श्रीमन्मेरुधराधराधिपमहासौभाग्यसंशोभिते
मन्दारद्रुमवाटिकापरिवृते श्रीस्कन्दशैलेमले ।
सौधे हाटकनिर्मिते मणिमये सन्मण्टपाभ्यन्तरे
ब्रह्मानन्दघनं गुहाख्यमनघं सिंहासनं चिन्तये ॥

मदनायुतलावण्यं नव्यारुणशतारुणम् ।
नीलजीमूतचिकुरमर्धेन्दुसदृशालिकम् ॥

पुण्डरीकविशालाक्षं पूर्णचन्द्रनिभाननम्‌ ।
चाम्पेयविलसन्नासं मन्दहासाञ्चितोरसम् ॥

गण्डस्थलचलच्छोत्रकुण्डलं चारुकन्धरम् ।
करासक्तकनः दण्डं रत्नहाराञ्चितोरसम् ॥

कटीतटलसद्दिव्यवसनं पीवरोरुकम् ।
सुरासुरादिकोटीरनीराजितपदाम्बुजम् ॥

नानारत्नविभूषाढ्यं दिव्यचन्दनचर्चितम् ।
सनकादिमहायोगिसेवितं करुणानिधिम् ॥

भक्तवाञ्छितदातारं देवसेनासमावृतम् ।
तेजोमयं कार्तिकेयं भावये हृदयाम्बुजे ॥

आवाहयामि विश्वेशं महासेनं महेश्वरम् ।
तेजस्त्रयातमकंपीठं शरजन्मन् गृहाणभोः ॥

अनवद्यं गृहाणेश पाद्यमद्य षडानन ।
पार्वतीनन्दनानर्घ्यमर्पयाम्यर्घ्यमत्भुतम् ॥

आचम्यतामग्निजातस्वर्णपात्रोद्यतैर्जलैः ।
पञ्चामृतरसैः दिव्यैः सुधासमविभावितैः ॥

दधिक्षीराज्यमधुभिः पञ्चगव्यैः फलोदकैः ।
नानाफलरसैः दिव्यैः नाळिकेरफलोदकैः ॥

दिव्यौषधिरसैः स्वर्णरत्नोदककुशोदकैः ।
हिमांबुचन्दनरसैः घनसारादिवासितैः ॥

ब्रह्माण्डोदरमध्यस्थतीर्थैः परमपावनैः ।
पवनं परमेशान त्वां तीर्थैः स्नापयाम्यहम् ॥

सुधोर्मिक्षीरधवळं भस्मनोधूळ्यतावकम् ।
सौवर्णवाससाकायां वेष्टयेभीष्टसिद्धये ॥

यज्ञोपवीतं सुज्ञानदायिने तेर्पये गुहम् ।
किरीटहारकेयूर भूषणानि समर्पये ॥

रोचनागरुकस्तूरीसिताभ्रमसृणान्वितम् ।
गन्धसारं सुरभिलं सुरेशाभ्युपगम्यताम् ॥

रचये तिलकं फाले गन्धं मृगमदेनते ।
अक्षय्यफलदानर्घानक्षतानर्पये प्रभो ॥

कुमुदोत्पलकल्हारकमलैः शतपत्रकैः ।
जातीचम्पकपुन्नागवकुलैः करवीरकैः ॥

दूर्वाप्रवालमालूरमाचीमरुवपत्रकैः ।
अकीटादिहतैर्नव्यैः कोमलैस्तुलसीदलैः ॥

पावनैश्चन्द्रकदलीकुसुमैर्नन्दिवर्धनैः ।
नवमालालिकाभिः मल्लिकातल्ल्जैरपि ॥

कुरण्डैरपि शम्याकैः मन्दारैरतिसुन्दरैः ।
अगर्हितैश्च बर्हिष्ठः पाटीदैः पारिजातकैः ॥

आमोदकुसुमैरन्यैः पूजयामि जगत्पतिम् ।
धूपोऽयं गृह्यतां देव घ्राणेन्द्रियविमोहकम् ॥

सर्वान्तरतमोहन्त्रे गुह ते दीपमर्पये ।
सद्यसमाभृतं दिव्यममृतं तृप्तिहेतुकम् ॥

शाल्यान्नमत्भुतं नव्यं गोघृतं सूपसङ्गतम् ।
कदलीनालिकेरामृधान्याद्युर्वारुकादिभिः ॥

रचितैर्हरितैर्दिव्यखचरीभिः सुपर्पटैः ।
सर्वसंस्तारसम्पूर्णैराज्यपक्वैरतिप्रियैः ॥

