अस्य श्रीललिता सहस्रनाम स्तोत्र महामन्त्रस्य वशिन्यादि वाग्देवता ऋषयः ।
अनुष्टुप् छन्दः । श्रीललिता परमेश्वरी देवता ।
ऐं श्रीमद्वाग्भवकूटेति बीजम् । क्लीं मध्यकूटेति शक्तिः ।
सौः शक्तिकूटेति कीलकम् । मूलप्रकृतिरिति ध्यानम् ।
श्रीललिता महात्रिपुरसुन्दरी प्रसादसिद्धिद्वारा
चिन्तितफलावाप्त्यर्थे जपे विनियोगः ।

ध्यानम्

सिन्दूरारुण विग्रहां त्रिनयनां माणिक्यमौलि स्फुरत्
तारा नायक शेखरां स्मितमुखीमापीनवक्षोरुहाम् ।
पाणिभ्यामलिपूर्ण रत्नचषकं रक्तोत्पलं बिभ्रतीं
सौम्यां रत्न घटस्थ रक्तचरणां ध्यायेत् परामम्बिकाम् ॥

अरुणां करुणातरङ्गिताक्षीं धृतपाशाङ्कुश पुष्पबाणचापाम् ।
अणिमादिभिरावृतां मयूखैः अहमित्येव विभावये भवानीम् ॥

ध्यायेत् पद्मासनस्थां विकसितवदनां पद्मपत्रायताक्षीं
हेमाभां पीतवस्त्रां करकलितलसद्धेमपद्मां वराङ्गीम् ।
सर्वालङ्कारयुक्तां सततमभयदां भक्तनम्रां भवानीं
श्रीविद्यां शान्तमूर्तिं सकलसुरनुतां सर्व सम्पत्प्रदात्रीम् ॥

सकुङ्कुमविलेपनामलिकचुम्बिकस्तूरिकां
समन्दहसितेक्षणां सशरचापपाशाङ्कुशाम् ।
अशेषजनमोहिनीं अरुणमाल्यभूषाम्बरां
जपाकुसुमभासुरां जपविधौ स्मरेदम्बिकाम् ॥

ॐ ऐं ह्रीं श्रीं

श्रीमाता श्रीमहाराज्ञी श्रीमत्सिंहासनेश्वरी ।
चिदग्निकुण्डसम्भूता देवकार्यसमुद्यता ॥ १॥

उद्यद्भानुसहस्राभा चतुर्बाहुसमन्विता ।
रागस्वरूपपाशाढ्या क्रोधाकाराङ्कुशोज्ज्वला ॥ २॥

मनोरूपेक्षुकोदण्डा पञ्चतन्मात्रसायका ।
निजारुणप्रभापूरमज्जद्ब्रह्माण्डमण्डला ॥ ३॥

चम्पकाशोकपुन्नागसौगन्धिकलसत्कचा ।
कुरुविन्दमणिश्रेणीकनत्कोटीरमण्डिता ॥ ४॥

अष्टमीचन्द्रविभ्राजदलिकस्थलशोभिता ।
मुखचन्द्रकलङ्काभमृगनाभिविशेषका ॥ ५॥

वदनस्मरमाङ्गल्यगृहतोरणचिल्लिका ।
वक्त्रलक्ष्मीपरीवाहचलन्मीनाभलोचना ॥ ६॥

नवचम्पकपुष्पाभनासादण्डविराजिता ।
ताराकान्तितिरस्कारिनासाभरणभासुरा ॥ ७॥

कदम्बमञ्जरीकॢप्तकर्णपूरमनोहरा ।
ताटङ्कयुगलीभूततपनोडुपमण्डला ॥ ८॥

पद्मरागशिलादर्शपरिभाविकपोलभूः ।
नवविद्रुमबिम्बश्रीन्यक्कारिरदनच्छदा ॥ ९॥ (दशनच्छदा)

शुद्धविद्याङ्कुराकार द्विजपङ्क्तिद्वयोज्ज्वला ।
कर्पूरवीटिकामोद समाकर्षिदिगन्तरा ॥ १०॥

निजसल्लापमाधुर्यविनिर्भर्त्सितकच्छपी ।
मन्दस्मितप्रभापूरमज्जत्कामेशमानसा ॥ ११॥

अनाकलितसादृश्यचिबुकश्रीविराजिता । (चुबुकश्री)
कामेशबद्धमाङ्गल्यसूत्रशोभितकन्धरा ॥ १२॥

कनकाङ्गदकेयूरकमनीयभुजान्विता ।
रत्नग्रैवेयचिन्ताकलोलमुक्ताफलान्विता ॥ १३॥

कामेश्वरप्रेमरत्नमणिप्रतिपणस्तनी ।
नाभ्यालवालरोमालिलताफलकुचद्वयी ॥ १४॥

लक्ष्यरोमलताधारतासमुन्नेयमध्यमा ।
स्तनभारदलन्मध्यपट्टबन्धवलित्रया ॥ १५॥

अरुणारुणकौसुम्भवस्त्रभास्वत्कटीतटी ।
रत्नकिङ्किणिकारम्यरशनादामभूषिता ॥ १६॥

कामेशज्ञातसौभाग्यमार्दवोरुद्वयान्विता ।
माणिक्यमुकुटाकारजानुद्वयविराजिता ॥ १७॥

इन्द्रगोपपरिक्षिप्तस्मरतूणाभजङ्घिका ।
गूढगुल्फा कूर्मपृष्ठजयिष्णुप्रपदान्विता ॥ १८॥

नखदीधितिसञ्छन्ननमज्जनतमोगुणा ।
पदद्वयप्रभाजालपराकृतसरोरुहा ॥ १९॥

सिञ्जानमणिमञ्जीरमण्डितश्रीपदाम्बुजा । (शिञ्जान)
मरालीमन्दगमना महालावण्यशेवधिः ॥ २०॥

सर्वारुणाऽनवद्याङ्गी सर्वाभरणभूषिता ।
शिवकामेश्वराङ्कस्था शिवा स्वाधीनवल्लभा ॥ २१॥

सुमेरुमध्यश‍ृङ्गस्था श्रीमन्नगरनायिका ।
चिन्तामणिगृहान्तस्था पञ्चब्रह्मासनस्थिता ॥ २२॥

महापद्माटवीसंस्था कदम्बवनवासिनी ।
सुधासागरमध्यस्था कामाक्षी कामदायिनी ॥ २३॥

देवर्षिगणसङ्घातस्तूयमानात्मवैभवा ।
भण्डासुरवधोद्युक्तशक्तिसेनासमन्विता ॥ २४॥

सम्पत्करीसमारूढसिन्धुरव्रजसेविता ।
अश्वारूढाधिष्ठिताश्वकोटिकोटिभिरावृता ॥ २५॥

चक्रराजरथारूढसर्वायुधपरिष्कृता ।
गेयचक्ररथारूढमन्त्रिणीपरिसेविता ॥ २६॥

किरिचक्ररथारूढदण्डनाथापुरस्कृता ।
ज्वालामालिनिकाक्षिप्तवह्निप्राकारमध्यगा ॥ २७॥

भण्डसैन्यवधोद्युक्तशक्तिविक्रमहर्षिता ।
नित्यापराक्रमाटोपनिरीक्षणसमुत्सुका ॥ २८॥

भण्डपुत्रवधोद्युक्तबालाविक्रमनन्दिता ।
मन्त्रिण्यम्बाविरचितविषङ्गवधतोषिता ॥ २९॥ (विशुक्रवधतोषिता)

विशुक्रप्राणहरणवाराहीवीर्यनन्दिता । (विषङ्गप्राणहरण)
कामेश्वरमुखालोककल्पितश्रीगणेश्वरा ॥ ३०॥

