समागत्य स दैत्येन्द्रो ननाम स महोदरम् ।
भक्तिभावसमायुक्तः पूजयामास यत्नतः ॥

पूजयित्वा यथान्यायं पुनस्तं प्रणनाम सः ।
कृत्वा करपुटं मोहस्तुष्टाव च महोदरम् ॥

मोहासुर उवाच -
नमस्ते ब्रह्मरूपाय महोदर सुरूपिणे ।
सर्वेषां भोगभोक्त्रे वै देहदेहिमयाय च ॥

मूषकारूढदेवाय त्रिनेत्राय नमो नमः ।
चतुर्भुजाय देवानां पतये ते नमो नमः ॥

अनादये च सर्वेषामादिरूपाय ते नमः ।
विनायकाय हेरम्ब दीनपालाय वै नमः ॥

गणेशाय निजानन्दपतये ब्रह्मनायक! ।
सिद्धिबुद्धिप्रदात्रे वै ब्रह्मभूताय वै नमः ॥

ब्रह्मभ्यो ब्रह्मदात्रे वै योगशान्तिमयाय च ।
योगिनां पतये तुभ्यं योगिभ्यो योगदायक ॥

सिद्धिबुद्धिपते नाथ एकदन्ताय ते नमः ।
शूर्पकर्णाय शूराय वीराय च नमो नमः ॥

सर्वेषां मोहकर्त्रे वै भक्तेभ्यः सुखदायिने ।
अभक्तानां विशेषेण विघ्नकर्त्रे नमो नमः ॥

मायाविने च मायाया आधाराय नमो नमः ।
मायिभ्यो मायया चैव भ्रान्तिदाय नमो नमः ॥

किं स्तौमि त्वां गणाध्यक्ष यत्र वेदाः सहाङ्गकाः ।
शान्तिं प्राप्तास्तथाऽपि त्वं संस्तुतोऽसि दयापरः ॥

धन्यौ मे पितरौ ज्ञानं तपः स्वाध्याय एव च ।
धन्यं वपुश्च देवेश येन दृष्टं पदाम्बुजम् ॥

महोदर उवाच -
मदीयं सोत्रमेतद्वै सर्वदं यत्त्वया कृतम् ।
भविष्यति जनायैव पठते श‍ृण्वतेऽसुर ॥

मोहनाशकरं चैव भुक्तिमुक्तिप्रदं भवेत् ।
धनधान्यादिदं सर्वं पुत्रपौत्रसुखप्रदम् ॥

samaagatya sa daityendro nanaama sa mahodaram .
bhaktibhaavasamaayuktah' poojayaamaasa yatnatah' ..

poojayitvaa yathaanyaayam' punastam' prananaama sah' .
kri'tvaa karaput'am' mohastusht'aava cha mahodaram ..

mohaasura uvaacha -
namaste brahmaroopaaya mahodara suroopine .
sarveshaam' bhogabhoktre vai dehadehimayaaya cha ..

mooshakaarood'hadevaaya trinetraaya namo namah' .
chaturbhujaaya devaanaam' pataye te namo namah' ..

anaadaye cha sarveshaamaadiroopaaya te namah' .
vinaayakaaya heramba deenapaalaaya vai namah' ..

ganeshaaya nijaanandapataye brahmanaayaka! .
siddhibuddhipradaatre vai brahmabhootaaya vai namah' ..

brahmabhyo brahmadaatre vai yogashaantimayaaya cha .
yoginaam' pataye tubhyam' yogibhyo yogadaayaka ..

siddhibuddhipate naatha ekadantaaya te namah' .
shoorpakarnaaya shooraaya veeraaya cha namo namah' ..

sarveshaam' mohakartre vai bhaktebhyah' sukhadaayine .
abhaktaanaam' visheshena vighnakartre namo namah' ..

maayaavine cha maayaayaa aadhaaraaya namo namah' .
maayibhyo maayayaa chaiva bhraantidaaya namo namah' ..

kim' staumi tvaam' ganaadhyaksha yatra vedaah' sahaangakaah' .
shaantim' praaptaastathaa'pi tvam' sam'stuto'si dayaaparah' ..

dhanyau me pitarau jnyaanam' tapah' svaadhyaaya eva cha .
dhanyam' vapushcha devesha yena dri'sht'am' padaambujam ..

mahodara uvaacha -
madeeyam' sotrametadvai sarvadam' yattvayaa kri'tam .
bhavishyati janaayaiva pat'hate shri'nvate'sura ..

mohanaashakaram' chaiva bhuktimuktipradam' bhavet .
dhanadhaanyaadidam' sarvam' putrapautrasukhapradam ..

Ramaswamy Sastry and Vighnesh Ghanapaathi