रामचन्द्राय जनकराजजामनोहराय‌
मामकाभीष्टदाय महितमङ्गलम्
कोसलेशाय मन्दहासदासपोषणाय
वासवादिविनुतसद्वराय मङ्गलम्
चारुकुङ्कुमोपेतचन्दनादिचर्चिताय
हारकटकशोभिताय भूरिमङ्गलम्
ललितरत्नकुण्डलाय तुलसीवनमालिकाय
जलजसदृशदेहाय चारुमङ्गलम्
देवकीसुपुत्राय देवदेवोत्तमाय
भावजगुरुवराय भव्यमङ्गलम्
पुण्डरीकाक्षाय पूर्णचन्द्राननाय
अण्डजातवाहनाय अतुलमङ्गलम्
विमलरूपाय विविधवेदान्तवेद्याय
सुमुखचित्तकामिताय शुभ्रदमङ्गलम्
रामदासाय मृदुलहृदयकमलवासाय
स्वामिभद्रगिरिवराय सर्वमङ्गलम्

raamachandraaya janakaraajajaamanoharaaya
maamakaabheesht'adaaya mahitamangalam
kosaleshaaya mandahaasadaasaposhanaaya
vaasavaadivinutasadvaraaya mangalam
chaarukunkumopetachandanaadicharchitaaya
haarakat'akashobhitaaya bhoorimangalam
lalitaratnakund'alaaya tulaseevanamaalikaaya jalajasadri'shadehaaya chaarumangalam
devakeesuputraaya devadevottamaaya
bhaavajaguruvaraaya bhavyamangalam
pund'areekaakshaaya poornachandraananaaya
and'ajaatavaahanaaya atulamangalam
vimalaroopaaya vividhavedaantavedyaaya
sumukhachittakaamitaaya shubhradamangalam
raamadaasaaya mri'dulahri'dayakamalavaasaaya
svaamibhadragirivaraaya sarvamangalam

Ramaswamy Sastry and Vighnesh Ghanapaathi