महानीलमेघातिभव्यं सुहासं शिवब्रह्मदेवादिभिः संस्तुतं च ।
रमामन्दिरं देवनन्दापदाहं भजे राधिकावल्लभं कृष्णचन्द्रम् ॥ १॥

रसं वेदवेदान्तवेद्यं दुरापं सुगम्यं तदीयादिभिर्दानवघ्नम् ।
लसत्कुण्डलं सोमवंशप्रदीपं भजे राधिकावल्लभं कृष्णचन्द्रम् ॥ २॥

यशोदादिसंलालितं पूर्णकामं दृशोरञ्जनं प्राकृतस्थस्वरूपम् ।
दिनान्ते समायान्तमेकान्तभक्तैर्भजे राधिकावल्लभं कृष्णचन्द्रम् ॥ ३॥

कृपादृष्टिसम्पातसिक्तस्वकुञ्जं तदन्तःस्थितस्वीयसम्यग्दशादम् ।
पुनस्तत्र तैः सत्कृतैकान्तलीलं भजे राधिकावल्लभं कृष्णचन्दम् ॥ ४॥

गृहे गोपिकाभिर्धृते चौर्यकाले तदक्ष्णोश्च निक्षिप्य दुग्धं चलन्तम् ।
तदा तद्वियोगादिसम्पत्तिकारं भजे राधिकावल्लभं कृष्णचन्द्रम् ॥ ५॥

चलत्कौस्तुभव्याप्तवक्षःप्रदेशं महावैजयन्तीलसत्पादयुग्मम् ।
सुकस्तूरिकादीप्तभालप्रदेशं भजे राधिकावल्लभं कृष्णचन्द्रम् ॥ ६॥

गवां दोहने दृष्टराधामुखाब्जं तदानीं च तन्मेलनव्यग्रचित्तम् ।
समुत्पन्नतन्मानसैकान्तभावं भजे राधिकावल्लभं कृष्णचन्द्रम् ॥ ७॥

अदः कृष्णचन्द्राष्टकं प्रेमयुक्तः पठेत्कृष्णसान्निध्यमाप्नोति नित्यम् ।
कलौ यः स संसारदुःखातिरिक्तं प्रयात्येव विष्णोः पदं निर्भयं तत् ॥ ८॥

mahaaneelameghaatibhavyam' suhaasam' shivabrahmadevaadibhih' sam'stutam' cha .
ramaamandiram' devanandaapadaaham' bhaje raadhikaavallabham' kri'shnachandram .. 1..

rasam' vedavedaantavedyam' duraapam' sugamyam' tadeeyaadibhirdaanavaghnam .
lasatkund'alam' somavam'shapradeepam' bhaje raadhikaavallabham' kri'shnachandram .. 2..

yashodaadisam'laalitam' poornakaamam' dri'shoranjanam' praakri'tasthasvaroopam .
dinaante samaayaantamekaantabhaktairbhaje raadhikaavallabham' kri'shnachandram .. 3..

kri'paadri'sht'isampaatasiktasvakunjam' tadantah'sthitasveeyasamyagdashaadam .
punastatra taih' satkri'taikaantaleelam' bhaje raadhikaavallabham' kri'shnachandam .. 4..

gri'he gopikaabhirdhri'te chauryakaale tadakshnoshcha nikshipya dugdham' chalantam .
tadaa tadviyogaadisampattikaaram' bhaje raadhikaavallabham' kri'shnachandram .. 5..

chalatkaustubhavyaaptavakshah'pradesham' mahaavaijayanteelasatpaadayugmam .
sukastoorikaadeeptabhaalapradesham' bhaje raadhikaavallabham' kri'shnachandram .. 6..

gavaam' dohane dri'sht'araadhaamukhaabjam' tadaaneem' cha tanmelanavyagrachittam .
samutpannatanmaanasaikaantabhaavam' bhaje raadhikaavallabham' kri'shnachandram .. 7..

adah' kri'shnachandraasht'akam' premayuktah' pat'hetkri'shnasaannidhyamaapnoti nityam .
kalau yah' sa sam'saaraduh'khaatiriktam' prayaatyeva vishnoh' padam' nirbhayam' tat .. 8..

Ramaswamy Sastry and Vighnesh Ghanapaathi