அத அஷ்டமோ(அ)த்யாய꞉ .
அக்ஷரப்ரஹ்மயோக꞉ .

அர்ஜுன உவாச -

கிம்ʼ தத் ப்ரஹ்ம கிமத்யாத்மம்ʼ கிம்ʼ கர்ம புருஷோத்தம .
அதிபூதம்ʼ ச கிம்ʼ ப்ரோக்தமதிதைவம்ʼ கிமுச்யதே ..

அதியஜ்ஞ꞉ கதம்ʼ கோ(அ)த்ர தேஹே(அ)ஸ்மின்மதுஸூதன .
ப்ரயாணகாலே ச கதம்ʼ ஜ்ஞேயோ(அ)ஸி நியதாத்மபி꞉ ..

ஶ்ரீபகவானுவாச -

அக்ஷரம்ʼ ப்ரஹ்ம பரமம்ʼ ஸ்வபாவோ(அ)த்யாத்மமுச்யதே .
பூதபாவோத்பவகரோ விஸர்க꞉ கர்மஸஞ்ஜ்ஞித꞉ ..

அதிபூதம்ʼ க்ஷரோ பாவ꞉ புருஷஶ்சாதிதைவதம் .
அதியஜ்ஞோ(அ)ஹமேவாத்ர தேஹே தேஹப்ருʼதாம்ʼ வர ..

அந்தகாலே ச மாமேவ ஸ்மரன்முக்த்வா கலேவரம் .
ய꞉ ப்ரயாதி ஸ மத்பாவம்ʼ யாதி நாஸ்த்யத்ர ஸம்ʼஶய꞉ ..

யம்ʼ யம்ʼ வாபி ஸ்மரன்பாவம்ʼ த்யஜத்யந்தே கலேவரம் .
தம்ʼ தமேவைதி கௌந்தேய ஸதா தத்பாவபாவித꞉ ..

தஸ்மாத்ஸர்வேஷு காலேஷு மாமனுஸ்மர யுத்ய ச .
மய்யர்பிதமனோபுத்திர்மாமேவைஷ்யஸ்யஸம்ʼஶய꞉ ..

அப்யாஸயோகயுக்தேன சேதஸா நான்யகாமினா .
பரமம்ʼ புருஷம்ʼ திவ்யம்ʼ யாதி பார்தானுசிந்தயன் ..

கவிம்ʼ புராணமனுஶாஸிதார-
மணோரணீயம்ʼஸமனுஸ்மரேத்ய꞉ .
ஸர்வஸ்ய தாதாரமசிந்த்யரூப-
மாதித்யவர்ணம்ʼ தமஸ꞉ பரஸ்தாத் ..

ப்ரயாணகாலே மனஸா(அ)சலேன
பக்த்யா யுக்தோ யோகபலேன சைவ .
ப்ருவோர்மத்யே ப்ராணமாவேஶ்ய ஸம்யக்
ஸ தம்ʼ பரம்ʼ புருஷமுபைதி திவ்யம் ..

யதக்ஷரம்ʼ வேதவிதோ வதந்தி
விஶந்தி யத்யதயோ வீதராகா꞉ .
யதிச்சந்தோ ப்ரஹ்மசர்யம்ʼ சரந்தி
தத்தே பதம்ʼ ஸங்க்ரஹேண ப்ரவக்ஷ்யே ..

ஸர்வத்வாராணி ஸம்ʼயம்ய மனோ ஹ்ருʼதி நிருத்ய ச .
மூர்த்ன்யாதாயாத்மன꞉ ப்ராணமாஸ்திதோ யோகதாரணாம் ..

ஓமித்யேகாக்ஷரம்ʼ ப்ரஹ்ம வ்யாஹரன்மாமனுஸ்மரன் .
ய꞉ ப்ரயாதி த்யஜந்தேஹம்ʼ ஸ யாதி பரமாம்ʼ கதிம் ..

அனன்யசேதா꞉ ஸததம்ʼ யோ மாம்ʼ ஸ்மரதி நித்யஶ꞉ .
தஸ்யாஹம்ʼ ஸுலப꞉ பார்த நித்யயுக்தஸ்ய யோகின꞉ ..