महागणेशनिर्भिन्नविघ्नयन्त्रप्रहर्षिता ।
भण्डासुरेन्द्रनिर्मुक्तशस्त्रप्रत्यस्त्रवर्षिणी ॥ ३१॥

कराङ्गुलिनखोत्पन्ननारायणदशाकृतिः ।
महापाशुपतास्त्राग्निनिर्दग्धासुरसैनिका ॥ ३२॥

कामेश्वरास्त्रनिर्दग्धसभण्डासुरशून्यका ।
ब्रह्मोपेन्द्रमहेन्द्रादिदेवसंस्तुतवैभवा ॥ ३३॥

हरनेत्राग्निसन्दग्धकामसञ्जीवनौषधिः ।
श्रीमद्वाग्भवकूटैकस्वरूपमुखपङ्कजा ॥ ३४॥

कण्ठाधःकटिपर्यन्तमध्यकूटस्वरूपिणी ।
शक्तिकूटैकतापन्नकट्यधोभागधारिणी ॥ ३५॥

मूलमन्त्रात्मिका मूलकूटत्रयकलेबरा ।
कुलामृतैकरसिका कुलसङ्केतपालिनी ॥ ३६॥

कुलाङ्गना कुलान्तस्था कौलिनी कुलयोगिनी ।
अकुला समयान्तस्था समयाचारतत्परा ॥ ३७॥

मूलाधारैकनिलया ब्रह्मग्रन्थिविभेदिनी ।
मणिपूरान्तरुदिता विष्णुग्रन्थिविभेदिनी ॥ ३८॥

आज्ञाचक्रान्तरालस्था रुद्रग्रन्थिविभेदिनी ।
सहस्राराम्बुजारूढा सुधासाराभिवर्षिणी ॥ ३९॥

तडिल्लतासमरुचिः षट्चक्रोपरिसंस्थिता ।
महासक्तिः कुण्डलिनी बिसतन्तुतनीयसी ॥ ४०॥

भवानी भावनागम्या भवारण्यकुठारिका ।
भद्रप्रिया भद्रमूर्तिर्भक्तसौभाग्यदायिनी ॥ ४१॥

भक्तिप्रिया भक्तिगम्या भक्तिवश्या भयापहा ।
शाम्भवी शारदाराध्या शर्वाणी शर्मदायिनी ॥ ४२॥

शाङ्करी श्रीकरी साध्वी शरच्चन्द्रनिभानना ।
शातोदरी शान्तिमती निराधारा निरञ्जना ॥ ४३॥

निर्लेपा निर्मला नित्या निराकारा निराकुला ।
निर्गुणा निष्कला शान्ता निष्कामा निरुपप्लवा ॥ ४४॥

नित्यमुक्ता निर्विकारा निष्प्रपञ्चा निराश्रया ।
नित्यशुद्धा नित्यबुद्धा निरवद्या निरन्तरा ॥ ४५॥

निष्कारणा निष्कलङ्का निरुपाधिर्निरीश्वरा ।
नीरागा रागमथनी निर्मदा मदनाशिनी ॥ ४६॥

निश्चिन्ता निरहङ्कारा निर्मोहा मोहनाशिनी ।
निर्ममा ममताहन्त्री निष्पापा पापनाशिनी ॥ ४७॥

निष्क्रोधा क्रोधशमनी निर्लोभा लोभनाशिनी ।
निःसंशया संशयघ्नी निर्भवा भवनाशिनी ॥ ४८॥ (निस्संशया)

निर्विकल्पा निराबाधा निर्भेदा भेदनाशिनी ।
निर्नाशा मृत्युमथनी निष्क्रिया निष्परिग्रहा ॥ ४९॥

निस्तुला नीलचिकुरा निरपाया निरत्यया ।
दुर्लभा दुर्गमा दुर्गा दुःखहन्त्री सुखप्रदा ॥ ५०॥

दुष्टदूरा दुराचारशमनी दोषवर्जिता ।
सर्वज्ञा सान्द्रकरुणा समानाधिकवर्जिता ॥ ५१॥

सर्वशक्तिमयी सर्वमङ्गला सद्गतिप्रदा ।
सर्वेश्वरी सर्वमयी सर्वमन्त्रस्वरूपिणी ॥ ५२॥

सर्वयन्त्रात्मिका सर्वतन्त्ररूपा मनोन्मनी ।
माहेश्वरी महादेवी महालक्ष्मीर्मृडप्रिया ॥ ५३॥

महारूपा महापूज्या महापातकनाशिनी ।
महामाया महासत्त्वा महाशक्तिर्महारतिः ॥ ५४॥

महाभोगा महैश्वर्या महावीर्या महाबला ।
महाबुद्धिर्महासिद्धिर्महायोगेश्वरेश्वरी ॥ ५५॥

महातन्त्रा महामन्त्रा महायन्त्रा महासना ।
महायागक्रमाराध्या महाभैरवपूजिता ॥ ५६॥

महेश्वरमहाकल्पमहाताण्डवसाक्षिणी ।
महाकामेशमहिषी महात्रिपुरसुन्दरी ॥ ५७॥

चतुःषष्ट्युपचाराढ्या चतुःषष्टिकलामयी ।
महाचतुःषष्टिकोटियोगिनीगणसेविता ॥ ५८॥

मनुविद्या चन्द्रविद्या चन्द्रमण्डलमध्यगा ।
चारुरूपा चारुहासा चारुचन्द्रकलाधरा ॥ ५९॥

चराचरजगन्नाथा चक्रराजनिकेतना ।
पार्वती पद्मनयना पद्मरागसमप्रभा ॥ ६०॥

पञ्चप्रेतासनासीना पञ्चब्रह्मस्वरूपिणी ।
चिन्मयी परमानन्दा विज्ञानघनरूपिणी ॥ ६१॥

ध्यानध्यातृध्येयरूपा धर्माधर्मविवर्जिता ।
विश्वरूपा जागरिणी स्वपन्ती तैजसात्मिका ॥ ६२॥

सुप्ता प्राज्ञात्मिका तुर्या सर्वावस्थाविवर्जिता ।
सृष्टिकर्त्री ब्रह्मरूपा गोप्त्री गोविन्दरूपिणी ॥ ६३॥

संहारिणी रुद्ररूपा तिरोधानकरीश्वरी ।
सदाशिवाऽनुग्रहदा पञ्चकृत्यपरायणा ॥ ६४॥

भानुमण्डलमध्यस्था भैरवी भगमालिनी ।
पद्मासना भगवती पद्मनाभसहोदरी ॥ ६५॥

उन्मेषनिमिषोत्पन्नविपन्नभुवनावली ।
सहस्रशीर्षवदना सहस्राक्षी सहस्रपात् ॥ ६६॥

आब्रह्मकीटजननी वर्णाश्रमविधायिनी ।
निजाज्ञारूपनिगमा पुण्यापुण्यफलप्रदा ॥ ६७॥

श्रुतिसीमन्तसिन्दूरीकृतपादाब्जधूलिका ।
सकलागमसन्दोहशुक्तिसम्पुटमौक्तिका ॥ ६८॥

पुरुषार्थप्रदा पूर्णा भोगिनी भुवनेश्वरी ।
अम्बिकाऽनादिनिधना हरिब्रह्मेन्द्रसेविता ॥ ६९॥

नारायणी नादरूपा नामरूपविवर्जिता ।
ह्रीङ्कारी ह्रीमती हृद्या हेयोपादेयवर्जिता ॥ ७०॥

