शारदां चन्द्रवदनां वीणापुस्तकधारिणीम् । 
सङ्गीतविद्याधिष्ठात्रीं नमस्यामि सरस्वतीम् ॥

श्वेताम्बरधरे देवि श्वेतपद्मासने शुभे। 
श्वेतगन्धार्चिताङ्घ्रिं त्वां नमस्यामि सरस्वतीम् ॥

या देवी सर्ववाद्येषु दक्षा सङ्गीतवर्तिनी । 
या सदा ज्ञानदा देवी नमस्यामि सरस्वति ॥

शारदे सर्ववाद्येषु दक्षं मां कुरु पाहि माम् । 
सिद्धिं देहि सदा देवि जिह्वायां तिष्ठ मे स्वयम् ॥

ज्ञानं देहि स्वरस्यापि लयतालगुणं मम । 
भक्तिं च यच्छ मे नित्यं सरस्वति नमोऽस्तु ते ॥

विद्यां बुद्धिं च मे देवि प्रयच्छाऽद्य सरस्वति । 
यशो मे शाश्वतं देहि वरदा भव मे सदा ॥

प्रणमामि जगद्धात्रीं वागीशानीं सरस्वतीम् । 
सङ्गीते देहि सिद्धिं मे गीते वाद्ये महामति ॥

सरस्वत्या इदं स्तोत्रं यः पठेद्भक्तिमान् नरः ।
सङ्गीतस्वरतालेषु समवाप्नोत्यभिज्ञताम् ॥

shaaradaam' chandravadanaam' veenaapustakadhaarineem . 
sangeetavidyaadhisht'haatreem' namasyaami sarasvateem ..

shvetaambaradhare devi shvetapadmaasane shubhe. 
shvetagandhaarchitaanghrim' tvaam' namasyaami sarasvateem ..

yaa devee sarvavaadyeshu dakshaa sangeetavartinee . 
yaa sadaa jnyaanadaa devee namasyaami sarasvati ..

shaarade sarvavaadyeshu daksham' maam' kuru paahi maam . 
siddhim' dehi sadaa devi jihvaayaam' tisht'ha me svayam ..

jnyaanam' dehi svarasyaapi layataalagunam' mama . 
bhaktim' cha yachchha me nityam' sarasvati namo'stu te ..

vidyaam' buddhim' cha me devi prayachchhaa'dya sarasvati . 
yasho me shaashvatam' dehi varadaa bhava me sadaa ..

pranamaami jagaddhaatreem' vaageeshaaneem' sarasvateem . 
sangeete dehi siddhim' me geete vaadye mahaamati ..

sarasvatyaa idam' stotram' yah' pat'hedbhaktimaan narah' .
sangeetasvarataaleshu samavaapnotyabhijnyataam ..

Ramaswamy Sastry and Vighnesh Ghanapaathi