அஸ்ய ஶ்ரீப்ருʼஹஸ்பதிகவசஸ்தோத்ரமந்த்ரஸ்ய. ஈஶ்வர ருʼஷி꞉.
அனுஷ்டுப் சந்த꞉. குருர்தேவதா. கம்ʼ பீஜம். ஶ்ரீஶக்தி꞉.
க்லீம்ʼ கீலகம். குருப்ரீத்யர்தம்ʼ ஜபே விநியோக꞉.
அபீஷ்டபலதம்ʼ தேவம்ʼ ஸர்வஜ்ஞம்ʼ ஸுரபூஜிதம்.
அக்ஷமாலாதரம்ʼ ஶாந்தம்ʼ ப்ரணமாமி ப்ருʼஹஸ்பதிம்.
ப்ருʼஹஸ்பதி꞉ ஶிர꞉ பாது லலாடம்ʼ பாது மே குரு꞉.
கர்ணௌ ஸுரகுரு꞉ பாது நேத்ரே மே(அ)பீஷ்டதாயக꞉.
ஜிஹ்வாம்ʼ பாது ஸுராசார்யோ நாஸாம்ʼ மே வேதபாரக꞉.
முகம்ʼ மே பாது ஸர்வஜ்ஞோ கண்டம்ʼ மே தேவதாகுரு꞉.
புஜாவாங்கிரஸ꞉ பாது கரௌ பாது ஶுபப்ரத꞉.
ஸ்தனௌ மே பாது வாகீஶ꞉ குக்ஷிம்ʼ மே ஶுபலக்ஷண꞉.
நாபிம்ʼ தேவகுரு꞉ பாது மத்யம்ʼ பாது ஸுகப்ரத꞉.
கடிம்ʼ பாது ஜகத்வந்த்ய ஊரூ மே பாது வாக்பதி꞉.
ஜானுஜங்கே ஸுராசார்யோ பாதௌ விஶ்வாத்மகஸ்ததா.
அன்யானி யானி சாங்கானி ரக்ஷேன்மே ஸர்வதோ குரு꞉.
இத்யேதத்கவசம்ʼ திவ்யம்ʼ த்ரிஸந்த்யம்ʼ ய꞉ படேன்னர꞉.
ஸர்வான்காமானவாப்னோதி ஸர்வத்ர விஜயீ பவேத்.

Ramaswamy Sastry and Vighnesh Ghanapaathi