कामाक्षि मातर्नमस्ते। कामदानैकदक्षे स्थिते भक्तपक्षे। कामाक्षिमातर्नमस्ते।
कामारिकान्ते कुमारि। कालकालस्य भर्तुः करे दत्तहस्ते।
कामाय कामप्रदात्रि। कामकोटिस्थपूज्ये गिरं देहि मह्यम्। कामाक्षि मातर्नमस्ते।
श्रीचक्रमध्ये वसन्तीम्। भूतरक्षःपिशाचादिदुःखान् हरन्तीम्।
श्रीकामकोट्यां ज्वलन्तीम्। कामहीनैः सुगम्यां भजे देहि वाचम्। कामाक्षि मातर्नमस्ते।
इन्द्रादिमान्ये सुधन्ये। ब्रह्मविष्ण्वादिवन्द्ये गिरीन्द्रस्य कन्ये।
मान्यां न मन्ये त्वदन्याम्। मानिताङ्घ्रिं मुनीन्द्रैर्भजे मातरं त्वाम्। कामाक्षि मातर्नमस्ते।
सिंहाधिरूढे नमस्ते। साधुहृत्पद्मगूढे हताशेषमूढे।
रूढं हर त्वं गदं मे। कण्ठशब्दं दृढं देहि वाग्वादिनि त्वम्। कामाक्षि मातर्नमस्ते।
कल्याणदात्रीं जनित्रीम्। कञ्जपत्राभनेत्रां कलानादवक्त्राम्।
श्रीस्कन्दपुत्रां सुवक्त्राम्। सच्चरित्रां शिवां त्वां भजे देहि वाचम्। कामाक्षि मातर्नमस्ते।
श्रीशङ्करेन्द्रादिवन्द्याम्। शङ्करां साधुचित्ते वसन्तीं सुरूपाम्।
सद्भावनेत्रीं सुनेत्राम्। सर्वयज्ञस्वरूपां भजे देहि वाचम्। कामाक्षि मातर्नमस्ते।
भक्त्या कृतं स्तोत्ररत्नम्। ईप्सितानन्दरागेन देवीप्रसादात्।
नित्यं पठेद्भक्तिपूर्णम्। तस्य सर्वार्थसिद्धिर्भवेदेव नूनम्। कामाक्षि मातर्नमस्ते।
देवि कामाक्षि मातर्नमस्ते। देवि कामाक्षि मातर्नमस्ते।

kaamaakshi maatarnamaste. kaamadaanaikadakshe sthite bhaktapakshe. kaamaakshimaatarnamaste.
kaamaarikaante kumaari. kaalakaalasya bhartuh' kare dattahaste.
kaamaaya kaamapradaatri. kaamakot'isthapoojye giram dehi mahyam. kaamaakshi maatarnamaste.
shreechakramadhye vasanteem. bhootarakshah'pishaachaadiduh'khaan haranteem.
shreekaamakot'yaam jvalanteem. kaamaheenaih' sugamyaam bhaje dehi vaacham. kaamaakshi maatarnamaste.
indraadimaanye sudhanye. brahmavishnvaadivandye gireendrasya kanye.
maanyaam na manye tvadanyaam. maanitaanghrim muneendrairbhaje maataram tvaam. kaamaakshi maatarnamaste.
simhaadhirood'he namaste. saadhuhri'tpadmagood'he hataasheshamood'he.
rood'ham hara tvam gadam me. kant'hashabdam dri'd'ham dehi vaagvaadini tvam. kaamaakshi maatarnamaste.
kalyaanadaatreem janitreem. kanjapatraabhanetraam kalaanaadavaktraam.
shreeskandaputraam suvaktraam. sachcharitraam shivaam tvaam bhaje dehi vaacham. kaamaakshi maatarnamaste.
shreeshankarendraadivandyaam. shankaraam saadhuchitte vasanteem suroopaam.
sadbhaavanetreem sunetraam. sarvayajnyasvaroopaam bhaje dehi vaacham. kaamaakshi maatarnamaste.
bhaktyaa kri'tam stotraratnam. eepsitaanandaraagena deveeprasaadaat.
nityam pat'hedbhaktipoornam. tasya sarvaarthasiddhirbhavedeva noonam. kaamaakshi maatarnamaste.
devi kaamaakshi maatarnamaste. devi kaamaakshi maatarnamaste.

Ramaswamy Sastry and Vighnesh Ghanapaathi