नमस्ते जामदग्न्याय क्रोधदग्धमहासुर । 
क्षत्रान्तकाय चण्डाय रामायापारतेजसे ॥

विनाशकाय दुष्टानां रक्षकाय सदर्थिनाम् । 
भृगुकुल्याय वीराय विष्णुरूपाय ते नमः ॥

महाभयङ्करायैव महादेवाय धीमते । 
ब्रह्मवंशोद्भवायैव पर्शुराम नमोऽस्तु ते ॥

पर्शुहस्ताय वीराय रेणुकानन्दवर्धिने । 
सर्वदुष्टशमायैव तुभ्यं राम नमोऽस्तु ते ॥

यज्ञविघ्नहरायैव कृपाणधृतवक्षसे । 
कुकर्मनाशकायास्तु नमस्तुभ्यं हरे मुहुः ॥

रक्षस्व मां महाबाहो महाबल नमोऽस्तु‌ ते । 
दुर्जनैः परिविष्टं हि शत्रुसङ्घातवारण ॥

धनुर्वेदप्रधानाय वेदसाराय धीमते । 
तपोधनप्रियायैव जगन्नाथाय ते नमः ॥

जपेत् स्तोत्रं सदा जप्यं यः सुधीः प्रत्यहं मुदा ।
नित्यं रक्षामवाप्नोति शत्रुभ्यो नहि संशयः ॥

namaste jaamadagnyaaya krodhadagdhamahaasura . 
kshatraantakaaya chand'aaya raamaayaapaaratejase ..

vinaashakaaya dusht'aanaam' rakshakaaya sadarthinaam . 
bhri'gukulyaaya veeraaya vishnuroopaaya te namah' ..

mahaabhayankaraayaiva mahaadevaaya dheemate . 
brahmavam'shodbhavaayaiva parshuraama namo'stu te ..

parshuhastaaya veeraaya renukaanandavardhine . 
sarvadusht'ashamaayaiva tubhyam' raama namo'stu te ..

yajnyavighnaharaayaiva kri'paanadhri'tavakshase . 
kukarmanaashakaayaastu namastubhyam' hare muhuh' ..

rakshasva maam' mahaabaaho mahaabala namo'stu te . 
durjanaih' parivisht'am' hi shatrusanghaatavaarana ..

dhanurvedapradhaanaaya vedasaaraaya dheemate . 
tapodhanapriyaayaiva jagannaathaaya te namah' ..

japet stotram' sadaa japyam' yah' sudheeh' pratyaham' mudaa .
nityam' rakshaamavaapnoti shatrubhyo nahi sam'shayah' ..

Ramaswamy Sastry and Vighnesh Ghanapaathi