राजराजार्चिता राज्ञी रम्या राजीवलोचना ।
रञ्जनी रमणी रस्या रणत्किङ्किणिमेखला ॥ ७१॥

रमा राकेन्दुवदना रतिरूपा रतिप्रिया ।
रक्षाकरी राक्षसघ्नी रामा रमणलम्पटा ॥ ७२॥

काम्या कामकलारूपा कदम्बकुसुमप्रिया ।
कल्याणी जगतीकन्दा करुणारससागरा ॥ ७३॥

कलावती कलालापा कान्ता कादम्बरीप्रिया ।
वरदा वामनयना वारुणीमदविह्वला ॥ ७४॥

विश्वाधिका वेदवेद्या विन्ध्याचलनिवासिनी ।
विधात्री वेदजननी विष्णुमाया विलासिनी ॥ ७५॥

क्षेत्रस्वरूपा क्षेत्रेशी क्षेत्रक्षेत्रज्ञपालिनी ।
क्षयवृद्धिविनिर्मुक्ता क्षेत्रपालसमर्चिता ॥ ७६॥

विजया विमला वन्द्या वन्दारुजनवत्सला ।
वाग्वादिनी वामकेशी वह्निमण्डलवासिनी ॥ ७७॥

भक्तिमत्कल्पलतिका पशुपाशविमोचिनी ।
संहृताशेषपाषण्डा सदाचारप्रवर्तिका ॥ ७८॥ (पाखण्डा)

तापत्रयाग्निसन्तप्तसमाह्लादनचन्द्रिका ।
तरुणी तापसाराध्या तनुमध्या तमोऽपहा ॥ ७९॥

चितिस्तत्पदलक्ष्यार्था चिदेकरसरूपिणी ।
स्वात्मानन्दलवीभूतब्रह्माद्यानन्दसन्ततिः ॥ ८०॥

परा प्रत्यक्चितीरूपा पश्यन्ती परदेवता ।
मध्यमा वैखरीरूपा भक्तमानसहंसिका ॥ ८१॥

कामेश्वरप्राणनाडी कृतज्ञा कामपूजिता ।
श‍ृङ्गाररससम्पूर्णा जया जालन्धरस्थिता ॥ ८२॥

ओड्याणपीठनिलया बिन्दुमण्डलवासिनी ।
रहोयागक्रमाराध्या रहस्तर्पणतर्पिता ॥ ८३॥

सद्यःप्रसादिनी विश्वसाक्षिणी साक्षिवर्जिता ।
षडङ्गदेवतायुक्ता षाड्गुण्यपरिपूरिता ॥ ८४॥

नित्यक्लिन्ना निरुपमा निर्वाणसुखदायिनी ।
नित्याषोडशिकारूपा श्रीकण्ठार्धशरीरिणी ॥ ८५॥

प्रभावती प्रभारूपा प्रसिद्धा परमेश्वरी ।
मूलप्रकृतिरव्यक्ता व्यक्ताव्यक्तस्वरूपिणी ॥ ८६॥

व्यापिनी विविधाकारा विद्याविद्या-स्वरूपिणी ।
महाकामेशनयनकुमुदाह्लादकौमुदी ॥ ८७॥

भक्तहार्दतमोभेदभानुमद्भानुसन्ततिः ।
शिवदूती शिवाराध्या शिवमूर्तिः शिवङ्करी ॥ ८८॥

शिवप्रिया शिवपरा शिष्टेष्टा शिष्टपूजिता ।
अप्रमेया स्वप्रकाशा मनोवाचामगोचरा ॥ ८९॥

चिच्छक्तिश् चेतनारूपा जडशक्तिर्जडात्मिका ।
गायत्री व्याहृतिः सन्ध्या द्विजबृन्दनिषेविता ॥ ९०॥

तत्त्वासना तत्त्वमयी पञ्चकोशान्तरस्थिता ।
निःसीममहिमा नित्ययौवना मदशालिनी ॥ ९१॥ (निस्सीम)

मदघूर्णितरक्ताक्षी मदपाटलगण्डभूः ।
चन्दनद्रवदिग्धाङ्गी चाम्पेयकुसुमप्रिया ॥ ९२॥

कुशला कोमलाकारा कुरुकुल्ला कुलेश्वरी ।
कुलकुण्डालया कौलमार्गतत्परसेविता ॥ ९३॥

कुमारगणनाथाम्बा तुष्टिः पुष्टिर्मतिर्धृतिः ।
शान्तिः स्वस्तिमती कान्तिर्नन्दिनी विघ्ननाशिनी ॥ ९४॥

तेजोवती त्रिनयना लोलाक्षीकामरूपिणी ।
मालिनी हंसिनी माता मलयाचलवासिनी ॥ ९५॥

सुमुखी नलिनी सुभ्रूः शोभना सुरनायिका ।
कालकण्ठी कान्तिमती क्षोभिणी सूक्ष्मरूपिणी ॥ ९६॥

वज्रेश्वरी वामदेवी वयोऽवस्थाविवर्जिता ।
सिद्धेश्वरी सिद्धविद्या सिद्धमाता यशस्विनी ॥ ९७॥

विशुद्धिचक्रनिलयाऽऽरक्तवर्णा त्रिलोचना ।
खट्वाङ्गादिप्रहरणा वदनैकसमन्विता ॥ ९८॥

पायसान्नप्रिया त्वक्स्था पशुलोकभयङ्करी ।
अमृतादिमहाशक्तिसंवृता डाकिनीश्वरी ॥ ९९॥

अनाहताब्जनिलया श्यामाभा वदनद्वया ।
दंष्ट्रोज्ज्वलाऽक्षमालादिधरा रुधिरसंस्थिता ॥ १००॥

कालरात्र्यादिशक्त्यौघवृता स्निग्धौदनप्रिया ।
महावीरेन्द्रवरदा राकिण्यम्बास्वरूपिणी ॥ १०१॥

मणिपूराब्जनिलया वदनत्रयसंयुता ।
वज्रादिकायुधोपेता डामर्यादिभिरावृता ॥ १०२॥

रक्तवर्णा मांसनिष्ठा गुडान्नप्रीतमानसा ।
समस्तभक्तसुखदा लाकिन्यम्बास्वरूपिणी ॥ १०३॥

स्वाधिष्ठानाम्बुजगता चतुर्वक्त्रमनोहरा ।
शूलाद्यायुधसम्पन्ना पीतवर्णाऽतिगर्विता ॥ १०४॥

मेदोनिष्ठा मधुप्रीता बन्धिन्यादिसमन्विता ।
दध्यन्नासक्तहृदया काकिनीरूपधारिणी ॥ १०५॥

मूलाधाराम्बुजारूढा पञ्चवक्त्राऽस्थिसंस्थिता ।
अङ्कुशादिप्रहरणा वरदादिनिषेविता ॥ १०६॥

मुद्गौदनासक्तचित्ता साकिन्यम्बास्वरूपिणी ।
आज्ञाचक्राब्जनिलया शुक्लवर्णा षडानना ॥ १०७॥

मज्जासंस्था हंसवतीमुख्यशक्तिसमन्विता ।
हरिद्रान्नैकरसिका हाकिनीरूपधारिणी ॥ १०८॥

सहस्रदलपद्मस्था सर्ववर्णोपशोभिता ।
सर्वायुधधरा शुक्लसंस्थिता सर्वतोमुखी ॥ १०९॥

सर्वौदनप्रीतचित्ता याकिन्यम्बास्वरूपिणी ।
स्वाहा स्वधाऽमतिर्मेधा श्रुतिः स्मृतिरनुत्तमा ॥ ११०॥