रम्भापनसकूश्माण्डापूपा निष्पकन्तकैः ।
विदारिका कारवेल्लपटोलीतगरोन्मुखैः ॥

शाकैर्बहुविधैरन्यैः वटकैर्वटुसंस्कृतैः ।
ससूपसारनिर्गम्य सरचीसुरसेन च ॥

कूश्माण्डखण्डकलित तप्तक्ररसेन च ।
सुपक्वचित्रान्नशतैः लड्डुकेड्डुमकादिभिः ॥

सुधाफलामृतस्यन्दिमण्डकक्षीरमण्डकैः ।
माषापूपगुडापूपगोधूमापूपशार्करैः ॥

शशाङ्ककिरणोत्भासिपोलिकैः शष्कुलीमुखैः ।
भक्ष्यैरन्यैः सुरुचिरैः पायसैश्च रसायनैः ॥

लेह्यरुच्चावचैः खण्डशर्कराफाणितादिभिः ।
गुडोदकैनारिकेररसैरिक्षुरसैरपि ॥

कूर्चिकाभिरनेकाभिः मण्डिकाभिरुपस्कृतम् ।
कदलीचूतपनसगोस्तनीफलराशिभिः ॥

नारङ्गश‍ृङ्गगिबेरैलमरीचैर्लिकुचादिभिः ।
उपदंशैः शरःचन्द्रगौरगोदधिसङ्गतैः ॥

जम्बीररसकैसर्या हिङ्गुसैन्धवनागरैः ।
लसताजलतक्रेण पानीयेन समाश्रितम् ॥

हेमपात्रेषु सरसं साङ्गर्येण च कल्पितम् ।
नित्यतृप्त जगन्नाथ तारकारे सुरेश्वर ॥

नैवेद्यं गृह्यतां देव कृपया भक्तवत्सल ।
सर्वलोकैकवरद मृत्यो दुर्दैत्यरक्षसाम् ॥

गन्धोदकेन ते हस्तौ क्षालयामि षडानन ।
एलालवङ्गकर्पूरजातीफलसुगन्धित ॥

वीटीं सेवय सर्वेश चेटीकृतजगत्रय ।
दत्तेर्नीराजयामित्वां कर्पूरप्रभयाऽनया ॥

पुष्पाञ्जलिं प्रदास्यामि स्वर्णपुष्पाक्षतैर्युतम् ।
छत्रेण चामरेणापि नृत्तगीतादिभिर्गुह ॥

राजोपचारैखिलैः सन्तुष्टो भव मत्प्रभो ।
प्रदक्षिणं करोमि त्वां विश्वात्मक नमोऽस्तुते ॥

सहस्रकृत्वो रचये शिरसा तेभिवादनम् ।
अपराधसहस्राणि सहस्व करुणाकर ॥

नमः सर्वान्तरस्थाय नमः कैवल्यहेतवे ।
श्रुतिशीर्षकगम्याय नमः शक्तिधराय ते ॥

मयूरवाहनस्येदं मानसं च प्रपूजनम् ।
यः करोति सकृद्वापि गुहस्तस्य प्रसीदति ॥

shreemanmerudharaadharaadhipamahaasaubhaagyasam'shobhite
mandaaradrumavaat'ikaaparivri'te shreeskandashailemale .
saudhe haat'akanirmite manimaye sanmant'apaabhyantare
brahmaanandaghanam' guhaakhyamanagham' sim'haasanam' chintaye ..

madanaayutalaavanyam' navyaarunashataarunam .
neelajeemootachikuramardhendusadri'shaalikam ..

pund'areekavishaalaaksham' poornachandranibhaananam .
chaampeyavilasannaasam' mandahaasaanchitorasam ..

gand'asthalachalachchhotrakund'alam' chaarukandharam .
karaasaktakanah' dand'am' ratnahaaraanchitorasam ..

kat'eetat'alasaddivyavasanam' peevarorukam .
suraasuraadikot'eeraneeraajitapadaambujam ..

naanaaratnavibhooshaad'hyam' divyachandanacharchitam .
sanakaadimahaayogisevitam' karunaanidhim ..

bhaktavaanchhitadaataaram' devasenaasamaavri'tam .
tejomayam' kaartikeyam' bhaavaye hri'dayaambuje ..

aavaahayaami vishvesham' mahaasenam' maheshvaram .
tejastrayaatamakampeet'ham' sharajanman gri'haanabhoh' ..

anavadyam' gri'haanesha paadyamadya shad'aanana .
paarvateenandanaanarghyamarpayaamyarghyamatbhutam ..

aachamyataamagnijaatasvarnapaatrodyatairjalaih' .
panchaamri'tarasaih' divyaih' sudhaasamavibhaavitaih' ..

dadhiksheeraajyamadhubhih' panchagavyaih' phalodakaih' .
naanaaphalarasaih' divyaih' naal'ikeraphalodakaih' ..

