कपालिनामधेयकं कलापिपुर्यधीश्वरं
कलाधरार्धशेखरं करीन्द्रचर्मभूषितम् ।
कृपारसार्द्रलोचनं कुलाचलप्रपूजितं
कुबेरमित्रमूर्जितं गणेशपूजितं भजे ॥

भजे भुजङ्गभूषणं भवाब्धिभीतिभञ्जनं
भवोद्भवं भयापहं सुखप्रदं सुरेश्वरम् ।
रवीन्दुवह्निलोचनं रमाधवार्चितं वरं
ह्युमाधवं सुमाधवीसुभूषितं महागुरुम् ॥

गुरुं गिरीन्द्रधन्विनं गुहप्रियं गुहाशयं
गिरिप्रियं नगप्रियासमन्वितं वरप्रदम् ।
सुरप्रियं रविप्रभं सुरेन्द्रपूजितं प्रभुं
नरेन्द्रपीठदायकं नमाम्यहं महेश्वरम् ॥

महेश्वरं सुरेश्वरं धनेश्वरप्रियेश्वरं
वनेश्वरं विशुद्धचित्तवासिनं परात्परम् ।
प्रमत्तवेषधारिणं प्रकृष्टचित्स्वरूपिणं
विरुद्धकर्मकारिणं सुशिक्षकं स्मराम्यहम् ॥

स्मराम्यहं स्मरान्तकं मुरारिसेविताङ्घ्रिकं
परारिनाशनक्षमं पुरारिरूपिणं शुभम् ।
स्फुरत्सहस्रभानुतुल्यतेजसं महौजसं
सुचण्डिकेशपूजितं मृडं समाश्रये सदा ॥

सदा प्रहृष्टरूपिणं सतां प्रहर्षवर्षिणं
भिदा विनाशकारण प्रमाणगोचरं परम् ।
मुदा प्रवृत्तनर्तनं जगत्पवित्रकीर्तनं
निदानमेकमद्भुतं नितान्तमाश्रयेह्यहम् ॥

अहम्ममादिदूषणं महेन्द्ररत्नभूषणं
महावृषेन्द्रवाहनं ह्यहीन्द्रभूषणान्वितम् ।
वृषाकपिस्वरूपिणं मृषापदार्थधारिणं
मृकण्डुसूनुसंस्तुतं ह्यभीतिदं नमामि तम् ॥

नमामि तं महामतिं नतेष्टदानचक्षणं
नतार्तिभञ्जनोद्यतं नगेन्द्रवासिनं विभुम् ।
अगेन्द्रजासमन्वितं मृगेन्द्रविक्रमान्वितं
खगेन्द्रवाहनप्रियं सुखस्वरूपमव्ययम् ॥

सुकल्पकाम्बिकापतिप्रियं त्विदं मनोहरं
सुगूडकाञ्चिरामकृष्णयोगिशिष्यसंस्तुतम् ।
महाप्रदोषपुण्यकालकीर्तनात् शुभप्रदं
भजामहे सदा मुदा कपालिमङ्गलाष्टकम् ॥

कपालि तुष्टिदायकं महापदिप्रपालकं
त्वभीष्टसिद्धिदायकं विशिष्टमङ्गलाष्टकम् ।
पठेत्सकृत्सुभक्तितः कपालिसन्निधौ क्रमात्
अवाप्य सर्वमायुरादि मोदते सुमङ्गलम् ॥

kapaalinaamadheyakam' kalaapipuryadheeshvaram'
kalaadharaardhashekharam' kareendracharmabhooshitam .
kri'paarasaardralochanam' kulaachalaprapoojitam'
kuberamitramoorjitam' ganeshapoojitam' bhaje ..

bhaje bhujangabhooshanam' bhavaabdhibheetibhanjanam'
bhavodbhavam' bhayaapaham' sukhapradam' sureshvaram .
raveenduvahnilochanam' ramaadhavaarchitam' varam'
hyumaadhavam' sumaadhaveesubhooshitam' mahaagurum ..

gurum' gireendradhanvinam' guhapriyam' guhaashayam'
giripriyam' nagapriyaasamanvitam' varapradam .
surapriyam' raviprabham' surendrapoojitam' prabhum'
narendrapeet'hadaayakam' namaamyaham' maheshvaram ..

maheshvaram' sureshvaram' dhaneshvarapriyeshvaram'
vaneshvaram' vishuddhachittavaasinam' paraatparam .
pramattaveshadhaarinam' prakri'sht'achitsvaroopinam'
viruddhakarmakaarinam' sushikshakam' smaraamyaham ..

smaraamyaham' smaraantakam' muraarisevitaanghrikam'
paraarinaashanakshamam' puraariroopinam' shubham .
sphuratsahasrabhaanutulyatejasam' mahaujasam'
suchand'ikeshapoojitam' mri'd'am' samaashraye sadaa ..

sadaa prahri'sht'aroopinam' sataam' praharshavarshinam'
bhidaa vinaashakaarana pramaanagocharam' param .
mudaa pravri'ttanartanam' jagatpavitrakeertanam'
nidaanamekamadbhutam' nitaantamaashrayehyaham ..

ahammamaadidooshanam' mahendraratnabhooshanam'
mahaavri'shendravaahanam' hyaheendrabhooshanaanvitam .
vri'shaakapisvaroopinam' mri'shaapadaarthadhaarinam'
mri'kand'usoonusam'stutam' hyabheetidam' namaami tam ..

namaami tam' mahaamatim' natesht'adaanachakshanam'
nataartibhanjanodyatam' nagendravaasinam' vibhum .
agendrajaasamanvitam' mri'gendravikramaanvitam'
khagendravaahanapriyam' sukhasvaroopamavyayam ..

sukalpakaambikaapatipriyam' tvidam' manoharam'
sugood'akaanchiraamakri'shnayogishishyasam'stutam .
mahaapradoshapunyakaalakeertanaat shubhapradam'
bhajaamahe sadaa mudaa kapaalimangalaasht'akam ..

kapaali tusht'idaayakam' mahaapadiprapaalakam'
tvabheesht'asiddhidaayakam' vishisht'amangalaasht'akam .
pat'hetsakri'tsubhaktitah' kapaalisannidhau kramaat
avaapya sarvamaayuraadi modate sumangalam ..

Ramaswamy Sastry and Vighnesh Ghanapaathi