ಆದಾವಂಬುಜಸಂಭವಾದಿವಿನುತಃ ಶಾಂತೋಽಚ್ಯುತಃ ಶಾಶ್ವತಃ
ಸಂಫುಲ್ಲಾಮಲಪುಂಡರೀಕನಯನಃ ಪುಣ್ಯಃ ಪುರಾಣಃ ಪುಮಾನ್ .
ಲೋಕೇಶಃ ಶ್ರುತಿಚೋರಸೋಮಕಹರೋ ಮತ್ಸ್ಯಾವತಾರೋ ಹರಿಃ
ಶ್ರೀಮಾನ್ ಸಿಂಹಗಿರೀಶ್ವರಃ ಕರುಣಯಾ ದದ್ಯಾತ್ಸದಾ ಮಂಗಲಂ ..

ಸಪ್ತದ್ವೀಪಕುಲಾಚಲೇಂದ್ರಜಲಧಿಸ್ತೋಮಾಭಿಸಂಕ್ರಾಂತಭೂ-
ಭಾರಾಲೀಢಫಣೀಂದ್ರಮಂದರಧರೋ ಮಂದಾರಮಾಲಾರ್ಚಿತಃ .
ಭಾವಜ್ಞೋ ಬಹುಚಕ್ರಲಾಂಛಿತತನುಃ ಕೂರ್ಮಾವತಾರೋ ಹರಿಃ
ಶ್ರೀಮಾನ್ ಸಿಂಹಗಿರೀಶ್ವರಃ ಕರುಣಯಾ ದದ್ಯಾತ್ಸದಾ ಮಂಗಲಂ ..

ಲೀಲಾಲೋಡಿತಸರ್ವಸಾಗರಜಲಃ ಸಂಪೂರ್ಣಚಂದ್ರಪ್ರಭೋ
ಹೇಮಾಕ್ಷಾಸುರಖಂಡನೋ ಭುಜಗದಃ ಚಕ್ರಾಂಕಿತಃ ಸಂತತಂ .
ದಂಷ್ಟ್ರಾಗ್ರೋದ್ಧೃತಮೇದಿನೀಭಯಹರಃ ಕ್ರೋಡಾವತಾರೋ ಹರಿಃ
ಶ್ರೀಮಾನ್ ಸಿಂಹಗಿರೀಶ್ವರಃ ಕರುಣಯಾ ದದ್ಯಾತ್ಸದಾ ಮಂಗಲಂ ..

ಕುಂದೇಂದುಸ್ಫಟಿಕಪ್ರಭೋ ಬಹುಭುಜೋ ಭೂಷಾಸಹಸ್ರೋಜ್ಜ್ವಲೋ
ದೈತ್ಯೇಂದ್ರೋದರದಾರಣೇಽತಿನಿಪುಣಃ ಸ್ತಂಭೋದ್ಭವೋ ಭೀಷಣಃ .
ಪ್ರಹ್ಲಾದಾರ್ತಿಹರೋದಯೋ ನರಮೃಗಾಕಾರಾವತಾರೋ ಹರಿಃ
ಶ್ರೀಮಾನ್ ಸಿಂಹಗಿರೀಶ್ವರಃ ಕರುಣಯಾ ದದ್ಯಾತ್ಸದಾ ಮಂಗಲಂ ..

ಧಾತೃಕ್ಷಾಲಿತಪಾದಪಂಕಜಭವಸ್ರೋತೋಮಹಾಶಾಂಬರಃ
ಪ್ರಕ್ಷಾಲೀಕೃತಪಾದಪದ್ಮಯುಗಲೋ ಬಾಲೋ ಜಗಜ್ಜೀವನಃ .
ಭಿಕ್ಷಾರ್ಥೀ ಬಲಿದರ್ಪಹಾ ಪಟುವಟುಃ ಖರ್ವಾವತಾರೋ ಹರಿಃ
ಶ್ರೀಮಾನ್ ಸಿಂಹಗಿರೀಶ್ವರಃ ಕರುಣಯಾ ದದ್ಯಾತ್ಸದಾ ಮಂಗಲಂ ..

