bhairava uvaacha.
shri'nushva parameshaani kavacham manmukhoditam.
mahaamri'tyunjayasyaasya na deyam paramaadbhutam.
yam dhri'tvaa yam pat'hitvaa cha shrutvaa cha kavachottamam.
trailokyaadhipatirbhootvaa sukhito'smi maheshvari.
tadevavarnayishyaami tava preetyaa varaanane.
tathaapi paramam tattvam na daatavyam duraatmane.
asya shreemahaamri'tyunjayakavachasya. shreebhairava-ri'shih'.
gaayatreechchhandah'. shreemahaamri'tyunjayo mahaarudro devataa.
om beejam. joom shaktih'. sah' keelakam. haumiti tattvam.
chaturvargasaadhane mri'tyunjayakavachapaat'he viniyogah'.
om chandramand'alamadhyastham rudram bhaale vichintya tam.
tatrastham chintayet saadhyam mri'tyum praapto'pi jeevati.
om joom sah' haum shirah' paatu devo mri'tyunjayo mama.
om shreem shivo lalaat'am me om haum bhruvau sadaashivah'.
neelakant'ho'vataannetre kapardee me'vataachchhrutee.
trilochano'vataad gand'au naasaam me tripuraantakah'.
mukham peeyooshaghat'abhri'dosht'hau me kri'ttikaambarah'.
hanum me haat'akeshano mukham bat'ukabhairavah'.
kandharaam kaalamathano galam ganapriyo'vatu.
skandhau skandapitaa paatu hastau me girisho'vatu.
nakhaan me girijaanaathah' paayaadangulisamyutaan.
stanau taaraapatih' paatu vakshah' pashupatirmama.
kukshim kuberavaradah' paarshvau me maarashaasanah'.
sharvah' paatu tathaa naabhim shoolee pri'sht'ham mamaavatu.
shishrnaam me shankarah' paatu guhyam guhyakavallabhah'.
kat'im kaalaantakah' paayaadooroo me'ndhakaghaatakah'.
jaagarooko'vataajjaanoo janghe me kaalabhairavah'.
gulpho paayaajjat'aadhaaree paadau mri'tyunjayo'vatu.
paadaadimoordhaparyantamaghorah' paatu me sadaa.
shirasah' paadaparyantam sadyojaato mamaavatu.
rakshaaheenam naamaheenam vapuh' paatvamri'teshvarah'.
poorve balavikarano dakshine kaalashaasanah'.
pashchime paarvateenaatho hyuttare maam manonmanah'.
aishaanyaameeshvarah' paayaadaagneyyaamagnilochanah'.
nairri'tyaam shambhuravyaanmaam vaayavyaam vaayuvaahanah'.
urdhve balapramathanah' paataale parameshvarah'.
dashadikshu sadaa paatu mahaamri'tyunjayashcha maam.
rane raajakule dyoote vishame praanasamshaye.
paayaad om joom mahaarudro devadevo dashaaksharah'.
prabhaate paatu maam brahmaa madhyaahne bhairavo'vatu.
saayam sarveshvarah' paatu nishaayaam nityachetanah'.
ardharaatre mahaadevo nishaante maam mahomayah'.
sarvadaa sarvatah' paatu om joom sah' haum mri'tyunjayah'.
iteedam kavacham punyam trishu lokeshu durlabham.
sarvamantramayam guhyam sarvatantreshu gopitam.
punyam punyapradam divyam devadevaadhidaivatam.
ya idam cha pat'henmantree kavacham vaarchayet tatah'.
tasya haste mahaadevi tryambakasyaasht'asiddhayah'.
rane dhri'tvaa charedyuddham hatvaa shatroonjayam labhet.
jayam kri'tvaa gri'ham devi sampraapsyati sukhee punah'.
mahaabhaye mahaaroge mahaamaareebhaye tathaa.
durbhikshe shatrusamhaare pat'het kavachamaadaraat.
sarva tat prashamam yaati mri'tyunjayaprasaadatah'.
dhanam putraan sukham lakshmeemaarogyam sarvasampadah'.
praapnoti saadhakah' sadyo devi satyam na samshayah'.
iteedam kavacham punyam mahaamri'tyunjayasya tu.
gopyam siddhipradam guhyam gopaneeyam svayonivat.

Ramaswamy Sastry and Vighnesh Ghanapaathi