श्रीकाञ्चीपुरवासिनीं भगवतीं श्रीचक्रमध्ये स्थितां
कल्याणीं कमनीयचारुमकुटां कौसुम्भवस्त्रान्विताम्।
श्रीवाणीशचिपूजिताङ्घ्रियुगलां चारुस्मितां सुप्रभां
कामाक्क्षीं करुणामयीं भगवतीं वन्दे परां देवताम्।
मालामौक्तिककन्धरां शशिमुखीं शम्भुप्रियां सुन्दरीं
शर्वाणीं शरचापमण्डितकरां शीतांशुबिम्बाननाम्।
वीणागानविनोदकेलिरसिकां विद्युत्प्रभाभासुरां
कामाक्षीं करुणामयीं भगवतीं वन्दे परां देवताम्।
श्यामां चारुनितम्बिनीं गुरुभुजां चन्द्रावतंसां शिवां
शर्वालिङ्गितनीलचारुवपुषीं शान्तां प्रवालाधराम्।
बालां बालतमालकान्तिरुचिरां बालार्कबिम्बोज्ज्वलां
कामाक्षीं करुणामयीं भगवतीं वन्दे परां देवताम्।
लीलाकल्पितजीवकोटिनिवहां चिद्रूपिणीं शङ्करीं
ब्रह्माणीं भवरोगतापशमनीं भव्यात्मिकां शाश्वतीम्।
देवीं माधवसोदरीं शुभकरीं पञ्चाक्षरीं पावनीं
कामाक्षीं करुणामयीं भगवतीं वन्दे परां देवताम्।
वामां वारिजलोचनां हरिहरब्रह्मेन्द्रसम्पूजितां
कारुण्यामृतवर्षिणीं गुणमयीं कात्यायनीं चिन्मयीम्।
देवीं शुम्भनिषूदिनीं भगवतीं कामेश्वरीं देवतां
कामाक्षीं करुणामयीं भगवतीं वन्दे परां देवताम्।
कान्तां काञ्चनरत्नभूषितगलां सौभाग्यमुक्तिप्रदां
कौमारीं त्रिपुरान्तकप्रणयिनीं कादम्बिनीं चण्डिकाम्।
देवीं शङ्करहृत्सरोजनिलयां सर्वाघहन्त्रीं शुभां
कामाक्षीं करुणामयीं भगवतीं वन्दे परां देवताम्।
शान्तां चञ्चलचारुनेत्रयुगलां शैलेन्द्रकन्यां शिवां
वाराहीं दनुजान्तकीं त्रिनयनीं सर्वात्मिकां माधवीम्।
सौम्यां सिन्धुसुतां सरोजवदनां वाग्देवतामम्बिकां
कामाक्षीं करुणामयीं भगवतीं वन्दे परां देवताम्।
चन्द्रार्कानललोचनां गुरुकुचां सौन्दर्यचन्द्रोदयां
विद्यां विन्ध्यनिवासिनीं पुरहरप्राणप्रियां सुन्दरीम्।
मुग्धस्मेरसमीक्षणेन सततं सम्मोहयन्तीं शिवां
कामाक्षीं करुणामयीं भगवतीं वन्दे परां देवताम्।

shreekaancheepuravaasineem bhagavateem shreechakramadhye sthitaam
kalyaaneem kamaneeyachaarumakut'aam kausumbhavastraanvitaam.
shreevaaneeshachipoojitaanghriyugalaam chaarusmitaam suprabhaam
kaamaakksheem karunaamayeem bhagavateem vande paraam devataam.
maalaamauktikakandharaam shashimukheem shambhupriyaam sundareem
sharvaaneem sharachaapamand'itakaraam sheetaamshubimbaananaam.
veenaagaanavinodakelirasikaam vidyutprabhaabhaasuraam
kaamaaksheem karunaamayeem bhagavateem vande paraam devataam.
shyaamaam chaarunitambineem gurubhujaam chandraavatamsaam shivaam
sharvaalingitaneelachaaruvapusheem shaantaam pravaalaadharaam.
baalaam baalatamaalakaantiruchiraam baalaarkabimbojjvalaam
kaamaaksheem karunaamayeem bhagavateem vande paraam devataam.
leelaakalpitajeevakot'inivahaam chidroopineem shankareem
brahmaaneem bhavarogataapashamaneem bhavyaatmikaam shaashvateem.
deveem maadhavasodareem shubhakareem panchaakshareem paavaneem
kaamaaksheem karunaamayeem bhagavateem vande paraam devataam.
vaamaam vaarijalochanaam hariharabrahmendrasampoojitaam
kaarunyaamri'tavarshineem gunamayeem kaatyaayaneem chinmayeem.
deveem shumbhanishoodineem bhagavateem kaameshvareem devataam
kaamaaksheem karunaamayeem bhagavateem vande paraam devataam.
kaantaam kaanchanaratnabhooshitagalaam saubhaagyamuktipradaam
kaumaareem tripuraantakapranayineem kaadambineem chand'ikaam.
deveem shankarahri'tsarojanilayaam sarvaaghahantreem shubhaam
kaamaaksheem karunaamayeem bhagavateem vande paraam devataam.
shaantaam chanchalachaarunetrayugalaam shailendrakanyaam shivaam
vaaraaheem danujaantakeem trinayaneem sarvaatmikaam maadhaveem.
saumyaam sindhusutaam sarojavadanaam vaagdevataamambikaam
kaamaaksheem karunaamayeem bhagavateem vande paraam devataam.
chandraarkaanalalochanaam gurukuchaam saundaryachandrodayaam
vidyaam vindhyanivaasineem puraharapraanapriyaam sundareem.
mugdhasmerasameekshanena satatam sammohayanteem shivaam
kaamaaksheem karunaamayeem bhagavateem vande paraam devataam.

Ramaswamy Sastry and Vighnesh Ghanapaathi