பாகீரதீஸலிலஸாந்த்ரஜடாகலாபம்ʼ
ஶீதாம்ʼஶுகாந்திரமணீயவிஶாலபாலம்.
கர்பூரதுக்தஹிமஹம்ʼஸனிபம்ʼ ஸ்வதோஜம்ʼ
நித்யம்ʼ பஜாம்ய(அ)மரநாதமஹம்ʼ தயாலும்.
கௌரீபதிம்ʼ பஶுபதிம்ʼ வரதம்ʼ த்ரிநேத்ரம்ʼ
பூதாதிபம்ʼ ஸகலலோகபதிம்ʼ ஸுரேஶம்.
ஶார்தூலசர்மசிதிபஸ்மவிபூஷிதாங்கம்ʼ
நித்யம்ʼ பஜாம்ய(அ)மரநாதமஹம்ʼ தயாலும்.
கந்தர்வயக்ஷரஸுரகின்னரஸித்தஸங்கை꞉
ஸம்ʼஸ்தூயமானமநிஶம்ʼ ஶ்ருதிபூதமந்த்ரை꞉.
ஸர்வத்ரஸர்வஹ்ருʼதயைகநிவாஸினம்ʼ தம்ʼ
நித்யம்ʼ பஜாம்ய(அ)மரநாதமஹம்ʼ தயாலும்.
வ்யோமானிலானலஜலாவநிஸோமஸூர்ய-
ஹோத்ரீபிரஷ்டதனுபிர்ஜகதேகநாத꞉.
யஸ்திஷ்டதீஹ ஜனமங்கலதாரணாய
தம்ʼ ப்ரார்தயாம்ய(அ)மரநாதமஹம்ʼ தயாலும்.
ஶைலேந்த்ரதுங்கஶிகரே கிரிஜாஸமேதம்ʼ
ப்ராலேயதுர்கமகுஹாஸு ஸதா வஸந்தம்.
ஶ்ரீமத்கஜானனவிராஜித தக்ஷிணாங்கம்ʼ
நித்யம்ʼ பஜாம்ய(அ)மரநாதமஹம்ʼ தயாலும்.
வாக்புத்திசித்தகரணைஶ்ச தபோபிருக்ரை꞉
ஶக்யம்ʼ ஸமாகலயிதும்ʼ ந யதீயரூபம்.
தம்ʼ பக்திபாவஸுலபம்ʼ ஶரணம்ʼ நதானாம்ʼ
நித்ம்ʼய பஜாம்ய(அ)மரநாதமஹம்ʼ தயாலும்.
ஆத்யந்தஹீனமகிலாதிபதிம்ʼ கிரீஶம்ʼ
பக்தப்ரியம்ʼ ஹிதகரம்ʼ ப்ரபுமத்வயைகம்.
ஸ்ருʼஷ்டிஸ்திதிப்ரலயலீலமனந்தஶக்திம்ʼ
நித்யம்ʼ பஜாம்ய(அ)மரநாதமஹம்ʼ தயாலும்.
ஹே பார்வதீஶ வ்ருʼஷபத்வஜ ஶூலபாணே
ஹே நீலகண்ட மதனாந்தக ஶுப்ரமூர்தே .
ஹே பக்தகல்பதருரூப ஸுகைகஸிந்தோ
மாம்ʼ பாஹி பாஹி பவதோ(அ)மரநாத நித்யம்.

Ramaswamy Sastry and Vighnesh Ghanapaathi