வ்யாஸ உவாச -
அதோ²பதிஷ்டே²தா³தி³த்யமுத³யந்தம்ʼ ஸமாஹித꞉ .
மந்த்ரைஸ்து விவிதை⁴꞉ ஸௌரை ருʼக்³யஜு꞉ஸாமஸம்ப⁴வை꞉ ..

உபஸ்தா²ய மஹாயோக³ம்ʼ தே³வதே³வம்ʼ தி³வாகரம் .
குர்வீத ப்ரணதிம்ʼ பூ⁴மௌ மூர்த்⁴னா தேனைவ மந்த்ரத꞉ ..

ௐ க²த்³யோதாய ச ஶாந்தாய காரணத்ரயஹேதவே .
நிவேத³யாமி சாத்மானம்ʼ நமஸ்தே ஜ்ஞானரூபிணே ..

நமஸ்தே க்⁴ருʼணினே துப்⁴யம்ʼ ஸூர்யாய ப்³ரஹ்மரூபிணே .
த்வமேவ ப்³ரஹ்ம பரமமாபோ ஜ்யோதீ ரஸோ(அ)ம்ருʼதம் .
பூ⁴ர்பு⁴வ꞉ஸ்வஸ்த்வமோங்கார꞉ ஶர்வருத்³ர꞉ ஸனாதன꞉ ..

புருஷ꞉ ஸன்மஹோ(அ)ந்தஸ்த²ம்ʼ ப்ரணமாமி கபர்தி³னம் .
த்வமேவ விஶ்வம்ʼ ப³ஹுதா⁴ ஜாத யஜ்ஜாயதே ச யத் .
நமோ ருத்³ராய ஸூர்யாய த்வாமஹம்ʼ ஶரணம்ʼ க³த꞉ ..

ப்ரசேதஸே நமஸ்துப்⁴யம்ʼ நமோ மீடு⁴ஷ்டமாய தே .
நமோ நமஸ்தே ருத்³ராய த்வாமஹம்ʼ ஶரணம்ʼ க³த꞉ .
ஹிரண்யபா³ஹவே துப்⁴யம்ʼ ஹிரண்யபதயே நம꞉ ..

அம்பி³காபதயே துப்⁴யமுமாயா꞉ பதயே நம꞉ .
நமோ(அ)ஸ்து நீலக்³ரீவாய நமஸ்துப்⁴யம்ʼ பினாகினே ..

விலோஹிதாய ப⁴ர்கா³ய ஸஹஸ்ராக்ஷாய தே நம꞉ .
நமோ ஹம்ʼஸாய தே நித்யமாதி³த்யாய நமோ(அ)ஸ்து தே ..

நமஸ்தே வஜ்ரஹஸ்தாய த்ர்யம்ப³காய நமோ நம꞉ .
ப்ரபத்³யே த்வாம்ʼ விரூபாக்ஷம்ʼ மஹாந்தம்ʼ பரமேஶ்வரம் ..

ஹிரண்மயே க்³ருʼஹே கு³ப்தமாத்மானம்ʼ ஸர்வதே³ஹினாம் .
நமஸ்யாமி பரம்ʼ ஜ்யோதிர்ப்³ரஹ்மாணம்ʼ த்வாம்ʼ பராம்ʼ க³திம் ..

விஶ்வம்ʼ பஶுபதிம்ʼ பீ⁴மம்ʼ நரநாரீஶரீரிணம் .
நம꞉ ஸூர்யாய ருத்³ராய பா⁴ஸ்வதே பரமேஷ்டி²னே ..

உக்³ராய ஸர்வப⁴க்ஷாய த்வாம்ʼ ப்ரபத்³யே ஸதை³வ ஹி .
ஏதத்³வை ஸூர்யஹ்ருʼத³யம்ʼ ஜப்த்வா ஸ்தவமனுத்தமம் ..

ப்ராத꞉ காலே(அ)த² மத்⁴யாஹ்னே நமஸ்குர்யாத்³தி³வாகரம் .
இத³ம்ʼ புத்ராய ஶிஷ்யாய தா⁴ர்மிகாய த்³விஜாதயே ..

ப்ரதே³யம்ʼ ஸூர்யஹ்ருʼத³யம்ʼ ப்³ரஹ்மணா து ப்ரத³ர்ஶிதம் .
ஸர்வபாபப்ரஶமனம்ʼ வேத³ஸாரஸமுத்³ப⁴வம் .
ப்³ராஹ்மணானாம்ʼ ஹிதம்ʼ புண்யம்ருʼஷிஸங்கை⁴ர்நிஷேவிதம் ..

அதா²க³ம்ய க்³ருʼஹம்ʼ விப்ர꞉ ஸமாசம்ய யதா²விதி⁴ .
ப்ரஜ்வால்ய விஹ்னிம்ʼ விதி⁴வஜ்ஜுஹுயாஜ்ஜாதவேத³ஸம் ..

ருʼத்விக்புத்ரோ(அ)த² பத்னீ வா ஶிஷ்யோ வா(அ)பி ஸஹோத³ர꞉ .
ப்ராப்யானுஜ்ஞாம்ʼ விஶேஷேண ஜுஹுயுர்வா யதாவிதி⁴ ..

பவித்ரபாணி꞉ பூதாத்மா ஶுக்லாம்ப³ரத⁴ர꞉ ஶுசி꞉ .
அனன்யமானஸோ வஹ்னிம்ʼ ஜுஹுயாத் ஸம்ʼயதேந்த்³ரிய꞉ ..

Ramaswamy Sastry and Vighnesh Ghanapaathi