ವೈಷ್ಣವಾನಾಂ ಹರಿಸ್ತ್ವಂ ಶಿವಸ್ತ್ವಂ ಸ್ವಯಂ
ಶಕ್ತಿರೂಪಸ್ತ್ವಮೇವಾನಯಸ್ತ್ವಂ ನತೇಃ .
ತ್ವಂ ಗಣಾಧಿಕೃತಸ್ತ್ವಂ ಸುರೇಶಾಧಿಪ-
ಸ್ತ್ವಂ ಮರುತ್ವಾನ್ರವಿಸ್ತ್ವಂ ಸದಾ ಸ್ತೋಚತಾಂ ..

ತ್ವಂ ಸದಾ ಲೋಕಕಲ್ಯಾಣಕೃನ್ಮಂಡಲಃ
ತಪ್ಯಮಾನೋ ಜಗದ್ಭೂತಿಸಿದ್ಧ್ಯೈ ನಭೇ .
ರಾತಿ ರಾತ್ರ್ಯೈ ನಿವಿಷ್ಟಾಭಮಗ್ನಿಂ ತಥಾ
ದ್ವಾದಶಾತ್ಮನ್ ಸದಾಽಽನಂದಮಗ್ನೋ ಭವ ..

ಜಾನ್ಮಮಾತ್ರೇಣ ಚಾಸಕ್ತಿಗ್ರಸ್ತೋ ವಯಂ
ಶಾಂಬರೀಬಂಧನೇ ವಿಸ್ಮೃತಾಶ್ಚಾರ್ಥಿನಃ .
ಭಕ್ತಿಭಾವೇನ ಹೀನಾಯ ಜೋಷಾಲಯೋಽ-
ರ್ಕಾದಿತೇಯೋಷ್ಣರಶ್ಮೇ ಪ್ರಸನ್ನೋ ಮಯಿ ..

ಅಕೃತಾರ್ಥಾಯ ಬ್ರಹ್ಮಾಂಡಸಾದ್ಧಸ್ತಥಾ
ತಾಯಕೋ ವಿಷ್ಣುರೂಪೇಣ ಕಲ್ಪಾಂತರೇ .
ಯೋ ಮಹಾಽನ್ತೇ ಶಿವಶ್ಚಂಡನೀಲೋ ನಟೋ
ದಕ್ಷಜಾಽಙ್ಗಪ್ರಭಸ್ತ್ವಂ ಸದಾ ರೋಚತಾಂ ..

ಬ್ರಾಹ್ಮಣೋ ಬಾಹುಜೋಽನ್ಯಾಶ್ಚ ವರ್ಣಾಶ್ರಮಾ
ಬ್ರಹ್ಮಚರ್ಯಾದ್ಯತಿತ್ವೋ ಹೃಷೀಕೇ ಧ್ರುವಃ .
ಧರ್ಮಕಾಮಾದಿರೂಪೇಣ ಚಾವಸ್ಥಿತಃ
ಪ್ರಾಣತತ್ವೋ ಮಹೇಂದ್ರಃ ಪ್ರಸನ್ನೋಽವತು ..

ಅಸ್ಮದಾಚಾರ್ಯಪ್ರೋಕ್ತಂ ಪ್ರಮಾಣಂ ಪರಂ
ಯಾಚಕಾಃ ಪಾದಪದ್ಮಾನುಕಂಪ್ಯಾಸ್ತವ .
ಸ್ವಸ್ಯ ಜನ್ಮಾಂತರಾಚ್ಚಕ್ರಮುಕ್ತಾಸ್ತದಾಽ-
ನರ್ಹಜೀವಸ್ತು ಋಚ್ಛಾಮಿ ಧಾಮಂ ಕಥಂ ..

ಶೌಚಮಾಚಾರಮಸ್ಮತ್ ಪ್ರಮುಕ್ತಾಃ ಕೃತಾಃ
ಸ್ವಾತ್ಮಧರ್ಮಾದ್ವಿಮುಕ್ತಾಸ್ತು ಪಾಪೇ ರತಾಃ .
ಕೇವಲಂ ಕುಕ್ಷಿಪೂರ್ತೇರ್ವಯಂ ಯಾಜಕಾ
ಹೇಽಧಮೋದ್ಧಾರಣಸ್ತೃಪ್ಯತಾತ್ತಾಪನಃ ..

ಪೂಜಿತೋ ದಸ್ರತಾತಾನ್ವವಾಯೈಸ್ತಥಾ
ಋಗ್ಯಜುರ್ವೇದಸಾಮಂ ಚತುರ್ಥೋಂ ಯಥಾ .
ಆಗಮಾಃ ಪಂಚಕಾಲೈರ್ಕ್ರಮೇ ವೇದಕ-
ಸ್ತ್ವಂ ವಿಹಂಗಃ ಸದಾಽಽನಂದಿತೋಽಸ್ಮಾಸು ಹಿ ..

ಸಪ್ತಲೋಕಾರ್ಣವಾಶ್ಚಾಂತರೀಪಾಃ ಸ್ವರಾ
ಯೋಗಿನೋ ರಶ್ಮಯಃ ಸಪ್ತಧಾಽಽರೋಪಿತಃ .
ಔಷಧೇಶ್ಛಂದಭಾವೇಽನ್ನಗೋಮಾರುತೈಃ
ಪಾಲಕಾದಿತ್ಯಸಂಜ್ಞಾಪತೇ ರೋಚತಾಂ ..

Ramaswamy Sastry and Vighnesh Ghanapaathi