अरुणारुण- लोचनमग्रभवं
वरदं जनवल्लभ- मद्रिसमम्।
हरिभक्तमपार- समुद्रतरं
हनुमन्तमजस्रमजं भज रे।
वनवासिनमव्यय- रुद्रतनुं
बलवर्द्धन- त्त्वमरेर्दहनम्।
प्रणवेश्वरमुग्रमुरं हरिजं
हनुमन्तमजस्रमजं भज रे।
पवनात्मजमात्मविदां सकलं
कपिलं कपितल्लजमार्तिहरम्।
कविमम्बुज- नेत्रमृजुप्रहरं
हनुमन्तमजस्रमजं भज रे।
रविचन्द्र- सुलोचननित्यपदं
चतुरं जितशत्रुगणं सहनम्।
चपलं च यतीश्वरसौम्यमुखं
हनुमन्तमजस्रमजं भज रे।
भज सेवितवारिपतिं परमं
भज सूर्यसम- प्रभमूर्ध्वगमम्।
भज रावणराज्य- कृशानुतमं
हनुमन्तमजस्रमजं भज रे।
भज लक्ष्मणजीवन- दानकरं
भज रामसखी- हृदभीष्टकरम्।
भज रामसुभक्त- मनादिचरं
हनुमन्तमजस्रमजं भज रे।

arunaaruna- lochanamagrabhavam
varadam janavallabha- madrisamam.
haribhaktamapaara- samudrataram
hanumantamajasramajam bhaja re.
vanavaasinamavyaya- rudratanum
balavarddhana- ttvamarerdahanam.
pranaveshvaramugramuram harijam
hanumantamajasramajam bhaja re.
pavanaatmajamaatmavidaam sakalam
kapilam kapitallajamaartiharam.
kavimambuja- netramri'jupraharam
hanumantamajasramajam bhaja re.
ravichandra- sulochananityapadam
chaturam jitashatruganam sahanam.
chapalam cha yateeshvarasaumyamukham
hanumantamajasramajam bhaja re.
bhaja sevitavaaripatim paramam
bhaja sooryasama- prabhamoordhvagamam.
bhaja raavanaraajya- kri'shaanutamam
hanumantamajasramajam bhaja re.
bhaja lakshmanajeevana- daanakaram
bhaja raamasakhee- hri'dabheesht'akaram.
bhaja raamasubhakta- manaadicharam
hanumantamajasramajam bhaja re.

Ramaswamy Sastry and Vighnesh Ghanapaathi