மாமுபேத்ய புனர்ஜன்ம து꞉காலயமஶாஶ்வதம் .
நாப்னுவந்தி மஹாத்மான꞉ ஸம்ʼஸித்திம்ʼ பரமாம்ʼ கதா꞉ ..

ஆப்ரஹ்மபுவனால்லோகா꞉ புனராவர்தினோ(அ)ர்ஜுன .
மாமுபேத்ய து கௌந்தேய புனர்ஜன்ம ந வித்யதே ..

ஸஹஸ்ரயுகபர்யந்தமஹர்யத் ப்ரஹ்மணோ விது꞉ .
ராத்ரிம்ʼ யுகஸஹஸ்ராந்தாம்ʼ தே(அ)ஹோராத்ரவிதோ ஜனா꞉ ..

அவ்யக்தாத் வ்யக்தய꞉ ஸர்வா꞉ ப்ரபவந்த்யஹராகமே .
ராத்ர்யாகமே ப்ரலீயந்தே தத்ரைவாவ்யக்தஸஞ்ஜ்ஞகே ..

பூதக்ராம꞉ ஸ ஏவாயம்ʼ பூத்வா பூத்வா ப்ரலீயதே .
ராத்ர்யாகமே(அ)வஶ꞉ பார்த ப்ரபவத்யஹராகமே ..

பரஸ்தஸ்மாத்து பாவோ(அ)ன்யோ(அ)வ்யக்தோ(அ)வ்யக்தாத்ஸனாதன꞉ .
ய꞉ ஸ ஸர்வேஷு பூதேஷு நஶ்யத்ஸு ந வினஶ்யதி ..

அவ்யக்தோ(அ)க்ஷர இத்யுக்தஸ்தமாஹு꞉ பரமாம்ʼ கதிம் .
யம்ʼ ப்ராப்ய ந நிவர்தந்தே தத்தாம பரமம்ʼ மம ..

புருஷ꞉ ஸ பர꞉ பார்த பக்த்யா லப்யஸ்த்வனன்யயா .
யஸ்யாந்த꞉ஸ்தானி பூதானி யேன ஸர்வமிதம்ʼ ததம் ..

யத்ர காலே த்வனாவ்ருʼத்திமாவ்ருʼத்திம்ʼ சைவ யோகின꞉ .
ப்ரயாதா யாந்தி தம்ʼ காலம்ʼ வக்ஷ்யாமி பரதர்ஷப ..

அக்நிர்ஜ்யோதிரஹ꞉ ஶுக்ல꞉ ஷண்மாஸா உத்தராயணம் .
தத்ர ப்ரயாதா கச்சந்தி ப்ரஹ்ம ப்ரஹ்மவிதோ ஜனா꞉ ..

தூமோ ராத்ரிஸ்ததா க்ருʼஷ்ண꞉ ஷண்மாஸா தக்ஷிணாயனம் .
தத்ர சாந்த்ரமஸம்ʼ ஜ்யோதிர்யோகீ ப்ராப்ய நிவர்ததே ..

ஶுக்லக்ருʼஷ்ணே கதீ ஹ்யேதே ஜகத꞉ ஶாஶ்வதே மதே .
ஏகயா யாத்யனாவ்ருʼத்திமன்யயாவர்ததே புன꞉ ..

நைதே ஸ்ருʼதீ பார்த ஜானன்யோகீ முஹ்யதி கஶ்சன .
தஸ்மாத்ஸர்வேஷு காலேஷு யோகயுக்தோ பவார்ஜுன ..

வேதேஷு யஜ்ஞேஷு தப꞉ஸு சைவ
தானேஷு யத்புண்யபலம்ʼ ப்ரதிஷ்டம் .
அத்யேதி தத்ஸர்வமிதம்ʼ விதித்வா
யோகீ பரம்ʼ ஸ்தானமுபைதி சாத்யம் ..

ௐ தத்ஸதிதி ஶ்ரீமத்பகவத்கீதோபநிஷத்ஸு
ப்ரஹ்மவித்யாயாம்ʼ யோகஶாஸ்த்ரே ஶ்ரீக்ருʼஷ்ணார்ஜுனஸம்ʼவாதே
அக்ஷரப்ரஹ்மயோகோ நாமாஷ்டமோ(அ)த்யாய꞉ ..

Ramaswamy Sastry and Vighnesh Ghanapaathi