ಕೇಯೂರಭೂಷಂ ಮಹನೀಯರೂಪಂ
ರತ್ನಾಂಕಿತಂ ಸರ್ಪಸುಶೋಭಿತಾಂಗಂ .
ಸರ್ವೇಷು ಭಕ್ತೇಷು ದಯೈಕದೃಷ್ಟಿಂ
ಕೇದಾರನಾಥಂ ಭಜ ಲಿಂಗರಾಜಂ ..
ತ್ರಿಶೂಲಿನಂ ತ್ರ್ಯಂಬಕಮಾದಿದೇವಂ
ದೈತೇಯದರ್ಪಘ್ನಮುಮೇಶಿತಾರಂ .
ನಂದಿಪ್ರಿಯಂ ನಾದಪಿತೃಸ್ವರೂಪಂ
ಕೇದಾರನಾಥಂ ಭಜ ಲಿಂಗರಾಜಂ ..
ಕಪಾಲಿನಂ ಕೀರ್ತಿವಿವರ್ಧಕಂ ಚ
ಕಂದರ್ಪದರ್ಪಘ್ನಮಪಾರಕಾಯಂ.
ಜಟಾಧರಂ ಸರ್ವಗಿರೀಶದೇವಂ
ಕೇದಾರನಾಥಂ ಭಜ ಲಿಂಗರಾಜಂ ..
ಸುರಾರ್ಚಿತಂ ಸಜ್ಜನಮಾನಸಾಬ್ಜ-
ದಿವಾಕರಂ ಸಿದ್ಧಸಮರ್ಚಿತಾಂಘ್ರಿಂ
ರುದ್ರಾಕ್ಷಮಾಲಂ ರವಿಕೋಟಿಕಾಂತಿಂ
ಕೇದಾರನಾಥಂ ಭಜ ಲಿಂಗರಾಜಂ ..
ಹಿಮಾಲಯಾಖ್ಯೇ ರಮಣೀಯಸಾನೌ
ರುದ್ರಪ್ರಯಾಗೇ ಸ್ವನಿಕೇತನೇ ಚ .
ಗಂಗೋದ್ಭವಸ್ಥಾನಸಮೀಪದೇಶೇ
ಕೇದಾರನಾಥಂ ಭಜ ಲಿಂಗರಾಜಂ ..

Ramaswamy Sastry and Vighnesh Ghanapaathi