पुण्यकीर्तिः पुण्यलभ्या पुण्यश्रवणकीर्तना ।
पुलोमजार्चिता बन्धमोचनी बन्धुरालका ॥ १११॥ (मोचनी बर्बरालका)

विमर्शरूपिणी विद्या वियदादिजगत्प्रसूः ।
सर्वव्याधिप्रशमनी सर्वमृत्युनिवारिणी ॥ ११२॥

अग्रगण्याऽचिन्त्यरूपा कलिकल्मषनाशिनी ।
कात्यायनी कालहन्त्री कमलाक्षनिषेविता ॥ ११३॥

ताम्बूलपूरितमुखी दाडिमीकुसुमप्रभा ।
मृगाक्षी मोहिनी मुख्या मृडानी मित्ररूपिणी ॥ ११४॥

नित्यतृप्ता भक्तनिधिर्नियन्त्री निखिलेश्वरी ।
मैत्र्यादिवासनालभ्या महाप्रलयसाक्षिणी ॥ ११५॥

परा शक्तिः परा निष्ठा प्रज्ञानघनरूपिणी ।
माध्वीपानालसा मत्ता मातृकावर्णरूपिणी ॥ ११६॥

महाकैलासनिलया मृणालमृदुदोर्लता ।
महनीया दयामूर्तिर्महासाम्राज्यशालिनी ॥ ११७॥

आत्मविद्या महाविद्या श्रीविद्या कामसेविता ।
श्रीषोडशाक्षरीविद्या त्रिकूटा कामकोटिका ॥ ११८॥

कटाक्षकिङ्करीभूतकमलाकोटिसेविता ।
शिरःस्थिता चन्द्रनिभा भालस्थेन्द्रधनुःप्रभा ॥ ११९॥

हृदयस्था रविप्रख्या त्रिकोणान्तरदीपिका ।
दाक्षायणी दैत्यहन्त्री दक्षयज्ञविनाशिनी ॥ १२०॥

दरान्दोलितदीर्घाक्षी दरहासोज्ज्वलन्मुखी ।
गुरुमूर्तिर्गुणनिधिर्गोमाता गुहजन्मभूः ॥ १२१॥

देवेशी दण्डनीतिस्था दहराकाशरूपिणी ।
प्रतिपन्मुख्यराकान्ततिथिमण्डलपूजिता ॥ १२२॥

कलात्मिका कलानाथा काव्यालापविनोदिनी । (विमोदिनी)
सचामररमावाणीसव्यदक्षिणसेविता ॥ १२३॥

आदिशक्तिरमेयाऽऽत्मा परमा पावनाकृतिः ।
अनेककोटिब्रह्माण्डजननी दिव्यविग्रहा ॥ १२४॥

क्लीङ्कारी केवला गुह्या कैवल्यपददायिनी ।
त्रिपुरा त्रिजगद्वन्द्या त्रिमूर्तिस्त्रिदशेश्वरी ॥ १२५॥

त्र्यक्षरी दिव्यगन्धाढ्या सिन्दूरतिलकाञ्चिता ।
उमा शैलेन्द्रतनया गौरी गन्धर्वसेविता ॥ १२६॥

विश्वगर्भा स्वर्णगर्भाऽवरदा वागधीश्वरी ।
ध्यानगम्याऽपरिच्छेद्या ज्ञानदा ज्ञानविग्रहा ॥ १२७॥

सर्ववेदान्तसंवेद्या सत्यानन्दस्वरूपिणी ।
लोपामुद्रार्चिता लीलाकॢप्तब्रह्माण्डमण्डला ॥ १२८॥

अदृश्या दृश्यरहिता विज्ञात्री वेद्यवर्जिता ।
योगिनी योगदा योग्या योगानन्दा युगन्धरा ॥ १२९॥

इच्छाशक्तिज्ञानशक्तिक्रियाशक्तिस्वरूपिणी ।
सर्वाधारा सुप्रतिष्ठा सदसद्रूपधारिणी ॥ १३०॥

अष्टमूर्तिरजाजैत्री लोकयात्राविधायिनी । (अजाजेत्री)
एकाकिनी भूमरूपा निर्द्वैता द्वैतवर्जिता ॥ १३१॥

अन्नदा वसुदा वृद्धा ब्रह्मात्मैक्यस्वरूपिणी ।
बृहती ब्राह्मणी ब्राह्मी ब्रह्मानन्दा बलिप्रिया ॥ १३२॥

भाषारूपा बृहत्सेना भावाभावविवर्जिता ।
सुखाराध्या शुभकरी शोभना सुलभा गतिः ॥ १३३॥

राजराजेश्वरी राज्यदायिनी राज्यवल्लभा ।
राजत्कृपा राजपीठनिवेशितनिजाश्रिता ॥ १३४॥

राज्यलक्ष्मीः कोशनाथा चतुरङ्गबलेश्वरी ।
साम्राज्यदायिनी सत्यसन्धा सागरमेखला ॥ १३५॥

दीक्षिता दैत्यशमनी सर्वलोकवशङ्करी ।
सर्वार्थदात्री सावित्री सच्चिदानन्दरूपिणी ॥ १३६॥

देशकालापरिच्छिन्ना सर्वगा सर्वमोहिनी ।
सरस्वती शास्त्रमयी गुहाम्बा गुह्यरूपिणी ॥ १३७॥

सर्वोपाधिविनिर्मुक्ता सदाशिवपतिव्रता ।
सम्प्रदायेश्वरी साध्वी गुरुमण्डलरूपिणी ॥ १३८॥

कुलोत्तीर्णा भगाराध्या माया मधुमती मही ।
गणाम्बा गुह्यकाराध्या कोमलाङ्गी गुरुप्रिया ॥ १३९॥

स्वतन्त्रा सर्वतन्त्रेशी दक्षिणामूर्तिरूपिणी ।
सनकादिसमाराध्या शिवज्ञानप्रदायिनी ॥ १४०॥

चित्कलाऽऽनन्दकलिका प्रेमरूपा प्रियङ्करी ।
नामपारायणप्रीता नन्दिविद्या नटेश्वरी ॥ १४१॥

मिथ्याजगदधिष्ठाना मुक्तिदा मुक्तिरूपिणी ।
लास्यप्रिया लयकरी लज्जा रम्भादिवन्दिता ॥ १४२॥

भवदावसुधावृष्टिः पापारण्यदवानला ।
दौर्भाग्यतूलवातूला जराध्वान्तरविप्रभा ॥ १४३॥

भाग्याब्धिचन्द्रिका भक्तचित्तकेकिघनाघना ।
रोगपर्वतदम्भोलिर्मृत्युदारुकुठारिका ॥ १४४॥

महेश्वरी महाकाली महाग्रासा महाशना ।
अपर्णा चण्डिका चण्डमुण्डासुरनिषूदिनी ॥ १४५॥

क्षराक्षरात्मिका सर्वलोकेशी विश्वधारिणी ।
त्रिवर्गदात्री सुभगा त्र्यम्बका त्रिगुणात्मिका ॥ १४६॥

स्वर्गापवर्गदा शुद्धा जपापुष्पनिभाकृतिः ।
ओजोवती द्युतिधरा यज्ञरूपा प्रियव्रता ॥ १४७॥

दुराराध्या दुराधर्षा पाटलीकुसुमप्रिया ।
महती मेरुनिलया मन्दारकुसुमप्रिया ॥ १४८॥

वीराराध्या विराड्रूपा विरजा विश्वतोमुखी ।
प्रत्यग्रूपा पराकाशा प्राणदा प्राणरूपिणी ॥ १४९॥

मार्ताण्डभैरवाराध्या मन्त्रिणीन्यस्तराज्यधूः । (मार्तण्ड)
त्रिपुरेशी जयत्सेना निस्त्रैगुण्या परापरा ॥ १५०॥

