ब्रह्मणस्पतिमव्यक्तं ब्रह्मविद्याविशारदम्|
वारणास्यं सुरं वन्दे वातापिगणनायकम्|
पार्वतीस्तन्यपीयूषपिपासुं मोदकप्रियम्|
वरप्रदायिनं वन्दे वातापिगणनायकम्|
लम्बोदरं गजेशानं भूतिदानपरायणम्|
भूतादिसेवितं वन्दे वातापिगणनायकम्|
वक्रतुण्डं सुरानन्दं निश्चलं निश्चितार्थदम्|
प्रपञ्चभरणं वन्दे वातापिगणनायकम्|
विशालाक्षं विदां श्रेष्ठं वेदवाङ्मयवर्णितम्|
वीतरागं वरं वन्दे वातापिगणनायकम्|
सर्वसिद्धान्तसंवेद्यं भक्ताह्लादनतत्परम्|
योगिभिर्विनुतं वन्दे वातापिगणनायकम्|
मोहमोहितमोङ्कारब्रह्मरूपं सनातनम्|
लोकानां कारणं वन्दे वातापिगणनायकम्|
पीनस्कन्धं प्रसन्नातिमोददं मुद्गरायुधम्|
विघ्नौघनाशनं वन्दे वातापिगणनायकम्|
क्षिप्रप्रसादकं देवं महोत्कटमनामयम्|
मूलाधारस्थितं‌ वन्दे वातापिगणनायकम्|
सिद्धिबुद्धिपतिं शम्भुसूनुं मङ्गलविग्रहम्|
धृतपाशाङ्कुशं वन्दे वातापिगणनायकम्|
ऋषिराजस्तुतं शान्तमज्ञानध्वान्ततापनम्|
हेरम्बं सुमुखं वन्दे वातापिगणनायकम्|

brahmanaspatimavyaktam brahmavidyaavishaaradam|
vaaranaasyam suram vande vaataapigananaayakam|
paarvateestanyapeeyooshapipaasum modakapriyam|
varapradaayinam vande vaataapigananaayakam|
lambodaram gajeshaanam bhootidaanaparaayanam|
bhootaadisevitam vande vaataapigananaayakam|
vakratund'am suraanandam nishchalam nishchitaarthadam|
prapanchabharanam vande vaataapigananaayakam|
vishaalaaksham vidaam shresht'ham vedavaangmayavarnitam|
veetaraagam varam vande vaataapigananaayakam|
sarvasiddhaantasamvedyam bhaktaahlaadanatatparam|
yogibhirvinutam vande vaataapigananaayakam|
mohamohitamonkaarabrahmaroopam sanaatanam|
lokaanaam kaaranam vande vaataapigananaayakam|
peenaskandham prasannaatimodadam mudgaraayudham|
vighnaughanaashanam vande vaataapigananaayakam|
kshipraprasaadakam devam mahotkat'amanaamayam|
moolaadhaarasthitam vande vaataapigananaayakam|
siddhibuddhipatim shambhusoonum mangalavigraham|
dhri'tapaashaankusham vande vaataapigananaayakam|
ri'shiraajastutam shaantamajnyaanadhvaantataapanam|
herambam sumukham vande vaataapigananaayakam|

Ramaswamy Sastry and Vighnesh Ghanapaathi