ಸದ್ಯಃಖಂಡಿತರಾಜಮಂಡಲಶರೀರೋದ್ಭೂತರಕ್ತಾಪಗಾ
ಸಂಸಿಕ್ತಾಖಿಲಭೂತಲಃ ಪಿತೃವಚಃಸಂಪಾಲನೇ ನಿಷ್ಠಿತಃ .
ವೇದಜ್ಞೋ ಜಮದಗ್ನಿಜಃ ಪರಶುಭೃದ್ರಾಮಾವತಾರೋ ಹರಿಃ
ಶ್ರೀಮಾನ್ ಸಿಂಹಗಿರೀಶ್ವರಃ ಕರುಣಯಾ ದದ್ಯಾತ್ಸದಾ ಮಂಗಲಂ ..

ರಾಜೇಂದ್ರೋ ರಣರಂಗರಾಜವಿನುತಾನೇಕಾಸುರಾಭಾಸುರಾ-
ಕಾರೋ ರಾವಣಕೋಟಿಖಂಡನಪಟುಃ ಕೋದಂಡದೀಕ್ಷಾಗುರುಃ .
ಸೀತೇಶಃ ಸುರಸಜ್ಜನಾಮೃತಕರೋ ರಾಮಾವತಾರೋ ಹರಿಃ
ಶ್ರೀಮಾನ್ ಸಿಂಹಗಿರೀಶ್ವರಃ ಕರುಣಯಾ ದದ್ಯಾತ್ಸದಾ ಮಂಗಲಂ ..

ಕಾಲಿಂದೀಜಲಭೇದನೋ ಬಹುಭುಜೋ ಭೂಷಾಸಮುದ್ಭಾಸುರಃ
ಪ್ರಧ್ವಂಸೀ ಮುಸಲಾಯುಧೋ ಹಲಧರೋ ನೀಲಾಂಬರೋ ನಿರ್ಮಲಃ .
ಲಾವಣ್ಯಾಪ್ಪತಿರೇವತೀಪತಿರಸೌ ರಾಮಾವತಾರೋ ಹರಿಃ
ಶ್ರೀಮಾನ್ ಸಿಂಹಗಿರೀಶ್ವರಃ ಕರುಣಯಾ ದದ್ಯಾತ್ಸದಾ ಭಂಗಲಂ ..

ಧರ್ಮಜ್ಞತ್ರಿಪುರಾಧಿನಾಥವನಿತಾಧರ್ಮೋಪದೇಷ್ಟಾ ಚ ತ-
ತ್ಪಾತಿವ್ರತ್ಯವಿಶೇಷಭಂಜನಪರೋ ವೇದಾಂತವೇದ್ಯಃ ಸದಾ .
ದೈತ್ಯವ್ರಾತವಿನಾಶನಾದಿಚತುರೋ ಬುದ್ಧಾವತಾರೋ ಹರಿಃ
ಶ್ರೀಮಾನ್ ಸಿಂಹಗಿರೀಶ್ವರಃ ಕರುಣಯಾ ದದ್ಯಾತ್ಸದಾ ಮಂಗಲಂ ..

ಮ್ಲೇಚ್ಛವ್ರಾತವಿನಾಶಕಃ ಕಲಿಯುಗಾಂತೇಽಶ್ವಾಧಿರೂಢೋ ಮಹಾ-
ಮಾಯಾವೀ ಬಹುಭಾನುಕೋಟಿಸದೃಶೋ ಭೀಮಾಂಶುಚಕ್ರಾಯುಧಃ .
ಯಶ್ಚಾಂಗೀಕೃತಕಲ್ಕಿರೂಪವಿಭವೋ ಭೂಮೌ ಅವಿಷ್ಯಾನ್ವಯಃ
ಶ್ರೀಮಾನ್ ಸಿಂಹಗಿರೀಶ್ವರಃ ಕರುಣಯಾ ದದ್ಯಾತ್ಸದಾ ಮಂಗಲಂ ..

Ramaswamy Sastry and Vighnesh Ghanapaathi