नमोऽस्तु नटराजाय सर्वसिद्धिप्रदायिने । 
सदाशिवाय शान्ताय नृत्यशास्त्रैकसाक्षिणे ॥

भो नटेश सुरश्रेष्ठ मां पश्य कृपया हर । 
कौशलं मे प्रदेह्याऽऽशु नृत्ये नित्यं जटाधर ॥

सर्वाङ्गसुन्दरं देहि भावनां शुद्धिमुत्तमाम् । 
नृत्येऽहं विजयी जाये त्वदनुग्रहलाभतः ॥

शिवाय ते नमो नित्यं नटराज विभो प्रभो । 
द्रुतं सिद्धिं प्रदेहि त्वं नृत्ये नाट्ये महेश्वर ॥

नमस्करोमि श्रीकण्ठ तव पादारविन्दयोः । 
नृत्यसिद्धिं कुरु स्वामिन् नटराज नमोऽस्तु ते ॥

सुस्तोत्रं नटराजस्य प्रत्यहं यः पठेत् सुधीः‌ । 
नृत्ये विजयमाप्नोति लोकप्रीतिं च विन्दति ॥

namo'stu nat'araajaaya sarvasiddhipradaayine . 
sadaashivaaya shaantaaya nri'tyashaastraikasaakshine ..

bho nat'esha surashresht'ha maam' pashya kri'payaa hara . 
kaushalam' me pradehyaa''shu nri'tye nityam' jat'aadhara ..

sarvaangasundaram' dehi bhaavanaam' shuddhimuttamaam . 
nri'tye'ham' vijayee jaaye tvadanugrahalaabhatah' ..

shivaaya te namo nityam' nat'araaja vibho prabho . 
drutam' siddhim' pradehi tvam' nri'tye naat'ye maheshvara ..

namaskaromi shreekant'ha tava paadaaravindayoh' . 
nri'tyasiddhim' kuru svaamin nat'araaja namo'stu te ..

sustotram' nat'araajasya pratyaham' yah' pat'het sudheeh' . 
nri'tye vijayamaapnoti lokapreetim' cha vindati ..

Ramaswamy Sastry and Vighnesh Ghanapaathi