दैवतदैवत मङ्गलमङ्गल पावनपावन कारणकारण ।
वेङ्कटभूधरमौलिविभूषण माधव भूधव देव जयीभव ॥

वारिदसन्निभ दयाकर शारदनीरजचारुविलोचन ।
देवशिरोमणिअपादसरोरुह वेङ्कटशैलपते विजयीभव ॥

अञ्जनशैलनिवास निरञ्जन रञ्जितसर्वजनाञ्जनमेचक ।
मामभिषिञ्च कृपामृतशीतलशीकरवर्षिदृशा जगदीश्वर ॥

वीतसमाधिक सारगुणाकर केवलसत्त्वतनो पुरुषोत्तम ।
भीमभवार्णवतारणकोविद वेङ्कटशैलपते विजयीभव ॥

स्वामिसरोवरतीररमाकृतकेलिमहारसलालसमानस ।
सारतपोधनचित्तनिकेतन वेङ्कटशैलपते विजयीभव ॥

आयुधभूषणकोटिनिवेशितशङ्खरथाङ्गजितामतसम्मत ।
स्वेतरदुर्घटसङ्घटनक्षम वेङ्कटशैलपते विजयीभव ॥

पङ्कजनाकृतिसौरभवासितशैलवनोपवनान्तर ।
मन्द्रमहास्वनमङ्गलनिर्ज्झर वेङ्कटशैलपते विजयीभव ॥

नन्दकुमारक गोकुलपालक गोपवधूवर कृष्ण ।
श्रीवसुदेव जन्मभयापह वेङ्कटशैलपते विजयीभव ॥

शैशवपातितपातकिपूतन धेनुककेशिमुखासुरसूदन ।
कालियमर्दन कंसनिरासक मोहतमोपह कृष्ण जयीभव ॥

पालितसङ्गर भागवतप्रिय सारथिताहिततोषपृथासुत ।
पाण्डवदूत पराकृतभूभर पाहि परावरनाथ परायण ॥

शातमखासुविभञ्जनपाटव सत्रिशिरःखरदूषणदूषण ।
श्रीरघुनायक राम रमासख विश्वजनीन हरे विजयीभव ॥

राक्षससोदरभीतिनिवारक शारदशीतमयूखमुखाम्बुज ।
रावणदारुणवारणदारणकेसरिपुङ्गव देव जयीभव ॥

काननवानरवीरवनेचरकुञ्जरसिंहमृगादिषु वत्सल ।
श्रीवरसूरिनिरस्तभवादर वेङ्कटशैलपते विजयीभव ॥

वादिसाध्वसकृत्सूरिकथितं स्तवनं महत् ।
वृषशैलपतेः श्रेयस्कामो नित्यं पठेत् सुधीः ॥

daivatadaivata mangalamangala paavanapaavana kaaranakaarana .
venkat'abhoodharamaulivibhooshana maadhava bhoodhava deva jayeebhava ..

vaaridasannibha dayaakara shaaradaneerajachaaruvilochana .
devashiromaniapaadasaroruha venkat'ashailapate vijayeebhava ..

anjanashailanivaasa niranjana ranjitasarvajanaanjanamechaka .
maamabhishincha kri'paamri'tasheetalasheekaravarshidri'shaa jagadeeshvara ..

veetasamaadhika saaragunaakara kevalasattvatano purushottama .
bheemabhavaarnavataaranakovida venkat'ashailapate vijayeebhava ..

svaamisarovarateeraramaakri'takelimahaarasalaalasamaanasa .
saaratapodhanachittaniketana venkat'ashailapate vijayeebhava ..

aayudhabhooshanakot'iniveshitashankharathaangajitaamatasammata .
svetaradurghat'asanghat'anakshama venkat'ashailapate vijayeebhava ..

pankajanaakri'tisaurabhavaasitashailavanopavanaantara .
mandramahaasvanamangalanirjjhara venkat'ashailapate vijayeebhava ..

nandakumaaraka gokulapaalaka gopavadhoovara kri'shna .
shreevasudeva janmabhayaapaha venkat'ashailapate vijayeebhava ..

shaishavapaatitapaatakipootana dhenukakeshimukhaasurasoodana .
kaaliyamardana kam'saniraasaka mohatamopaha kri'shna jayeebhava ..

paalitasangara bhaagavatapriya saarathitaahitatoshapri'thaasuta .
paand'avadoota paraakri'tabhoobhara paahi paraavaranaatha paraayana ..

shaatamakhaasuvibhanjanapaat'ava satrishirah'kharadooshanadooshana .
shreeraghunaayaka raama ramaasakha vishvajaneena hare vijayeebhava ..

raakshasasodarabheetinivaaraka shaaradasheetamayookhamukhaambuja .
raavanadaarunavaaranadaaranakesaripungava deva jayeebhava ..

kaananavaanaraveeravanecharakunjarasim'hamri'gaadishu vatsala .
shreevarasoorinirastabhavaadara venkat'ashailapate vijayeebhava ..

vaadisaadhvasakri'tsoorikathitam' stavanam' mahat .
vri'shashailapateh' shreyaskaamo nityam' pat'het sudheeh' ..

Ramaswamy Sastry and Vighnesh Ghanapaathi