केयूरभूषं महनीयरूपं
रत्नाङ्कितं सर्पसुशोभिताङ्गम् ।
सर्वेषु भक्तेषु दयैकदृष्टिं
केदारनाथं भज लिङ्गराजम् ।।
त्रिशूलिनं त्र्यम्बकमादिदेवं
दैतेयदर्पघ्नमुमेशितारम् ।
नन्दिप्रियं नादपितृस्वरूपं
केदारनाथं भज लिङ्गराजम् ।।
कपालिनं कीर्तिविवर्धकं च
कन्दर्पदर्पघ्नमपारकायम्।
जटाधरं सर्वगिरीशदेवं
केदारनाथं भज लिङ्गराजम् ।।
सुरार्चितं सज्जनमानसाब्ज-
दिवाकरं सिद्धसमर्चिताङ्घ्रिं
रुद्राक्षमालं रविकोटिकान्तिं
केदारनाथं भज लिङ्गराजम् ।।
हिमालयाख्ये रमणीयसानौ
रुद्रप्रयागे स्वनिकेतने च ।
गङ्गोद्भवस्थानसमीपदेशे
केदारनाथं भज लिङ्गराजम् ।।

keyoorabhoosham' mahaneeyaroopam'
ratnaankitam' sarpasushobhitaangam .
sarveshu bhakteshu dayaikadri'sht'im'
kedaaranaatham' bhaja lingaraajam ..
trishoolinam' tryambakamaadidevam'
daiteyadarpaghnamumeshitaaram .
nandipriyam' naadapitri'svaroopam'
kedaaranaatham' bhaja lingaraajam ..
kapaalinam' keertivivardhakam' cha
kandarpadarpaghnamapaarakaayam.
jat'aadharam' sarvagireeshadevam'
kedaaranaatham' bhaja lingaraajam ..
suraarchitam' sajjanamaanasaabja-
divaakaram' siddhasamarchitaanghrim'
rudraakshamaalam' ravikot'ikaantim'
kedaaranaatham' bhaja lingaraajam ..
himaalayaakhye ramaneeyasaanau
rudraprayaage svaniketane cha .
gangodbhavasthaanasameepadeshe
kedaaranaatham' bhaja lingaraajam ..

Ramaswamy Sastry and Vighnesh Ghanapaathi