लङ्कायां शाङ्करीदेवी कामाक्षी काञ्चिकापुरे ।
प्रद्युम्ने शृङ्खलादेवी चामुण्डी क्रौञ्चपट्टणे ।।
अलम्पुरे जोगुलाम्बा श्रीशैले भ्रमराम्बिका ।
कोल्हापुरे महालक्ष्मी मुहुर्ये एकवीरिका ।।
उज्जयिन्यां महाकाली पीठिक्यां पुरुहूतिका ।
ओढ्यायां गिरिजादेवी माणिक्या दक्षवाटके ।।
हरिक्षेत्रे कामरूपा प्रयागे माधवेश्वरी ।
ज्वालायां वैष्णवीदेवी गया माङ्गल्यगौरिका ।।
वाराणस्यां विशालाक्षी काश्मीरेषु सरस्वती ।
अष्टादशसुपीठानि योगिनामपि दुर्लभम् ।।
सायङ्काले पठेन्नित्यं सर्वशत्रुविनाशनम् ।
सर्वरोगहरं दिव्यं सर्वसम्पत्करं शुभम् ।।

lankaayaam' shaankareedevee kaamaakshee kaanchikaapure .
pradyumne shri'nkhalaadevee chaamund'ee kraunchapat't'ane ..
alampure jogulaambaa shreeshaile bhramaraambikaa .
kolhaapure mahaalakshmee muhurye ekaveerikaa ..
ujjayinyaam' mahaakaalee peet'hikyaam' puruhootikaa .
od'hyaayaam' girijaadevee maanikyaa dakshavaat'ake ..
harikshetre kaamaroopaa prayaage maadhaveshvaree .
jvaalaayaam' vaishnaveedevee gayaa maangalyagaurikaa ..
vaaraanasyaam' vishaalaakshee kaashmeereshu sarasvatee .
asht'aadashasupeet'haani yoginaamapi durlabham ..
saayankaale pat'hennityam' sarvashatruvinaashanam .
sarvarogaharam' divyam' sarvasampatkaram' shubham ..

Ramaswamy Sastry and Vighnesh Ghanapaathi