हे शारदे त्वं तमसां निहन्त्री
सद्बुद्धिदात्री शशिशुभ्रगात्री ।
देवीं सुविद्याप्रतिभामयीं त्वां
नमामि नित्यं वरदानहस्ताम् ॥

आयाहि मातः स्वरमङ्गला त्वं
राजस्व कण्ठे ललितं मदीये ।
तनुष्व रूपं सुपरिप्रकाशं
रागं सरागं मधुरं प्रकामम् ॥

कान्तिस्त्वदीया हि समुज्ज्वलन्ती
खेदावसादं विनिवारयन्ती ।
स्वान्तारविन्दं कुरुते प्रफुल्लं
मातर्नमस्ते वितरानुकम्पाम् ॥

विजयतां सुकृतामनुरागिणी
रुचिररागरुचा स्वरभास्वती ।
सरसमङ्गलवर्णतरङ्गिणी
सुमधुरा सुभगा भुवि भारती ॥

विराजते विनोदिनी पवित्रतां वितन्वती ।
सुमङ्गलं ददातु नो विभास्वरा सरस्वती ॥

he shaarade tvam' tamasaam' nihantree
sadbuddhidaatree shashishubhragaatree .
deveem' suvidyaapratibhaamayeem' tvaam'
namaami nityam' varadaanahastaam ..

aayaahi maatah' svaramangalaa tvam'
raajasva kant'he lalitam' madeeye .
tanushva roopam' supariprakaasham'
raagam' saraagam' madhuram' prakaamam ..

kaantistvadeeyaa hi samujjvalantee
khedaavasaadam' vinivaarayantee .
svaantaaravindam' kurute praphullam'
maatarnamaste vitaraanukampaam ..

vijayataam' sukri'taamanuraaginee
ruchiraraagaruchaa svarabhaasvatee .
sarasamangalavarnataranginee
sumadhuraa subhagaa bhuvi bhaaratee ..

viraajate vinodinee pavitrataam' vitanvatee .
sumangalam' dadaatu no vibhaasvaraa sarasvatee ..

Ramaswamy Sastry and Vighnesh Ghanapaathi