அஶ்வதர உவாச -
ஜகத்தாத்ரீமஹம்ʼ தேவீமாரிராதயிஷு꞉ ஶுபாம் .
ஸ்தோஷ்யே ப்ரணம்ய ஶிரஸா ப்ரஹ்மயோனிம்ʼ ஸரஸ்வதீம் ..

ஸதஸத்தேவி ஸத்கிஞ்சின்மோக்ஷவச்சார்தவத்பதம் .
தத்ஸர்வம்ʼ த்வய்யஸம்ʼயோகம்ʼ யோகவத்தேவி ஸம்ʼஸ்திதம் ..

த்வமக்ஷரம்ʼ பரம்ʼ தேவி யத்ர ஸர்வம்ʼ ப்ரதிஷ்டிதம் .
அக்ஷரம்ʼ பரமம்ʼ தேவி ஸம்ʼஸ்திதம்ʼ பரமாணுவத் ..

அக்ஷரம்ʼ பரமம்ʼ ப்ரஹ்ம விஶ்வஞ்சைதத்க்ஷராத்மகம் .
தாருண்யவஸ்திதோ வஹ்நிர்பௌமாஶ்ச பரமாணவ꞉ ..

ததா த்வயி ஸ்திதம்ʼ ப்ரஹ்ம ஜகச்சேதமஶேஷத꞉ .
ஓங்காராக்ஷரஸம்ʼஸ்தானம்ʼ யத்து தேவி ஸ்திராஸ்திரம் ..

தத்ர மாத்ராத்ரயம்ʼ ஸர்வமஸ்தி யத்தேவி நாஸ்தி ச .
த்ரயோ லோகாஸ்த்ரயோ வேதாஸ்த்ரைவித்யம்ʼ பாவகத்ரயம் ..

த்ரீணி ஜ்யோதீம்ʼஷி வர்ணாஶ்ச த்ரயோ தர்மாகமாஸ்ததா .
த்ரயோ குணாஸ்த்ரய꞉ ஶப்தஸ்த்ரயோ வேதாஸ்ததாஶ்ரமா꞉ ..

த்ரய꞉ காலாஸ்ததாவஸ்தா꞉ பிதரோ(அ)ஹர்நிஶாதய꞉ .
ஏதன்மாத்ராத்ரயம்ʼ தேவி தவ ரூபம்ʼ ஸரஸ்வதி ..

விபின்னதர்ஶிநாமாத்யா ப்ரஹ்மணோ ஹி ஸனாதனா꞉ .
ஸோமஸம்ʼஸ்தா ஹவி꞉ ஸம்ʼஸ்தா꞉ பாகஸம்ʼஸ்தாஶ்ச ஸப்த யா꞉ ..

தாஸ்த்வதுச்சாரணாத்தேவி க்ரியந்தே ப்ரஹ்மவாதிபி꞉ .
அநிர்தேஶ்யம்ʼ ததா சான்யதர்தமாத்ரான்விதம்ʼ பரம் ..

அவிகார்யக்ஷயம்ʼ திவ்யம்ʼ பரிணாமவிவர்ஜிதம் .
தவைதத்பரமம்ʼ ரூபம்ʼ யன்ன ஶக்யம்ʼ மயோதிதும் ..

ந சாஸ்யே ந ச தஜ்ஜிஹ்வா தாம்ரோஷ்டாதிபிருச்யதே .
இந்த்ரோ(அ)பி வஸவோ ப்ரஹ்மா சந்த்ரார்கௌ ஜ்யோதிரேவ ச ..

விஶ்வாவாஸம்ʼ விஶ்வரூபம்ʼ விஶ்வேஶம்ʼ பரமேஶ்வரம் .
ஸாங்க்யவேதாந்தவாதோக்தம்ʼ பஹுஶாகாஸ்திரீக்ருʼதம் ..

அநாதிமத்யநிதனம்ʼ ஸதஸன்ன ஸதேவ யத் .
ஏகந்த்வனேகம்ʼ நாப்யேகம்ʼ பவபேதஸமாஶ்ரைதம் ..

அனாக்யம்ʼ ஷட்குணாக்யஞ்ச வர்காக்யம்ʼ த்ரிகுணாஶ்ரயம் .
நாநாஶக்திமதாமேகம்ʼ ஶக்திவைபவிகம்ʼ பரம் ..

ஸுகாஸுகம்ʼ மஹாஸௌக்யரூபம்ʼ த்வயி விபாவ்யதே .
ஏவம்ʼ தேவி  த்வயா வ்யாப்தம்ʼ ஸகலம்ʼ நிஷ்கலஞ்ச யத் .
அத்வைதாவஸ்திதம்ʼ ப்ரஹ்ம யச்ச த்வைதே வ்யவஸ்திதம் ..

யே(அ)ர்தா நித்யா யே வினஶ்யந்தி சான்யே
யே வா ஸ்தூலா யே ச ஸூக்ஷ்மாதிஸூக்ஷ்மா꞉ .
யே வா பூமௌ யே(அ)ந்தரீக்ஷே(அ)ன்யதோ வா
தேஷாம்ʼ தேஷாம்ʼ த்வத்த ஏவோபலப்தி꞉ ..

யச்சாமூர்தம்ʼ யச்ச மூர்தம்ʼ ஸமஸ்தம்ʼ
யத்வா பூதேஷ்வேகமேகஞ்ச கிஞ்சித் .
யத்திவ்யஸ்தி க்ஷ்மாதலே கே(அ)ன்யதோ வா
த்வத்ஸம்பத்தம்ʼ த்வத்ஸ்வரைர்வ்யஞ்ஜனைஶ்ச ..

Ramaswamy Sastry and Vighnesh Ghanapaathi