येषामतिशर्मदा सर्वान् प्रति सर्वदा गर्वाद्यतिदूरगा भान्ती हृदये दया ।
तेषाममलात्मनां याता वसुधाम्बतां पितृतां गतमम्बरं जगदेव कुटुम्बकम् ।।
जात्यादिषु डम्बरं हित्वा विश्वंभरं पश्यन् समवीक्षणः सञ्चर सुविचक्षण ।
चिन्तय हृदि शङ्करं सन्ततमभयङ्करं गतभेदविडम्बकं वसुधैव कुटुंबकम् ।।
जहतामसमानतां जगतां वहतां मुदां हृदये सकलात्मतां स्मरतां चरतां सताम् ।
सततं शुभकारिणां भयशोकनिवारिणां सकलेष्वनुकम्पया जगदेति कुटुम्बताम् ।।

yeshaamatisharmadaa sarvaan prati sarvadaa garvaadyatidooragaa bhaantee hri'daye dayaa .
teshaamamalaatmanaam yaataa vasudhaambataam pitri'taam gatamambaram jagadeva kut'umbakam ..
jaatyaadishu d'ambaram hitvaa vishvambharam pashyan samaveekshanah' sanchara suvichakshana .
chintaya hri'di shankaram santatamabhayankaram gatabhedavid'ambakam vasudhaiva kut'umbakam ..
jahataamasamaanataam jagataam vahataam mudaam hri'daye sakalaatmataam smarataam charataam sataam .
satatam shubhakaarinaam bhayashokanivaarinaam sakaleshvanukampayaa jagadeti kut'umbataam ..

Ramaswamy Sastry and Vighnesh Ghanapaathi