इन्दीवराखिल- समानविशालनेत्रो
हेमाद्रिशीर्षमुकुटः कलितैकदेवः।
आलेपितामल- मनोभवचन्दनाङ्गो
भूतिं करोतु मम भूमिभवो मुरारिः।
सत्यप्रियः सुरवरः कविताप्रवीणः
शक्रादिवन्दितसुरः कमनीयकान्तिः।
पुण्याकृतिः सुवसुदेवसुतः कलिघ्नो
भूतिं करोतु मम भूमिभवो मुरारिः।
नानाप्रकारकृत- भूषणकण्ठदेशो
लक्ष्मीपतिर्जन- मनोहरदानशीलः।
यज्ञस्वरूपपरमाक्षर- विग्रहाख्यो
भूतिं करोतु मम भूमिभवो मुरारिः।
भीष्मस्तुतो भवभयापहकार्यकर्ता
प्रह्लादभक्तवरदः सुलभोऽप्रमेयः।
सद्विप्रभूमनुज- वन्द्यरमाकलत्रो
भूतिं करोतु मम भूमिभवो मुरारिः।
नारायणो मधुरिपुर्जनचित्तसंस्थः
सर्वात्मगोचरबुधो जगदेकनाथः।
तृप्तिप्रदस्तरुण- मूर्तिरुदारचित्तो
भूतिं करोतु मम भूमिभवो मुरारिः।

indeevaraakhila- samaanavishaalanetro
hemaadrisheershamukut'ah' kalitaikadevah'.
aalepitaamala- manobhavachandanaango
bhootim karotu mama bhoomibhavo muraarih'.
satyapriyah' suravarah' kavitaapraveenah'
shakraadivanditasurah' kamaneeyakaantih'.
punyaakri'tih' suvasudevasutah' kalighno
bhootim karotu mama bhoomibhavo muraarih'.
naanaaprakaarakri'ta- bhooshanakant'hadesho
lakshmeepatirjana- manoharadaanasheelah'.
yajnyasvaroopaparamaakshara- vigrahaakhyo
bhootim karotu mama bhoomibhavo muraarih'.
bheeshmastuto bhavabhayaapahakaaryakartaa
prahlaadabhaktavaradah' sulabho'prameyah'.
sadviprabhoomanuja- vandyaramaakalatro
bhootim karotu mama bhoomibhavo muraarih'.
naaraayano madhuripurjanachittasamsthah'
sarvaatmagocharabudho jagadekanaathah'.
tri'ptipradastaruna- moortirudaarachitto
bhootim karotu mama bhoomibhavo muraarih'.

Ramaswamy Sastry and Vighnesh Ghanapaathi