गाढान्तकारहरणाय जगद्धिताय
ज्योतिर्मयाय परमेश्वरलोचनाय ।
मन्देहदैत्यभुजगर्वविभञ्जनाय
सूर्याय तीव्रकिरणाय नमो नमस्ते ॥

छायाप्रियाय मणिकुण्डलमण्डिताय
सूरोत्तमाय सरसीरुहबान्धवाय ।
सौवर्णरत्नमकुटाय विकर्तनाय
सूर्याय तीव्रकिरणाय नमो नमस्ते ॥

संज्ञावधूहृदयपङ्कजषट्पदाय
गौरीशपङ्कजभवाच्युतविग्रहाय ।
लोकेक्षणाय तपनाय दिवाकराय
सूर्याय तीव्रकिरणाय नमो नमस्ते ॥

सप्ताश्वबद्धशकटाय ग्रहाधिपाय
रक्ताम्बराय शरणागतवत्सलाय ।
जाम्बूनदाम्बुजकराय दिनेश्वराय
सूर्याय तीव्रकिरणाय नमो नमस्ते ॥

आम्नायभारभरणाय जलप्रदाय
तोयापहाय करुणामृतसागराय ।
नारायणाय विविधामरवन्दिताय
सूर्याय तीव्रकिरणाय नमो नमस्ते ॥

gaad'haantakaaraharanaaya jagaddhitaaya
jyotirmayaaya parameshvaralochanaaya .
mandehadaityabhujagarvavibhanjanaaya
sooryaaya teevrakiranaaya namo namaste ..

chhaayaapriyaaya manikund'alamand'itaaya
soorottamaaya saraseeruhabaandhavaaya .
sauvarnaratnamakut'aaya vikartanaaya
sooryaaya teevrakiranaaya namo namaste ..

sanjnyaavadhoohri'dayapankajashat'padaaya
gaureeshapankajabhavaachyutavigrahaaya .
lokekshanaaya tapanaaya divaakaraaya
sooryaaya teevrakiranaaya namo namaste ..

saptaashvabaddhashakat'aaya grahaadhipaaya
raktaambaraaya sharanaagatavatsalaaya .
jaamboonadaambujakaraaya dineshvaraaya
sooryaaya teevrakiranaaya namo namaste ..

aamnaayabhaarabharanaaya jalapradaaya
toyaapahaaya karunaamri'tasaagaraaya .
naaraayanaaya vividhaamaravanditaaya
sooryaaya teevrakiranaaya namo namaste ..

Ramaswamy Sastry and Vighnesh Ghanapaathi