नागेन्द्रहाराय त्रिलोचनाय
भस्माङ्गरागाय महेश्वराय।
नित्याय शुद्धाय दिगम्बराय
तस्मै नकाराय नमः शिवाय|
मन्दाकिनीसलिलचन्दनचर्चिताय
नन्दीश्वरप्रमथनाथमहेश्वराय।
मन्दारपुष्पबहुपुष्पसुपूजिताय
तस्मै मकाराय नमः शिवाय|
शिवाय गौरीवदनाब्जवृन्द-
सूर्याय दक्षाध्वरनाशकाय।
श्रीनीलकण्ठाय वृषध्वजाय
तस्मै शिकाराय नमः शिवाय|
वसिष्ठकुम्भोद्भवगौतमार्य-
मुनीन्द्रदेवार्चितशेखराय।
चन्द्रार्कवैश्वानरलोचनाय
तस्मै वकाराय नमः शिवाय|
यज्ञस्वरूपाय जटाधराय
पिनाकहस्ताय सनातनाय।
दिव्याय देवाय दिगम्बराय
तस्मै यकाराय नमः शिवाय|

naagendrahaaraaya trilochanaaya
bhasmaangaraagaaya maheshvaraaya.
nityaaya shuddhaaya digambaraaya
tasmai nakaaraaya namah' shivaaya|
mandaakineesalila-
chandanacharchitaaya
nandeeshvarapramathanaatha-
maheshvaraaya.
mandaarapushpa-
bahupushpasupoojitaaya
tasmai makaaraaya namah' shivaaya|
shivaaya gaureevadanaabjavri'nda-
sooryaaya dakshaadhvaranaashakaaya.
shreeneelakant'haaya vri'shadhvajaaya
tasmai shikaaraaya namah' shivaaya|
vasisht'hakumbhodbhavagautamaarya-
muneendradevaarchitashekharaaya.
chandraarkavaishvaanaralochanaaya
tasmai vakaaraaya namah' shivaaya|
yajnyasvaroopaaya jat'aadharaaya
pinaakahastaaya sanaatanaaya.
divyaaya devaaya digambaraaya
tasmai yakaaraaya namah' shivaaya|

Ramaswamy Sastry and Vighnesh Ghanapaathi