सत्यज्ञानानन्दरूपा सामरस्यपरायणा ।
कपर्दिनी कलामाला कामधुक् कामरूपिणी ॥ १५१॥

कलानिधिः काव्यकला रसज्ञा रसशेवधिः ।
पुष्टा पुरातना पूज्या पुष्करा पुष्करेक्षणा ॥ १५२॥

परञ्ज्योतिः परन्धाम परमाणुः परात्परा ।
पाशहस्ता पाशहन्त्री परमन्त्रविभेदिनी ॥ १५३॥

मूर्ताऽमूर्ताऽनित्यतृप्ता मुनिमानसहंसिका ।
सत्यव्रता सत्यरूपा सर्वान्तर्यामिनी सती ॥ १५४॥

ब्रह्माणी ब्रह्मजननी बहुरूपा बुधार्चिता ।
प्रसवित्री प्रचण्डाऽऽज्ञा प्रतिष्ठा प्रकटाकृतिः ॥ १५५॥

प्राणेश्वरी प्राणदात्री पञ्चाशत्पीठरूपिणी ।
विश‍ृङ्खला विविक्तस्था वीरमाता वियत्प्रसूः ॥ १५६॥

मुकुन्दा मुक्तिनिलया मूलविग्रहरूपिणी ।
भावज्ञा भवरोगघ्नी भवचक्रप्रवर्तिनी ॥ १५७॥

छन्दःसारा शास्त्रसारा मन्त्रसारा तलोदरी ।
उदारकीर्तिरुद्दामवैभवा वर्णरूपिणी ॥ १५८॥

जन्ममृत्युजरातप्तजनविश्रान्तिदायिनी ।
सर्वोपनिषदुद्घुष्टा शान्त्यतीतकलात्मिका ॥ १५९॥

गम्भीरा गगनान्तस्था गर्विता गानलोलुपा ।
कल्पनारहिता काष्ठाऽकान्ता कान्तार्धविग्रहा ॥ १६०॥

कार्यकारणनिर्मुक्ता कामकेलितरङ्गिता ।
कनत्कनकताटङ्का लीलाविग्रहधारिणी ॥ १६१॥

अजा क्षयविनिर्मुक्ता मुग्धा क्षिप्रप्रसादिनी ।
अन्तर्मुखसमाराध्या बहिर्मुखसुदुर्लभा ॥ १६२॥

त्रयी त्रिवर्गनिलया त्रिस्था त्रिपुरमालिनी ।
निरामया निरालम्बा स्वात्मारामा सुधासृतिः ॥ १६३॥ (सुधास्रुतिः)

संसारपङ्कनिर्मग्नसमुद्धरणपण्डिता ।
यज्ञप्रिया यज्ञकर्त्री यजमानस्वरूपिणी ॥ १६४॥

धर्माधारा धनाध्यक्षा धनधान्यविवर्धिनी ।
विप्रप्रिया विप्ररूपा विश्वभ्रमणकारिणी ॥ १६५॥

विश्वग्रासा विद्रुमाभा वैष्णवी विष्णुरूपिणी ।
अयोनिर्योनिनिलया कूटस्था कुलरूपिणी ॥ १६६॥

वीरगोष्ठीप्रिया वीरा नैष्कर्म्या नादरूपिणी ।
विज्ञानकलना कल्या विदग्धा बैन्दवासना ॥ १६७॥

तत्त्वाधिका तत्त्वमयी तत्त्वमर्थस्वरूपिणी ।
सामगानप्रिया सौम्या सदाशिवकुटुम्बिनी ॥ १६८॥ (सोम्या)

सव्यापसव्यमार्गस्था सर्वापद्विनिवारिणी ।
स्वस्था स्वभावमधुरा धीरा धीरसमर्चिता ॥ १६९॥

चैतन्यार्घ्यसमाराध्या चैतन्यकुसुमप्रिया ।
सदोदिता सदातुष्टा तरुणादित्यपाटला ॥ १७०॥

दक्षिणादक्षिणाराध्या दरस्मेरमुखाम्बुजा ।
कौलिनीकेवलाऽनर्घ्यकैवल्यपददायिनी ॥ १७१॥

स्तोत्रप्रिया स्तुतिमती श्रुतिसंस्तुतवैभवा ।
मनस्विनी मानवती महेशी मङ्गलाकृतिः ॥ १७२॥

विश्वमाता जगद्धात्री विशालाक्षी विरागिणी ।
प्रगल्भा परमोदारा परामोदा मनोमयी ॥ १७३॥

व्योमकेशी विमानस्था वज्रिणी वामकेश्वरी ।
पञ्चयज्ञप्रिया पञ्चप्रेतमञ्चाधिशायिनी ॥ १७४॥

पञ्चमी पञ्चभूतेशी पञ्चसङ्ख्योपचारिणी ।
शाश्वती शाश्वतैश्वर्या शर्मदा शम्भुमोहिनी ॥ १७५॥

धराधरसुता धन्या धर्मिणी धर्मवर्धिनी ।
लोकातीता गुणातीता सर्वातीता शमात्मिका ॥ १७६॥

बन्धूककुसुमप्रख्या बाला लीलाविनोदिनी ।
सुमङ्गली सुखकरी सुवेषाढ्या सुवासिनी ॥ १७७॥

सुवासिन्यर्चनप्रीताऽऽशोभना शुद्धमानसा ।
बिन्दुतर्पणसन्तुष्टा पूर्वजा त्रिपुराम्बिका ॥ १७८॥

दशमुद्रासमाराध्या त्रिपुराश्रीवशङ्करी ।
ज्ञानमुद्रा ज्ञानगम्या ज्ञानज्ञेयस्वरूपिणी ॥ १७९॥

योनिमुद्रा त्रिखण्डेशी त्रिगुणाम्बा त्रिकोणगा ।
अनघाऽद्भुतचारित्रा वाञ्छितार्थप्रदायिनी ॥ १८०॥

अभ्यासातिशयज्ञाता षडध्वातीतरूपिणी ।
अव्याजकरुणामूर्तिरज्ञानध्वान्तदीपिका ॥ १८१॥

आबालगोपविदिता सर्वानुल्लङ्घ्यशासना ।
श्रीचक्रराजनिलया श्रीमत्त्रिपुरसुन्दरी ॥ १८२॥

श्रीशिवा शिवशक्त्यैक्यरूपिणी ललिताम्बिका ।
एवं श्रीललिता देव्या नाम्नां साहस्रकं जगुः ॥

 

asya shri lalita sahasranama stotra mahamantrasya vashinyadi vagdevata rishayah .
anushtup chhandah . shrilalita parameshvari devata .
aim shrimadvagbhavakuteti bijam . klim madhyakuteti shaktih .
sauh shaktikuteti kilakam . mulaprakritiriti dhyanam .
shri lalita mahatripurasundari prasadasiddhidvara
chintitaphalavaptyarthe jape viniyogah .

dhyanam

sinduraruna vigraham trinayanam manikyamauli sphurat
tara nayaka shekharam smitamukhimapinavakshoruham .
panibhyamalipurna ratnachashakam raktotpalam bibhratim
saumyam ratna ghatastha raktacharanam dhyayet paramambikam ..

arunam karunatarangitakshim dhritapashankusha pushpabana chapam .
animadibhiravritam mayukhaih ahamityeva vibhavaye bhavanim ..

dhyayet padmasanastham vikasitavadanam padmapatrayatakshim
hemabham pitavastram karakalitalasaddhemapadmam varangim .
sarvalankarayuktam satatamabhayadam bhaktanamram bhavanim
shrividyam shantamurtim sakalasuranutam sarva sampatpradatrim ..

sakunkumavilepanam alikachumbi kasturikam
samandahasitekshanam sasharachapapashankusham .
asheshajanamohinim arunamalyabhushambaram
japakusumabhasuram japavidhau smaredambikam ..