divyaushadhirasaih' svarnaratnodakakushodakaih' .
himaambuchandanarasaih' ghanasaaraadivaasitaih' ..

brahmaand'odaramadhyasthateerthaih' paramapaavanaih' .
pavanam' parameshaana tvaam' teerthaih' snaapayaamyaham ..

sudhormiksheeradhaval'am' bhasmanodhool'yataavakam .
sauvarnavaasasaakaayaam' vesht'ayebheesht'asiddhaye ..

yajnyopaveetam' sujnyaanadaayine terpaye guham .
kireet'ahaarakeyoora bhooshanaani samarpaye ..

rochanaagarukastooreesitaabhramasri'naanvitam .
gandhasaaram' surabhilam' sureshaabhyupagamyataam ..

rachaye tilakam' phaale gandham' mri'gamadenate .
akshayyaphaladaanarghaanakshataanarpaye prabho ..

kumudotpalakalhaarakamalaih' shatapatrakaih' .
jaateechampakapunnaagavakulaih' karaveerakaih' ..

doorvaapravaalamaalooramaacheemaruvapatrakaih' .
akeet'aadihatairnavyaih' komalaistulaseedalaih' ..

paavanaishchandrakadaleekusumairnandivardhanaih' .
navamaalaalikaabhih' mallikaatalljairapi ..

kurand'airapi shamyaakaih' mandaarairatisundaraih' .
agarhitaishcha barhisht'hah' paat'eedaih' paarijaatakaih' ..

aamodakusumairanyaih' poojayaami jagatpatim .
dhoopo'yam' gri'hyataam' deva ghraanendriyavimohakam ..

sarvaantaratamohantre guha te deepamarpaye .
sadyasamaabhri'tam' divyamamri'tam' tri'ptihetukam ..

shaalyaannamatbhutam' navyam' goghri'tam' soopasangatam .
kadaleenaalikeraamri'dhaanyaadyurvaarukaadibhih' ..

rachitairharitairdivyakhachareebhih' suparpat'aih' .
sarvasam'staarasampoornairaajyapakvairatipriyaih' ..

rambhaapanasakooshmaand'aapoopaa nishpakantakaih' .
vidaarikaa kaaravellapat'oleetagaronmukhaih' ..

shaakairbahuvidhairanyaih' vat'akairvat'usam'skri'taih' .
sasoopasaaranirgamya saracheesurasena cha ..

kooshmaand'akhand'akalita taptakrarasena cha .
supakvachitraannashataih' lad'd'uked'd'umakaadibhih' ..

sudhaaphalaamri'tasyandimand'akaksheeramand'akaih' .
maashaapoopagud'aapoopagodhoomaapoopashaarkaraih' ..

shashaankakiranotbhaasipolikaih' shashkuleemukhaih' .
bhakshyairanyaih' suruchiraih' paayasaishcha rasaayanaih' ..

lehyaruchchaavachaih' khand'asharkaraaphaanitaadibhih' .
gud'odakainaarikerarasairikshurasairapi ..

koorchikaabhiranekaabhih' mand'ikaabhirupaskri'tam .
kadaleechootapanasagostaneephalaraashibhih' ..

naarangashri'ngagiberailamareechairlikuchaadibhih' .
upadam'shaih' sharah'chandragauragodadhisangataih' ..

jambeerarasakaisaryaa hingusaindhavanaagaraih' .
lasataajalatakrena paaneeyena samaashritam ..

hemapaatreshu sarasam' saangaryena cha kalpitam .
nityatri'pta jagannaatha taarakaare sureshvara ..

naivedyam' gri'hyataam' deva kri'payaa bhaktavatsala .
sarvalokaikavarada mri'tyo durdaityarakshasaam ..

gandhodakena te hastau kshaalayaami shad'aanana .
elaalavangakarpoorajaateephalasugandhita ..

veet'eem' sevaya sarvesha chet'eekri'tajagatraya .
datterneeraajayaamitvaam' karpooraprabhayaa'nayaa ..

pushpaanjalim' pradaasyaami svarnapushpaakshatairyutam .
chhatrena chaamarenaapi nri'ttageetaadibhirguha ..

raajopachaaraikhilaih' santusht'o bhava matprabho .
pradakshinam' karomi tvaam' vishvaatmaka namo'stute ..

sahasrakri'tvo rachaye shirasaa tebhivaadanam .
aparaadhasahasraani sahasva karunaakara ..

namah' sarvaantarasthaaya namah' kaivalyahetave .
shrutisheershakagamyaaya namah' shaktidharaaya te ..

mayooravaahanasyedam' maanasam' cha prapoojanam .
yah' karoti sakri'dvaapi guhastasya praseedati ..

Ramaswamy Sastry and Vighnesh Ghanapaathi