ದಕ್ಷಾಧ್ವರಧ್ವಂಸನಕಾರ್ಯದಕ್ಷ
ಮದ್ದಕ್ಷನೇತ್ರಸ್ಥಿತಸೂರ್ಯರೂಪ |
ಕಟಾಕ್ಷದೃಷ್ಟ್ಯಾ ಮನುಜಪ್ರಸಾದ
ಮನ್ನೇತ್ರರೋಗಂ ಶಮಯ ತ್ರಿನೇತ್ರ ||

ವಾಮಾಕೃತೇ ಶುಭ್ರಶಶಾಂಕಮೌಲೇ
ಮದ್ವಾಮನೇತ್ರಸ್ಥಿತಚಂದ್ರರೂಪ |
ಸಹಸ್ರನೇತ್ರಾದ್ಯಮರಪ್ರಪೂಜ್ಯ
ಮನ್ನೇತ್ರರೋಗಂ ಶಮಯ ತ್ರಿನೇತ್ರ ||

ಸರ್ವಜ್ಞಾನಿನ್ ಸರ್ವನೇತ್ರಪ್ರಕಾಶ
ಮಜ್ಜ್ಞಾನಾಕ್ಷಿಕ್ಷೇತ್ರಜಾಗ್ನಿಸ್ವರೂಪ |
ಭಕ್ತಸ್ಯಾಶ್ರುಂ ಸ್ವಾಶ್ರುವನ್ಮನ್ಯಮಾನ
ಮಜ್ಜ್ಞಾನಾಕ್ಷಿಂ ಹೇ ಶಿವೋನ್ಮೀಲಯಾಽಽಶು ||

ನೇತ್ರಾತ್ತೋಯಪ್ರಪಾತಂ ಶಮಯ ಶಮಯ ಭೋ ದೂರದೃಷ್ಟಿಂ ದ್ವಿದೃಷ್ಟಿಂ
ರಾತ್ರ್ಯಂಧತ್ವಾಖ್ಯರೋಗಂ ಶಮಯ ಶಮಯ ಭೋ ಚಕ್ಷುಷೋಽಸ್ಪಷ್ಟದೃಷ್ಟಿಂ |
ವರ್ಣಾಂಧತ್ವಾಲ್ಪದೃಷ್ಟೀ ಶಮಯ ಶಮಯ ಭೋ ನೇತ್ರರಕ್ತತ್ವರೋಗಂ
ಮನ್ನೇತ್ರಾಲಸ್ಯರೋಗಂ ಶಮಯ ಶಮಯ ಭೋ ಹೇ ತ್ರಿನೇತ್ರೇಶ ಶಂಭೋ ||

Ramaswamy Sastry and Vighnesh Ghanapaathi