கஜவதன கணேஶ த்வம்ʼ விபோ விஶ்வமூர்தே
ஹரஸி ஸகலவிக்னான் விக்னராஜ ப்ரஜானாம் .
பவதி ஜகதி பூஜா பூர்வமேவ த்வதீயா
வரதவர க்ருʼபாலோ சந்த்ரமௌலே ப்ரஸீத ..

ஸபதி ஸகலவிக்னாம்ʼ யாந்தி தூரே தயாலோ
தவ ஶுசிருசிரம்ʼ ஸ்யாந்நாமஸங்கீர்தனம்ʼ சேத் .
அத இஹ மனுஜாஸ்த்வாம்ʼ ஸர்வகார்யே ஸ்மரந்தி
வரதவர க்ருʼபாலோ சந்த்ரமௌலே ப்ரஸீத ..

ஸகலதுரிதஹந்து꞉ த ஸ்வர்கமோக்ஷாதிதாது꞉
ஸுரரிபுவதகர்த்து꞉ ஸர்வவிக்னப்ரஹர்த்து꞉ .
தவ பவதி க்ருʼபாதோ(அ)ஶேஷஸம்பத்திலாபோ
வரதவர க்ருʼபாலோ சந்த்ரமௌலே ப்ரஸீத ..

தவ கணப குணானாம்ʼ வர்ணனே நைவ ஶக்தா
ஜகதி ஸகலவந்த்யா ஶாரதா ஸர்வகாலே .
ததிதரமனுஜானாம்ʼ கா கதா பாலத்ருʼஷ்டே
வரதவர க்ருʼபாலோ சந்த்ரமௌலே ப்ரஸீத ..

பஹுதரமனுஜைஸ்தே திவ்யநாம்னாம்ʼ ஸஹஸ்ரை꞉
ஸ்துதிஹுதிகரணேன ப்ராப்யதே ஸர்வஸித்தி꞉ .
விதிரயமகிலோ வை தந்த்ரஶாஸ்த்ரே ப்ரஸித்த꞉
வரதவர க்ருʼபாலோ சந்த்ரமௌலே ப்ரஸீத ..

த்வதிதரதிஹ நாஸ்தே ஸச்சிதானந்தமூர்த்தே
இதி நிகததி ஶாஸ்த்ரம்ʼ விஶ்வரூபம்ʼ த்ரிநேத்ர .
த்வமஸி ஹரிரத த்வம்ʼ ஶங்கரஸ்த்வம்ʼ விதாதா
வரதவர க்ருʼபாலோ சந்த்ரமௌலே꞉ ப்ரஸீத ..

ஸகலஸுகத மாயா யா த்வதீயா ப்ரஸித்தா
ஶஶதரதரஸூனே த்வம்ʼ தயா க்ரீடஸீஹ .
நட இவ பஹுவேஷம்ʼ ஸர்வதா ஸம்ʼவிதாய
வரதவர க்ருʼபாலோ சந்த்ரமௌலே ப்ரஸீத ..

பவ இஹ புரதஸ்தே பாத்ரரூபேண பர்த்த꞉
பஹுவிதனரலீலாம்ʼ த்வாம்ʼ ப்ரதர்ஶ்யாஶு யாசே .
ஸபதி பவஸமுத்ரான்மாம்ʼ ஸமுத்தாரயஸ்வ
வரதவர க்ருʼபாலோ சந்த்ரமௌலே ப்ரஸீத ..

அஷ்டகம்ʼ கணநாதஸ்ய பக்த்யா யோ மானவ꞉ படேத்
தஸ்ய விக்னா꞉ ப்ரணஶ்யந்தி கணேஶஸ்ய ப்ரஸாதத꞉ ..

Ramaswamy Sastry and Vighnesh Ghanapaathi