ரணிதாய காயம்ʼ
ப்ரஸாதயே த்வாமஹமீஶமீட்யம் .
பிதேவ புத்ரஸ்ய ஸகேவ ஸக்யு꞉
ப்ரிய꞉ ப்ரியாயார்ஹஸி தேவ ஸோடும் ..

அத்ருʼஷ்டபூர்வம்ʼ ஹ்ருʼஷிதோ(அ)ஸ்மி த்ருʼஷ்ட்வா
பயேன ச ப்ரவ்யதிதம்ʼ மனோ மே .
ததேவ மே தர்ஶய தேவ ரூபம்ʼ
ப்ரஸீத தேவேஶ ஜகந்நிவாஸ ..

கிரீடினம்ʼ கதினம்ʼ சக்ரஹஸ்தம்ʼ
இச்சாமி த்வாம்ʼ த்ரஷ்டுமஹம்ʼ ததைவ .
தேனைவ ரூபேண சதுர்புஜேன
ஸஹஸ்ரபாஹோ பவ விஶ்வமூர்தே ..

ஶ்ரீபகவானுவாச -

மயா ப்ரஸன்னேன தவார்ஜுனேதம்ʼ
ரூபம்ʼ பரம்ʼ தர்ஶிதமாத்மயோகாத் .
தேஜோமயம்ʼ விஶ்வமனந்தமாத்யம்ʼ
யன்மே த்வதன்யேன ந த்ருʼஷ்டபூர்வம் ..

ந வேதயஜ்ஞாத்யயனைர்ன தானை-
ர்ன ச க்ரியாபிர்ன தபோபிருக்ரை꞉ .
ஏவம்ʼரூப꞉ ஶக்ய அஹம்ʼ ந்ருʼலோகே
த்ரஷ்டும்ʼ த்வதன்யேன குருப்ரவீர ..

மா தே வ்யதா மா ச விமூடபாவோ
த்ருʼஷ்ட்வா ரூபம்ʼ கோரமீத்ருʼங்மமேதம் .
வ்யபேதபீ꞉ ப்ரீதமனா꞉ புனஸ்த்வம்ʼ
ததேவ மே ரூபமிதம்ʼ ப்ரபஶ்ய ..

ஸஞ்ஜய உவாச -

இத்யர்ஜுனம்ʼ வாஸுதேவஸ்ததோக்த்வா
ஸ்வகம்ʼ ரூபம்ʼ தர்ஶயாமாஸ பூய꞉ .
ஆஶ்வாஸயாமாஸ ச பீதமேனம்ʼ
பூத்வா புன꞉ ஸௌம்யவபுர்மஹாத்மா ..

அர்ஜுன உவாச -

த்ருʼஷ்ட்வேதம்ʼ மானுஷம்ʼ ரூபம்ʼ தவ ஸௌம்யம்ʼ ஜனார்தன .
இதானீமஸ்மி ஸம்ʼவ்ருʼத்த꞉ ஸசேதா꞉ ப்ரக்ருʼதிம்ʼ கத꞉ ..

ஶ்ரீபகவானுவாச -

ஸுதுர்தர்ஶமிதம்ʼ ரூபம்ʼ த்ருʼஷ்டவானஸி யன்மம .
தேவா அப்யஸ்ய ரூபஸ்ய நித்யம்ʼ தர்ஶனகாங்க்ஷிண꞉ ..

நாஹம்ʼ வேதைர்ன தபஸா ந தானேன ந சேஜ்யயா .
ஶக்ய ஏவம்ʼவிதோ த்ரஷ்டும்ʼ த்ருʼஷ்டவானஸி மாம்ʼ யதா ..

பக்த்யா த்வனன்யயா ஶக்ய அஹமேவம்ʼவிதோ(அ)ர்ஜுன .
ஜ்ஞாதும்ʼ த்ரஷ்டும்ʼ ச தத்த்வேன ப்ரவேஷ்டும்ʼ ச பரந்தப ..

மத்கர்மக்ருʼன்மத்பரமோ மத்பக்த꞉ ஸங்கவர்ஜித꞉ .
நிர்வைர꞉ ஸர்வபூதேஷு ய꞉ ஸ மாமேதி பாண்டவ ..

ௐ தத்ஸதிதி ஶ்ரீமத்பகவத்கீதோபநிஷத்ஸு
ப்ரஹ்மவித்யாயாம்ʼ யோகஶாஸ்த்ரே ஶ்ரீக்ருʼஷ்ணார்ஜுனஸம்ʼவாதே
விஶ்வரூபதர்ஶனயோகோ நாமைகாதஶோ(அ)த்யாய꞉ ..

Ramaswamy Sastry and Vighnesh Ghanapaathi