அத நவமோ(அ)த்யாய꞉ .
ராஜவித்யாராஜகுஹ்யயோக꞉ .

ஶ்ரீபகவானுவாச -

இதம்ʼ து தே குஹ்யதமம்ʼ ப்ரவக்ஷ்யாம்யனஸூயவே .
ஜ்ஞானம்ʼ விஜ்ஞானஸஹிதம்ʼ யஜ்ஜ்ஞாத்வா மோக்ஷ்யஸே(அ)ஶுபாத் ..

ராஜவித்யா ராஜகுஹ்யம்ʼ பவித்ரமிதமுத்தமம் .
ப்ரத்யக்ஷாவகமம்ʼ தர்ம்யம்ʼ ஸுஸுகம்ʼ கர்துமவ்யயம் ..

அஶ்ரத்ததானா꞉ புருஷா தர்மஸ்யாஸ்ய பரந்தப .
அப்ராப்ய மாம்ʼ நிவர்தந்தே ம்ருʼத்யுஸம்ʼஸாரவர்த்மனி ..

மயா ததமிதம்ʼ ஸர்வம்ʼ ஜகதவ்யக்தமூர்தினா .
மத்ஸ்தானி ஸர்வபூதானி ந சாஹம்ʼ தேஷ்வவஸ்தித꞉ ..

ந ச மத்ஸ்தானி பூதானி பஶ்ய மே யோகமைஶ்வரம் .
பூதப்ருʼன்ன ச பூதஸ்தோ மமாத்மா பூதபாவன꞉ ..

யதாகாஶஸ்திதோ நித்யம்ʼ வாயு꞉ ஸர்வத்ரகோ மஹான் .
ததா ஸர்வாணி பூதானி மத்ஸ்தானீத்யுபதாரய ..

ஸர்வபூதானி கௌந்தேய ப்ரக்ருʼதிம்ʼ யாந்தி மாமிகாம் .
கல்பக்ஷயே புனஸ்தானி கல்பாதௌ விஸ்ருʼஜாம்யஹம் ..

ப்ரக்ருʼதிம்ʼ ஸ்வாமவஷ்டப்ய விஸ்ருʼஜாமி புன꞉ புன꞉ .
பூதக்ராமமிமம்ʼ க்ருʼத்ஸ்னமவஶம்ʼ ப்ரக்ருʼதேர்வஶாத் ..

ந ச மாம்ʼ தானி கர்மாணி நிபத்னந்தி தனஞ்ஜய .
உதாஸீனவதாஸீனமஸக்தம்ʼ தேஷு கர்மஸு ..

மயாத்யக்ஷேண ப்ரக்ருʼதி꞉ ஸூயதே ஸசராசரம் .
ஹேதுனானேன கௌந்தேய ஜகத்விபரிவர்ததே ..

அவஜானந்தி மாம்ʼ மூடா மானுஷீம்ʼ தனுமாஶ்ரிதம் .
பரம்ʼ பாவமஜானந்தோ மம பூதமஹேஶ்வரம் ..

மோகாஶா மோககர்மாணோ மோகஜ்ஞானா விசேதஸ꞉ .
ராக்ஷஸீமாஸுரீம்ʼ சைவ ப்ரக்ருʼதிம்ʼ மோஹினீம்ʼ ஶ்ரிதா꞉ ..

மஹாத்மானஸ்து மாம்ʼ பார்த தைவீம்ʼ ப்ரக்ருʼதிமாஶ்ரிதா꞉ .
பஜந்த்யனன்யமனஸோ ஜ்ஞாத்வா பூதாதிமவ்யயம் ..

ஸததம்ʼ கீர்தயந்தோ மாம்ʼ யதந்தஶ்ச த்ருʼடவ்ரதா꞉ .
நமஸ்யந்தஶ்ச மாம்ʼ பக்த்யா நித்யயுக்தா உபாஸதே ..

ஜ்ஞானயஜ்ஞேன சாப்யன்யே யஜந்தோ மாமுபாஸதே .
ஏகத்வேன ப்ருʼதக்த்வேன பஹுதா விஶ்வதோமுகம் ..

அஹம்ʼ க்ரதுரஹம்ʼ யஜ்ஞ꞉ ஸ்வதாஹமஹமௌஷதம் .
மந்த்ரோ(அ)ஹமஹமேவாஜ்யமஹமக்நிரஹம்ʼ ஹுதம் ..

பிதாஹமஸ்ய ஜகதோ மாதா தாதா பிதாமஹ꞉ .
வேத்யம்ʼ பவித்ரமோங்கார ருʼக்ஸாம யஜுரேவ ச ..

கதிர்பர்தா ப்ரபு꞉ ஸாக்ஷீ நிவாஸ꞉ ஶரணம்ʼ ஸுஹ்ருʼத் .
ப்ரபவ꞉ ப்ரலய꞉ ஸ்தானம்ʼ நிதானம்ʼ பீஜமவ்யயம் ..

