ருʼஷிருவாச.
யமாஹுர்வாஸுதேவாம்ʼஶம்ʼ ஹைஹயானாம்ʼ குலாந்தகம்.
த்ரி꞉ஸப்தக்ருʼத்வோ ய இமாம்ʼ சக்ரே நி꞉க்ஷத்ரியாம்ʼ மஹீம்.
துஷ்டம்ʼ க்ஷத்ரம்ʼ புவோ பாரமப்ரஹ்மண்யமனீனஶத்.
தஸ்ய நாமானி புண்யானி வச்மி தே புருஷர்ஷப.
பூபாரஹரணார்தாய மாயாமானுஷவிக்ரஹ꞉.
ஜனார்தனாம்ʼஶஸம்பூத꞉ ஸ்தித்யுத்பத்த்யப்யயேஶ்வர꞉.
பார்கவோ ஜாமதக்ன்யஶ்ச பித்ராஜ்ஞாபரிபாலக꞉.
மாத்ருʼப்ராணப்ரதோ தீமான் க்ஷத்ரியாந்தகர꞉ ப்ரபு꞉.
ராம꞉ பரஶுஹஸ்தஶ்ச கார்தவீர்யமதாபஹ꞉.
ரேணுகாது꞉கஶோகக்னோ விஶோக꞉ ஶோகநாஶன꞉.
நவீனநீரதஶ்யாமோ ரக்தோத்பலவிலோசன꞉.
கோரோ தண்டதரோ தீரோ ப்ரஹ்மண்யோ ப்ராஹ்மணப்ரிய꞉.
தபோதனோ மஹேந்த்ராதௌ ந்யஸ்ததண்ட꞉ ப்ரஶாந்ததீ꞉.
உபகீயமானசரித꞉ ஸித்தகந்தர்வசாரணை꞉.
ஜன்மம்ருʼத்யுஜராவ்யாதிது꞉கஶோகபயாதிக꞉.
இத்யஷ்டாவிம்ʼஶதிர்னாம்நாமுக்தா ஸ்தோத்ராத்மிகா ஶுபா.
அனயா ப்ரீயதாம்ʼ தேவோ ஜாமதக்ன்யோ மஹேஶ்வர꞉.
நேதம்ʼ ஸ்தோத்ரமஶாந்தாய நாதாந்தாயாதபஸ்வினே.
நாவேதவிதுஷே வாச்யமஶிஷ்யாய கலாய ச.
நாஸூயகாயாந்ருʼஜவே ந சாநிர்திஷ்டகாரிணே.
இதம்ʼ ப்ரியாய புத்ராய ஶிஷ்யாயானுகதாய ச.
ரஹஸ்யதர்மோ வக்தவ்யோ நான்யஸ்மை து கதாசன.

Ramaswamy Sastry and Vighnesh Ghanapaathi