ಕಲಯ ಕಲಾವಿತ್ಪ್ರವರಂ ಕಲಯಾ ನೀಹಾರದೀಧಿತೇಃ ಶೀರ್ಷಂ .
ಸತತಮಲಂಕುರ್ವಾಣ ಪ್ರಣತಾವನದೀಕ್ಷ ಯಕ್ಷರಾಜಸಖ ..

ಕಾಂತಾಗೇಂದ್ರಸುತಾಯಾಃ ಶಾಂತಾಹಂಕಾರಚಿಂತ್ಯಚಿದ್ರೂಪ .
ಕಾಂತಾರಖೇಲನರುಚೇ ಶಾಂತಾಂತಃಕರಣಂ ದೀನಮವ ಶಂಭೋ ..

ದಾಕ್ಷಾಯಣೀಮನೋಂಬ್ರುಜಭಾನೋ ವೀಕ್ಷಾವಿತೀರ್ಣವಿನತೇಷ್ಟ .
ದ್ರಾಕ್ಷಾಮಧುರಿಮಮದಭರಶಿಕ್ಷಾಕತ್ರೀಂ ಪ್ರದೇಹಿ ಭಮ ವಾಚಂ ..

ಪಾರದಸಮಾನವರ್ಣೌ ನೀರದನೀಕಾಶದಿವ್ಯಗಲದೇಶಃ .
ಪಾದನತದೇವಸಂಘಃ ಪಶುಮನಿಶಂ ಪಾತು ಮಾಮೀಶಃ ..

ಭವ ಶಂಭೋ ಗುರುರೂಪೇಣಾಶು ಮೇಽದ್ಯ ಕರುಣಾಬ್ಧೇ .
ಚಿರತರಮಿಹ ವಾಸಂ ಕುರು ಜಗತೀಂ ರಕ್ಷನ್ ಪ್ರಬೋಧನಾನೇನ ..

ಯಕ್ಷಾಧಿಪಸಖಮನಿಶಂ ರಕ್ಷಾಚತುರಂ ಸಮಸ್ತಲೋಕಾನಾಂ .
ವೀಕ್ಷಾದಾಪಿತಕವಿತಂ ದಾಕ್ಷಾಯಣ್ಯಾಃ ಪತಿಂ ನೌಮಿ ..

ಯಮನಿಯಮನಿರತಲಭ್ಯಂ ಶಮದಮಮುಖಷಂಕದಾನಕೃತದೀಕ್ಷಂ .
ರಮಣೀಯಪದಸರೋಜಂ ಶಮನಾಹಿತಮಾಶ್ರಯೇ ಸತತಂ ..

ಯಮಿಹೃನ್ಮಾನಸಹಂಸಂ ಶಮಿತಾಘೌಘಂ ಪ್ರಣಾಮಮಾತ್ರೇಣ .
ಅಮಿತಾಯುಃಪ್ರದಪೂಜಂ ಕಮಿತಾರಂ ನೌಮಿ ಶೈಲತನಯಾಯಾಃ ..

ಯೇನ ಕೃತಮಿಂದುಮೌಲೇ ಮಾನವವರ್ಯೇಣ ತಾವಕಸ್ಮರಣಂ .
ತೇನ ಜಿತಂ ಜಗದಖಿಲಂ ಕೋ ನ ಬ್ರೂತೇ ಸುರಾರ್ಯತುಲ್ಯೇನ ..

Ramaswamy Sastry and Vighnesh Ghanapaathi