தபாம்யஹமஹம்ʼ வர்ஷம்ʼ நிக்ருʼஹ்ணாம்யுத்ஸ்ருʼஜாமி ச .
அம்ருʼதம்ʼ சைவ ம்ருʼத்யுஶ்ச ஸதஸச்சாஹமர்ஜுன ..

த்ரைவித்யா மாம்ʼ ஸோமபா꞉ பூதபாபா
யஜ்ஞைரிஷ்ட்வா ஸ்வர்கதிம்ʼ ப்ரார்தயந்தே .
தே புண்யமாஸாத்ய ஸுரேந்த்ரலோக-
மஶ்னந்தி திவ்யாந்திவி தேவபோகான் ..

தே தம்ʼ புக்த்வா ஸ்வர்கலோகம்ʼ விஶாலம்ʼ
க்ஷீணே புண்யே மர்த்யலோகம்ʼ விஶந்தி .
ஏவம்ʼ த்ரயீதர்மமனுப்ரபன்னா
கதாகதம்ʼ காமகாமா லபந்தே ..

அனன்யாஶ்சிந்தயந்தோ மாம்ʼ யே ஜனா꞉ பர்யுபாஸதே .
தேஷாம்ʼ நித்யாபியுக்தானாம்ʼ யோகக்ஷேமம்ʼ வஹாம்யஹம் ..

யே(அ)ப்யன்யதேவதா பக்தா யஜந்தே ஶ்ரத்தயான்விதா꞉ .
தே(அ)பி மாமேவ கௌந்தேய யஜந்த்யவிதிபூர்வகம் ..

அஹம்ʼ ஹி ஸர்வயஜ்ஞானாம்ʼ போக்தா ச ப்ரபுரேவ ச .
ந து மாமபிஜானந்தி தத்த்வேனாதஶ்ச்யவந்தி தே ..

யாந்தி தேவவ்ரதா தேவான்பித்ரூʼன்யாந்தி பித்ருʼவ்ரதா꞉ .
பூதானி யாந்தி பூதேஜ்யா யாந்தி மத்யாஜினோ(அ)பி மாம் ..

பத்ரம்ʼ புஷ்பம்ʼ பலம்ʼ தோயம்ʼ யோ மே பக்த்யா ப்ரயச்சதி .
ததஹம்ʼ பக்த்யுபஹ்ருʼதமஶ்நாமி ப்ரயதாத்மன꞉ ..

யத்கரோஷி யதஶ்னாஸி யஜ்ஜுஹோஷி ததாஸி யத் .
யத்தபஸ்யஸி கௌந்தேய தத்குருஷ்வ மதர்பணம் ..

ஶுபாஶுபபலைரேவம்ʼ மோக்ஷ்யஸே கர்மபந்தனை꞉ .
ஸம்ʼந்யாஸயோகயுக்தாத்மா விமுக்தோ மாமுபைஷ்யஸி ..

ஸமோ(அ)ஹம்ʼ ஸர்வபூதேஷு ந மே த்வேஷ்யோ(அ)ஸ்தி ந ப்ரிய꞉ .
யே பஜந்தி து மாம்ʼ பக்த்யா மயி தே தேஷு சாப்யஹம் ..

அபி சேத்ஸுதுராசாரோ பஜதே மாமனன்யபாக் .
ஸாதுரேவ ஸ மந்தவ்ய꞉ ஸம்யக்வ்யவஸிதோ ஹி ஸ꞉ ..

க்ஷிப்ரம்ʼ பவதி தர்மாத்மா ஶஶ்வச்சாந்திம்ʼ நிகச்சதி .
கௌந்தேய ப்ரதிஜானீஹி ந மே பக்த꞉ ப்ரணஶ்யதி ..

மாம்ʼ ஹி பார்த வ்யபாஶ்ரித்ய யே(அ)பி ஸ்யு꞉ பாபயோனய꞉ .
ஸ்த்ரியோ வைஶ்யாஸ்ததா ஶூத்ராஸ்தே(அ)பி யாந்தி பராம்ʼ கதிம் ..

கிம்ʼ புனர்ப்ராஹ்மணா꞉ புண்யா பக்தா ராஜர்ஷயஸ்ததா .
அநித்யமஸுகம்ʼ லோகமிமம்ʼ ப்ராப்ய பஜஸ்வ மாம் ..

மன்மனா பவ மத்பக்தோ மத்யாஜீ மாம்ʼ நமஸ்குரு .
மாமேவைஷ்யஸி யுக்த்வைவமாத்மானம்ʼ மத்பராயண꞉ ..

ௐ தத்ஸதிதி ஶ்ரீமத்பகவத்கீதோபநிஷத்ஸு
ப்ரஹ்மவித்யாயாம்ʼ யோகஶாஸ்த்ரே ஶ்ரீக்ருʼஷ்ணார்ஜுனஸம்ʼவாதே
ராஜவித்யாராஜகுஹ்யயோகோ நாம நவமோ(அ)த்யாய꞉ ..

Ramaswamy Sastry and Vighnesh Ghanapaathi