उदयाद्रिमस्तकमहामणिं लसत्-
कमलाकरैकसुहृदं महौजसम्।
गदपङ्कशोषणमघौघनाशनं
शरणं गतोऽस्मि रविमंशुमालिनम्।
तिमिरापहारनिरतं निरामयं
निजरागरञ्जितजगत्त्रयं विभुम्।
गदपङ्कशोषणमघौघनाशनं
शरणं गतोऽस्मि रविमंशुमालिनम्।
दिनरात्रिभेदकरमद्भुतं परं
सुरवृन्दसंस्तुतचरित्रमव्ययम्।
गदपङ्कशोषणमघौघनाशनं
शरणं गतोऽस्मि रविमंशुमालिनम्।
श्रुतिसारपारमजरामयं परं
रमणीयविग्रहमुदग्ररोचिषम्।
गदपङ्कशोषणमघौघनाशनं
शरणं गतोऽस्मि रविमंशुमालिनम्।
शुकपक्षतुण्डसदृशाश्वमण्डलम्
अचलावरोहपरिगीतसाहसम्।
गदपङ्कशोषणमघौघनाशनं
शरणं गतोऽस्मि रविमंशुमालिनम्।
श्रुतितत्त्वगम्यमखिलाक्षिगोचरं
जगदेकदीपमुदयास्तरागिणम्।
गदपङ्कशोषणमघौघनाशनं
शरणं गतोऽस्मि रविमंशुमालिनम्।
श्रितभक्तवत्सलमशेषकल्मष-
क्षयहेतुमक्षयफलप्रदायिनम्।
गदपङ्कशोषणमघौघनाशनं
शरणं गतोऽस्मि रविमंशुमालिनम्।
अहमन्वहं सतुरगक्षताटवी-
शतकोटिहालकमहामहीधनम्।
गदपङ्कशोषणमघौघनाशनं
शरणं गतोऽस्मि रविमंशुमालिनम्।
इति सौरमष्टकमहर्मुखे रविं
प्रणिपत्य यः पठति भक्तितो नरः।
स विमुच्यते सकलरोगकल्मषैः
सवितुः समीपमपि सम्यगाप्नुयात्।

udayaadrimastakamahaamanim lasat-
kamalaakaraikasuhri'dam mahaujasam.
gadapankashoshanam- aghaughanaashanam
sharanam gato'smi ravimamshumaalinam.
timiraapahaaraniratam niraamayam
nijaraagaranjitajagattrayam vibhum.
gadapankashoshanam- aghaughanaashanam
sharanam gato'smi ravimamshumaalinam.
dinaraatribhedakaramadbhutam param
suravri'ndasamstutacharitramavyayam.
gadapankashoshanam- aghaughanaashanam
sharanam gato'smi ravimamshumaalinam.
shrutisaarapaaramajaraamayam param
ramaneeyavigrahamudagrarochisham.
gadapankashoshanam- aghaughanaashanam
sharanam gato'smi ravimamshumaalinam.
shukapakshatund'a- sadri'shaashvamand'alam
achalaavarohaparigeetasaahasam.
gadapankashoshanam- aghaughanaashanam
sharanam gato'smi ravimamshumaalinam.
shrutitattvagamyamakhilaakshigocharam
jagadekadeepamudayaastaraaginam.
gadapankashoshanam- aghaughanaashanam
sharanam gato'smi ravimamshumaalinam.
shritabhaktavatsalamasheshakalmasha-
kshayahetumakshayaphalapradaayinam.
gadapankashoshanam- aghaughanaashanam
sharanam gato'smi ravimamshumaalinam.
ahamanvaham saturagakshataat'avee-
shatakot'ihaalakamahaamaheedhanam.
gadapankashoshanam- aghaughanaashanam
sharanam gato'smi ravimamshumaalinam.
iti sauramasht'akamaharmukhe ravim
pranipatya yah' pat'hati bhaktito narah'.
sa vimuchyate sakalarogakalmashaih'
savituh' sameepamapi samyagaapnuyaat.

Ramaswamy Sastry and Vighnesh Ghanapaathi