Om aim hrim shrim

shrimata shrimaharajnyi shrimatsimhasaneshvari .
chidagnikundasambhuta devakaryasamudyata .. 1..

udyadbhanusahasrabha chaturbahusamanvita .
ragasvarupapashadhya krodhakarankushojjvala .. 2..

manorupekshukodanda panchatanmatrasayaka .
nijaruna prabhapura majjad brahmandamandala .. 3..

champakashoka punnaga saugandhika lasatkacha .
kuruvindamanishreni kanatkotira mandita .. 4..

ashtamichandra vibhrajadalikasthala shobhita .
mukhachandra kalankabha mriganabhi visheshaka .. 5..

vadanasmara mangalyagriha toranachillika .
vaktralakshmi parivahachalanminabha lochana .. 6..

navachampaka pushpabhanasadanda virajita .
tarakantitiraskari nasabharana bhasura .. 7..

kadambamanjari klipta karnapuramanohara .
tatankayugalibhuta tapanodupa mandala .. 8..

padmaragashiladarsha paribhavi kapolabhuh .
navavidrumabimbashri nyakkari radanachchhada .. 9.. (dashanachchhada)

shuddhavidyankurakara dvijapanktidvayojjvala .
karpuravitikamoda samakarshidigantara .. 10..

nijasallapamadhurya vinirbhartsita kachchhapi .
mandasmita prabhapura majjatkamesha manasa .. 11..

anakalitasadrishya chibukashrivirajita . (chubukashri)
kameshabaddha mangalyasutra shobhitakandhara .. 12..

kanakangada keyura kamaniya bhujanvita .
ratnagraiveyachintaka lolamuktaphalanvita .. 13..

kameshvara premaratna manipratipanastani .
nabhyalavalaromali lataphalakuchadvayi .. 14..

lakshya romalatadharatasamunneya madhyama .
stanabharadalanmadhya pattabandhavalitraya .. 15..

arunarunakausumbha vastrabhasvatkatitati .
ratnakinkinikaramya rashanadama bhushita .. 16..

kameshajnyata saubhagya mardavorudvayanvita .
manikyamukutakara janudvayavirajita .. 17..

indragopaparikshipta smaratunabha janghika .
gudhagulpha kurmaprishtha jayishnuprapadanvita .. 18..

nakhadidhitisanchhanna namajjanatamoguna .
padadvayaprabhajala parakritasaroruha .. 19..

sinjanamanimanjira mandita shripadambuja . (shinjana)
maralimandagamana mahalavanyashevadhih .. 20..

sarvarunanavadyangi sarvabharanabhushita .
shivakameshvarankastha shiva svadhinavallabha .. 21..

sumerumadhyashringastha shrimannagaranayika .
chintamanigrihantastha panchabrahmasanasthita .. 22..

mahapadmatavisamstha kadambavanavasini .
sudhasagaramadhyastha kamakshi kamadayini .. 23..

devarshigana sanghata stuyamanatma vaibhava .
bhandasura vadhodyukta shaktisena samanvita .. 24..

sampatkari samarudha sindhuravraja sevita .
ashvarudha - dhishthitashva kotikotibhiravrita .. 25..

chakraraja ratharudha sarvayudha parishkrita .
geyachakra ratharudha mantrini parisevita .. 26..

kirichakra ratharudha dandanatha puraskrita .
jvalamalinika kshipta vahniprakara madhyaga .. 27..

bhandasainya vadhodyukta shaktivikrama harshita .
nitya parakramatopa nirikshana samutsuka .. 28..

bhandaputra vadhodyukta balavikrama nandita .
mantrinyamba virachita vishangavadha toshita .. 29.. (vishukravadhatoshita)

vishukra pranaharana varahi viryanandita . (vishangapranaharana)
kameshvara mukhaloka kalpita shriganeshvara .. 30..

mahaganesha nirbhinna vighnayantra praharshita .
bhandasurendra nirmukta shastra pratyastra varshini .. 31..

karanguli nakhotpanna narayana dashakritih .
maha pashupatastragni nirdagdhasura sainika .. 32..

kameshvarastra nirdagdha sabhandasura shunyaka .
brahmopendra mahendradi devasamstuta vaibhava .. 33..

haranetragni sandagdha kama sanjivanaushadhih .
shrimadvagbhavakutaika svarupamukha pankaja .. 34..

kanthadhah katiparyanta madhyakutasvarupini .
shaktikutaikatapanna katyadhobhaga dharini .. 35..

mulamantratmika mulakutatrayakalebara .
kulamritaikarasika kulasanketapalini .. 36..

kulangana kulantastha kaulini kulayogini .
akula samayantastha samayacharatatpara .. 37..

muladharaikanilaya brahmagranthivibhedini .
manipurantarudita vishnugranthivibhedini .. 38..

ajnyachakrantaralastha rudragranthivibhedini .
sahasrarambujarudha sudhasarabhivarshini .. 39..

tadillatasamaruchih shatchakroparisamsthita .
mahasaktih kundalini bisatantutaniyasi .. 40..

bhavani bhavanagamya bhavaranyakutharika .
bhadrapriya bhadramurtirbhakta saubhagyadayini .. 41..

bhaktipriya bhaktigamya bhaktivashya bhayapaha .
shambhavi sharadaradhya sharvani sharmadayini .. 42..

shankari shrikari sadhvi sharachchandranibhanana .
shatodari shantimati niradhara niranjana .. 43..

nirlepa nirmala nitya nirakara nirakula .
nirguna nishkala shanta nishkama nirupaplava .. 44..

nityamukta nirvikara nishprapancha nirashraya .
nityashuddha nityabuddha niravadya nirantara .. 45..

nishkarana nishkalanka nirupadhirnirishvara .
niraga ragamathani nirmada madanashini .. 46..

nishchinta nirahankara nirmoha mohanashini .
nirmama mamatahantri nishpapa papanashini .. 47..

nishkrodha krodhashamani nirlobha lobhanashini .
nihsamshaya samshayaghni nirbhava bhavanashini .. 48.. (nissamshaya)

nirvikalpa nirabadha nirbheda bhedanashini .
nirnasha mrityumathani nishkriya nishparigraha .. 49..

nistula nilachikura nirapaya niratyaya .
durlabha durgama durga duhkhahantri sukhaprada .. 50..

dushtadura duracharashamani doshavarjita .
sarvajnya sandrakaruna samanadhikavarjita .. 51..

sarvashaktimayi sarvamangala sadgatiprada .
sarveshvari sarvamayi sarvamantrasvarupini .. 52..

sarvayantratmika sarvatantrarupa manonmani .
maheshvari mahadevi mahalakshmirmridapriya .. 53..

maharupa mahapujya mahapatakanashini .
mahamaya mahasattva mahashaktirmaharatih .. 54..

mahabhoga mahaishvarya mahavirya mahabala .
mahabuddhir - mahasiddhir mahayogeshvareshvari .. 55..

mahatantra mahamantra mahayantra mahasana .
mahayagakramaradhya mahabhairavapujita .. 56..

maheshvara mahakalpa mahatandava sakshini .
mahakameshamahishi mahatripurasundari .. 57..

chatuhshashtyupacharadhya chatuhshashtikalamayi .
mahachatuhshashtikoti yoginiganasevita .. 58..

manuvidya chandravidya chandramandalamadhyaga .
charurupa charuhasa charuchandrakaladhara .. 59..

