ॐ अस्य श्रीकेतुकवचस्तोत्रमहामन्त्रस्य। त्र्यम्बक-ॠषिः।
अनुष्टुप् छन्दः। केतुर्देवता।
कं बीजम्। नमः शक्तिः।
केतुरिति कीलकम्।
केतुकृतपीडानिवारणार्थे सर्वरोगनिवारणार्थे सर्वशत्रुविनाशनार्थे सर्वकार्यसिद्ध्यर्थे केतुप्रसादसिद्ध्यर्थे च जपे विनियोगः।
केतुं करालवदनं चित्रवर्णं किरीटिनम्।
प्रणमामि सदा केतुं ध्वजाकारं ग्रहेश्वरम्।
चित्रवर्णः शिरः पातु भालं धूम्रसमद्युतिः।
पातु नेत्रे पिङ्गलाक्षः श्रुती मे रक्तलोचनः।
घ्राणं पातु सुवर्णाभश्चिबुकं सिंहिकासुतः।
पातु कण्ठं च मे केतुः स्कन्धौ पातु ग्रहाधिपः।
हस्तौ पातु सुरश्रेष्ठः कुक्षिं पातु महाग्रहः।
सिंहासनः कटिं पातु मध्यं पातु महासुरः।
ऊरू पातु महाशीर्षो जानुनी मेऽतिकोपनः।
पातु पादौ च मे क्रूरः सर्वाङ्गं नरपिङ्गलः।
य इदं कवचं दिव्यं सर्वरोगविनाशनम्।
सर्वशत्रुविनाशं च धारयेद्विजयी भवेत्।

om asya shreeketukavachastotramahaamantrasya. tryambaka-ree'shih'.
anusht'up chhandah'. keturdevataa.
kam beejam. namah' shaktih'.
keturiti keelakam.
ketukri'tapeed'aanivaaranaarthe sarvaroganivaaranaarthe sarvashatruvinaashanaarthe sarvakaaryasiddhyarthe ketuprasaadasiddhyarthe cha jape viniyogah'.
ketum karaalavadanam chitravarnam kireet'inam.
pranamaami sadaa ketum dhvajaakaaram graheshvaram.
chitravarnah' shirah' paatu bhaalam dhoomrasamadyutih'.
paatu netre pingalaakshah' shrutee me raktalochanah'.
ghraanam paatu suvarnaabhashchibukam simhikaasutah'.
paatu kant'ham cha me ketuh' skandhau paatu grahaadhipah'.
hastau paatu surashresht'hah' kukshim paatu mahaagrahah'.
simhaasanah' kat'im paatu madhyam paatu mahaasurah'.
ooroo paatu mahaasheersho jaanunee me'tikopanah'.
paatu paadau cha me kroorah' sarvaangam narapingalah'.
ya idam kavacham divyam sarvarogavinaashanam.
sarvashatruvinaasham cha dhaarayedvijayee bhavet.

Ramaswamy Sastry and Vighnesh Ghanapaathi