characharajagannatha chakrarajaniketana .
parvati padmanayana padmaragasamaprabha .. 60..

panchapretasanasina panchabrahmasvarupini .
chinmayi paramananda vijnyanaghanarupini .. 61..

dhyanadhyatridhyeyarupa dharmadharmavivarjita .
vishvarupa jagarini svapanti taijasatmika .. 62..

supta prajnyatmika turya sarvavasthavivarjita .
srishtikartri brahmarupa goptri govindarupini .. 63..

samharini rudrarupa tirodhanakarishvari .
sadashivanugrahada panchakrityaparayana .. 64..

bhanumandalamadhyastha bhairavi bhagamalini .
padmasana bhagavati padmanabhasahodari .. 65..

unmeshanimishotpanna vipannabhuvanavali .
sahasrashirshavadana sahasrakshi sahasrapat .. 66..

abrahmakitajanani varnashramavidhayini .
nijajnyarupanigama punyapunyaphalaprada .. 67..

shrutisimanta sindurikrita padabjadhulika .
sakalagamasandoha shuktisamputa mauktika .. 68..

purusharthaprada purna bhogini bhuvaneshvari .
ambikanadinidhana haribrahmendrasevita .. 69..

narayani nadarupa namarupavivarjita .
hrinkari hrimati hridya heyopadeyavarjita .. 70..

rajarajarchita rajnyi ramya rajivalochana .
ranjani ramani rasya ranatkinkinimekhala .. 71..

rama rakenduvadana ratirupa ratipriya .
rakshakari rakshasaghni rama ramanalampata .. 72..

kamya kamakalarupa kadambakusumapriya .
kalyani jagatikanda karunarasasagara .. 73..

kalavati kalalapa kanta kadambaripriya .
varada vamanayana varunimadavihvala .. 74..

vishvadhika vedavedya vindhyachalanivasini .
vidhatri vedajanani vishnumaya vilasini .. 75..

kshetrasvarupa kshetreshi kshetrakshetrajnyapalini .
kshayavriddhivinirmukta kshetrapalasamarchita .. 76..

vijaya vimala vandya vandarujanavatsala .
vagvadini vamakeshi vahnimandalavasini .. 77..

bhaktimatkalpalatika pashupashavimochini .
samhritasheshapashanda sadacharapravartika .. 78.. (pakhanda)

tapatrayagnisantapta samahladana chandrika .
taruni tapasaradhya tanumadhya tamopaha .. 79..

chitistatpadalakshyartha chidekarasarupini .
svatmanandalavibhuta brahmadyanandasantatih .. 80..

para pratyakchitirupa pashyanti paradevata .
madhyama vaikharirupa bhaktamanasahamsika .. 81..

kameshvaraprananadi kritajnya kamapujita .
shringararasasampurna jaya jalandharasthita .. 82..

odyanapithanilaya bindumandalavasini .
rahoyagakramaradhya rahastarpanatarpita .. 83..

sadyahprasadini vishvasakshini sakshivarjita .
shadangadevatayukta shadgunyaparipurita .. 84..

nityaklinna nirupama nirvanasukhadayini .
nityashodashikarupa shrikanthardhasharirini .. 85..

prabhavati prabharupa prasiddha parameshvari .
mulaprakritiravyakta vyaktavyaktasvarupini .. 86..

vyapini vividhakara vidyavidya-svarupini .
mahakameshanayana kumudahladakaumudi .. 87..

bhaktahardatamobheda bhanumadbhanusantatih .
shivaduti shivaradhya shivamurtih shivankari .. 88..

shivapriya shivapara shishteshta shishtapujita .
aprameya svaprakasha manovachamagochara .. 89..

chichchhaktish chetanarupa jadashaktirjadatmika .
gayatri vyahritih sandhya dvijabrindanishevita .. 90..

tattvasana tattvamayi panchakoshantarasthita .
nihsimamahima nityayauvana madashalini .. 91.. (nissima)

madaghurnitaraktakshi madapatalagandabhuh .
chandanadravadigdhangi champeyakusumapriya .. 92..

kushala komalakara kurukulla kuleshvari .
kulakundalaya kaulamargatatparasevita .. 93..

kumaragananathamba tushtih pushtirmatirdhritih .
shantih svastimati kantirnandini vighnanashini .. 94..

tejovati trinayana lolakshikamarupini .
malini hamsini mata malayachalavasini .. 95..

sumukhi nalini subhruh shobhana suranayika .
kalakanthi kantimati kshobhini sukshmarupini .. 96..

vajreshvari vamadevi vayovasthavivarjita .
siddheshvari siddhavidya siddhamata yashasvini .. 97..

vishuddhichakranilayaraktavarna trilochana .
khatvangadipraharana vadanaikasamanvita .. 98..

payasannapriya tvakstha pashulokabhayankari .
amritadimahashaktisamvrita dakinishvari .. 99..

anahatabjanilaya shyamabha vadanadvaya .
damshtrojjvalakshamaladidhara rudhirasamsthita .. 100..

kalaratryadishaktyaughavrita snigdhaudanapriya .
mahavirendravarada rakinyambasvarupini .. 101..

manipurabjanilaya vadanatrayasamyuta .
vajradikayudhopeta damaryadibhiravrita .. 102..

raktavarna mamsanishtha gudannapritamanasa .
samastabhaktasukhada lakinyambasvarupini .. 103..

svadhishthanambujagata chaturvaktramanohara .
shuladyayudhasampanna pitavarnatigarvita .. 104..

medonishtha madhuprita bandhinyadisamanvita .
dadhyannasaktahridaya kakinirupadharini .. 105..

muladharambujarudha panchavaktrasthisamsthita .
ankushadipraharana varadadinishevita .. 106..

mudgaudanasaktachitta sakinyambasvarupini .
ajnyachakrabjanilaya shuklavarna shadanana .. 107..

majjasamstha hamsavatimukhyashakti samanvita .
haridrannaikarasika hakinirupadharini .. 108..

sahasradalapadmastha sarvavarnopashobhita .
sarvayudhadhara shuklasamsthita sarvatomukhi .. 109..

sarvaudanapritachitta yakinyambasvarupini .
svaha svadhamatirmedha shrutih smritiranuttama .. 110..

punyakirtih punyalabhya punyashravanakirtana .
pulomajarchita bandhamochani bandhuralaka .. 111.. (mochani barbaralaka)

vimarsharupini vidya viyadadijagatprasuh .
sarvavyadhiprashamani sarvamrityunivarini .. 112..

agraganyachintyarupa kalikalmashanashini .
katyayani kalahantri kamalakshanishevita .. 113..

tambulapuritamukhi dadimikusumaprabha .
mrigakshi mohini mukhya mridani mitrarupini .. 114..

nityatripta bhaktanidhirniyantri nikhileshvari .
maitryadivasanalabhya mahapralayasakshini .. 115..

para shaktih para nishtha prajnyanaghanarupini .
madhvipanalasa matta matrikavarnarupini .. 116..

mahakailasanilaya mrinalamridudorlata .
mahaniya dayamurtirmahasamrajyashalini .. 117..

atmavidya mahavidya shrividya kamasevita .
shrishodashaksharividya trikuta kamakotika .. 118..

katakshakinkaribhuta kamalakotisevita .
shirahsthita chandranibha bhalasthendradhanuhprabha .. 119..

hridayastha raviprakhya trikonantaradipika .
dakshayani daityahantri dakshayajnyavinashini .. 120..

darandolitadirghakshi darahasojjvalanmukhi .
gurumurtirgunanidhirgomata guhajanmabhuh .. 121..

deveshi dandanitistha daharakasharupini .
pratipanmukhyarakanta tithimandalapujita .. 122..

kalatmika kalanatha kavyalapavinodini . (vimodini)
sachamararamavani savyadakshinasevita .. 123..

adishaktirameyatma parama pavanakritih .
anekakotibrahmandajanani divyavigraha .. 124..

klinkari kevala guhya kaivalyapadadayini .
tripura trijagadvandya trimurtistridasheshvari .. 125..

tryakshari divyagandhadhya sinduratilakanchita .
uma shailendratanaya gauri gandharvasevita .. 126..

vishvagarbha svarnagarbhavarada vagadhishvari .
dhyanagamyaparichchhedya jnyanada jnyanavigraha .. 127..

sarvavedantasamvedya satyanandasvarupini .
lopamudrarchita lilakliptabrahmandamandala .. 128..

adrishya drishyarahita vijnyatri vedyavarjita .
yogini yogada yogya yogananda yugandhara .. 129..

ichchhashaktijnyanashakti kriyashaktisvarupini .
sarvadhara supratishtha sadasadrupadharini .. 130..

ashtamurtirajajaitri lokayatravidhayini . (ajajetri)
ekakini bhumarupa nirdvaita dvaitavarjita .. 131..

annada vasuda vriddha brahmatmaikyasvarupini .
brihati brahmani brahmi brahmananda balipriya .. 132..

bhasharupa brihatsena bhavabhavavivarjita .
sukharadhya shubhakari shobhana sulabha gatih .. 133..

rajarajeshvari rajyadayini rajyavallabha .
rajatkripa rajapithaniveshitanijashrita .. 134..

rajyalakshmih koshanatha chaturangabaleshvari .
samrajyadayini satyasandha sagaramekhala .. 135..

dikshita daityashamani sarvalokavashankari .
sarvarthadatri savitri sachchidanandarupini .. 136..

deshakalaparichchhinna sarvaga sarvamohini .
sarasvati shastramayi guhamba guhyarupini .. 137..

sarvopadhivinirmukta sadashivapativrata .
sampradayeshvari sadhvi gurumandalarupini .. 138..

kulottirna bhagaradhya maya madhumati mahi .
ganamba guhyakaradhya komalangi gurupriya .. 139..

svatantra sarvatantreshi dakshinamurtirupini .
sanakadisamaradhya shivajnyanapradayini .. 140..

chitkalanandakalika premarupa priyankari .
namaparayanaprita nandividya nateshvari .. 141..

mithyajagadadhishthana muktida muktirupini .
lasyapriya layakari lajja rambhadivandita .. 142..

bhavadavasudhavrishtih paparanyadavanala .
daurbhagyatulavatula jaradhvantaraviprabha .. 143..

bhagyabdhichandrika bhaktachittakekighanaghana .
rogaparvatadambholirmrityu darukutharika .. 144..

maheshvari mahakali mahagrasa mahashana .
aparna chandika chandamundasuranishudini .. 145..

ksharaksharatmika sarvalokeshi vishvadharini .
trivargadatri subhaga tryambaka trigunatmika .. 146..

svargapavargada shuddha japapushpanibhakritih .
ojovati dyutidhara yajnyarupa priyavrata .. 147..

duraradhya duradharsha patalikusumapriya .
mahati merunilaya mandarakusumapriya .. 148..

viraradhya viradrupa viraja vishvatomukhi .
pratyagrupa parakasha pranada pranarupini .. 149..

martandabhairavaradhya mantrininyastarajyadhuh . (martanda)
tripureshi jayatsena nistraigunya parapara .. 150..

satyajnyananandarupa samarasyaparayana .
kapardini kalamala kamadhuk kamarupini .. 151..

kalanidhih kavyakala rasajnya rasashevadhih .
pushta puratana pujya pushkara pushkarekshana .. 152..

paranjyotih parandhama paramanuh paratpara .
pashahasta pashahantri paramantravibhedini .. 153..

murtamurtanityatripta munimanasahamsika .
satyavrata satyarupa sarvantaryamini sati .. 154..

brahmani brahmajanani bahurupa budharchita .
prasavitri prachandajnya pratishtha prakatakritih .. 155..

praneshvari pranadatri panchashatpitharupini .
vishrinkhala viviktastha viramata viyatprasuh .. 156..

mukunda muktinilaya mulavigraharupini .
bhavajnya bhavarogaghni bhavachakrapravartini .. 157..

chhandahsara shastrasara mantrasara talodari .
udarakirtiruddamavaibhava varnarupini .. 158..

janmamrityu jarataptajana vishrantidayini .
sarvopanishadudghushta shantyatitakalatmika .. 159..

gambhira gaganantastha garvita ganalolupa .
kalpanarahita kashthakanta kantardhavigraha .. 160..

karyakarananirmukta kamakelitarangita .
kanatkanakatatanka lilavigrahadharini .. 161..

aja kshayavinirmukta mugdha kshipraprasadini .
antarmukhasamaradhya bahirmukhasudurlabha .. 162..

trayi trivarganilaya tristha tripuramalini .
niramaya niralamba svatmarama sudhasritih .. 163.. (sudhasrutih)

samsarapankanirmagna samuddharanapandita .
yajnyapriya yajnyakartri yajamanasvarupini .. 164..

dharmadhara dhanadhyaksha dhanadhanyavivardhini .
viprapriya viprarupa vishvabhramanakarini .. 165..

vishvagrasa vidrumabha vaishnavi vishnurupini .
ayoniryoninilaya kutastha kularupini .. 166..

viragoshthipriya vira naishkarmya nadarupini .
vijnyanakalana kalya vidagdha baindavasana .. 167..

tattvadhika tattvamayi tattvamarthasvarupini .
samaganapriya saumya sadashivakutumbini .. 168.. (somya)

savyapasavyamargastha sarvapadvinivarini .
svastha svabhavamadhura dhira dhirasamarchita .. 169..

chaitanyarghyasamaradhya chaitanyakusumapriya .
sadodita sadatushta tarunadityapatala .. 170..

dakshinadakshinaradhya darasmeramukhambuja .
kaulinikevalanarghya kaivalyapadadayini .. 171..

stotrapriya stutimati shrutisamstutavaibhava .
manasvini manavati maheshi mangalakritih .. 172..

vishvamata jagaddhatri vishalakshi viragini .
pragalbha paramodara paramoda manomayi .. 173..

vyomakeshi vimanastha vajrini vamakeshvari .
panchayajnyapriya panchapretamanchadhishayini .. 174..

panchami panchabhuteshi panchasankhyopacharini .
shashvati shashvataishvarya sharmada shambhumohini .. 175..

dharadharasuta dhanya dharmini dharmavardhini .
lokatita gunatita sarvatita shamatmika .. 176..

bandhukakusumaprakhya bala lilavinodini .
sumangali sukhakari suveshadhya suvasini .. 177..

suvasinyarchanapritashobhana shuddhamanasa .
bindutarpanasantushta purvaja tripurambika .. 178..

dashamudrasamaradhya tripurashrivashankari .
jnyanamudra jnyanagamya jnyanajnyeyasvarupini .. 179..

yonimudra trikhandeshi trigunamba trikonaga .
anaghadbhutacharitra vanchhitarthapradayini .. 180..

abhyasatishayajnyata shadadhvatitarupini .
avyaja karunamurtirajnyanadhvanta dipika .. 181..

abalagopavidita sarvanullanghyashasana .
shrichakrarajanilaya shrimattripurasundari .. 182..

shrishiva shivashaktyaikyarupini lalitambika .
evam shrilalita devya namnam sahasrakam jaguh ..

 

Ramaswamy Sastry and Vighnesh Ghanapaathi